ຕໍເຣສ ຢາກຢູ່ ແອັດເລຕິໂກ ຕໍ່ເມື່ອໝົດສັນຍາຢືມໂຕ

ເຟນັນໂດ ຕໍເຣສ ກອງໜ້າ ແອັດເລຕິໂກ ມາດຣິດ ເຜີຍຢາກຕໍ່ສັນຍາໃໝ່ກັບທີມອອກໄປ ຫຼັງຈະໝົດສັນຍາຢືມໂຕຈົບລະດູການນີ້ ເຊື່ອວ່າຖ້າ “ກາໝີ” ກໍຄິດແບບດຽວກັນທຸກຢ່າງຈະບໍ່ແມ່ນເລື່ອງຍາກ.

ເຟນັນໂດ ຕໍເຣສ ຫົວຫອກຂອງ “ກາໝີ” ແອັດເລຕິໂກ ມາດຣິດ ສະໂມສອນແຫ່ງເສິກ ລາ ລີກາ ສະເປນ ອອກມາເປີດເຜີຍເມື່ອວັນພະຫັດທີ 8 ຕຸລາທີ່ຜ່ານມາວ່າ ເຂົາຕ້ອງການທີ່ຈະຈົດປາກກາລົງນາມເຊັນສັນຍາສະບັບໃໝ່ກັບຍອດທີມແຫ່ງ ແດນກະທິງ ເພື່ອຢູ່ໃນຖິ່ນ ບິເຊນເຕ້ ກັນເດຣອນ ຕໍ່ໄປ.

ນັກເຕະ ອາຍຸ 31 ປີ ຢູ່ກັບ ແອັດ ມາດຣິດ ຕັ້ງແຕ່ປີ 1995 ເຖິງ 2007 ກ່ອນທີ່ຈະຍ້າຍມາຢູ່ໃນອັງກິດກັບ ລິເວີພູ ແລະ ເຊວຊີ ກ່ອນທີ່ຈະຍ້າຍກັບມາໃນສະເປນອີກຄັ້ງໃນເດືອນ ກໍລະກົດທີ່ຜ່ານມາ ແຕ່ຍັງຄົງມີສັນຍາກັບ ເອຊີ ມິລານ ທີມຈາກ ອີຕາລີ ແລະ ຄາດວ່າຈະກັບ ຊານ ຊິໂຣ ຊ່ວງຈົບລະດູການນີ້.

ຢ່າງໃດກໍຕາມ ດາວຍິງຄົນນີ້ຍັງບອກວ່າ ເຂົາຕ້ອງການທີ່ຈະຫຼິ້ນກັບ ແອັດເລຕິໂກ ມາດຣິດ ຕໍ່ໄປເມື່ອສັນຍາຢືມໂຕໝົດລົງ ໂດຍກ່າວວ່າ “ມັນບໍ່ແມ່ນຄວາມລັບທີ່ຂ້ອຍຢາກຢູ່ກັບ ແອັດເລຕິໂກ້ ຕໍ່ໄປຕອນເຮົານັ່ງເຈລະຈາກັນຫາກວ່າສະໂມສອນຮູ້ສຶກແບບດຽວກັນມັນກໍຈະເປັນເລື່ອງ່າຍ”.

ສຳລັບ ຕໍເຣສ ຍິງໄປແລ້ວ 5 ລູກໃນ ລາ ລີກາ ນັບຕັ້ງແຕ່ຍ້າຍກັບມາ.

..........................................................................................................................................................................

 

ບົດຄວາມໃຫມ່ໆ