ຕ້ອງການອັບເກຣດທີມ! ເວັສແຮມ ທຸ້ມ 36 ລ້ານປອນ ຊື້ ເຟລີເປ້ ອັນເດີສັນ ແພງທີ່ສຸດຂອງສະໂມສອນ!

ວານນີ້ ເວັສແຮມ ຢູໄນເຕັດ ສະໂມສອນເກົ່າແກ່ໃນພຣີເມ໋ຍລີກອັງກິດ ຍອມຈົກເງິນ 36 ລ້ານປອນ ຊື້ ເຟລີເປ້ ອັນເດີສັນ ກອງກາງຕົວບຸກຊາວເບຣຊິນ ອາຍຸ 25 ປີ ຈາກສະໂມສອນລາຊີໂອ້ ໃນກາລໂຊ້ເຊຣີອາ ອີຕາລີ ເປັນສະຖິຕິຊື້ແພງສຸດຂອງສະໂມສອນ! ເຊັນສັນຍາ 4 ປີ.

ອັນເດີສັນ ເປັນນັກເຕະທີ່ເຕີບໃຫຍ່ມາພ້ອມກັບ ເນມາຣ ໂດດເດັ່ນກັບສະໂມສອນຊານໂຕສ ລົງຫລິ້ນຊ່ວຍທິມ 106 ນັດ, ຍິງໄດ້ 9 ປະຕູ, ໄດ້ແຊ້ມສະໂມສອນອາເມຣິກາໃຕ້ກັບທິມ ໃນປີ 2011. ຈາກນັ້ນ ຍ້າຍມາຮ່ວມທັບ ລາຊີໂອ້ ໃນປີ 2013 ລົງສະໜາມຊ່ວຍທິມ 177 ນັດ, ຍິງໄດ້ 34 ປະຕູ, ຄວ້າແຊ້ມ Supercoppa Italiana ກັບທິມ ໃນປີ 2017.

ອັນເດີສັນ ເປັນນັກເຕະຊາດເບຣຊິນ ຊຸດຄວ້າຫລຽນຄຳໂອແລມປິກເກມ 2016.

ອັນເດີສັນ ເປັນນັກເຕະຄົນທີ 8 ທີ່ແວັສແຮມ ໄດ້ມາເສີມທັບກ່ອນເລີ່ມລະດູການໃຫມ່ 2018-2019.   

Photo: West Ham United