ຕົ້ນ​ໄມ້​ 5 ຊະນິດ​ທີ່​ຄວນ​ມີ​ໃນ​ຫ້ອງ​ນອນ​ ເພາະມັນ​ຊ່ວຍ​ໃຫ້​ຫຼັບ​ສະບາຍຕະຫຼອດ​ຄືນ​

 ຕົ້ນ​ໄມ້​ 5 ຊະນິດ​ທີ່​ຄວນ​ມີ​ໃນ​ຫ້ອງ​ນອນ​ ເພາະມັນ​ຊ່ວຍ​ໃຫ້​ຫຼັບ​ສະບາຍຕະຫຼອດ​ຄືນ​

 ໄປ​ຫາ​ມາ​ປູກ​ດ່ວນ​! ຕົ້ນ​ໄມ້​ 5 ຊະນິດ​ທີ່​ຄວນ​ມີ​ໃນ​ຫ້ອງ​ນອນ​ ເພາະມັນ​ຊ່ວຍ​ໃຫ້​ຫຼັບ​ສະບາຍຕະຫຼອດ​ຄືນ​

ການສຶກສາ​ວິ​ໄຈ​ສະແດງ​ໃຫ້​ເຫັນ​ແລ້ວ​ວ່າ​ ການ​ນອນ​ຫຼັບ​ບໍ່​ພຽງ​ພໍ​ເປັນ​ບັນຫາ​ສຸຂະພາບ​ທີ່​ສຳຄັນ​ ມີ​ຜົນ​ກະທົບ​ຕໍ່​ສຸຂະພາບ​ແລະ​ອາລົມ​ ມີກ​ນ​ເສຍ​ເງີນ​ເປັນ​ຈຳນວນຫຼາຍ​ສຳລັບ​ການ​ຫາ​ວິທີ​ຮັກສາ​ ແລະ​ ການ​ແກ້​ໄຂ​ບັນຫາ​ເຫຼົ່າ​ນີ້​ 

ການເຮັດ​ສະ​ມາ​ທິ​ສາມາດ​ຊ່ວຍ​ໃຫ້​ການ​ນອນ​ຫຼັບ​ດີ​ຂຶ້ນ​ ​ການ​ໃຊ້​ຢາ​ເຖິງຈະ​ຊ່ວຍ​ໄດ້​​ ແຕ່​ບາງເທື່ອ​ສິ່ງເຫົ້ານີ້​ກໍ​ເຮັດໃຫ້​ເວລາ​ນອນ​ຂອງ​ເຈົ້າ​ປ່ຽນ​ໄປ​ ແລະ ​ເຫຼືອ​ນ້ອຍ​ລົງ​ 

ເມື່ອຕຶກ​ຕອງ​ເບິ່ງ​ແລ້ວ​ວິທີ​ທີ່​ດີ​ທີ່ສຸດ​ ເຈົ້າ​ຄວນ​ໄປ​ສຳ​ຜັດ​ອາ​ກາດ​ພາຍນອກ​ ໄ​ປ ຖືກ​ແສງ​ແດດ​ ເບິ່ງ​ດອກ​ໄມ້​ ຟັງ​ສຽງ​ນົກ​ຮ້ອງ​ ມັນ​ຈະ​ເປັນ​ປະໂຫຍດຫຼາຍ​ສຳລັບ​ເຈົ້າ​ ບາງເທື່ອ​ເມື່ອ​ເຮົາ​ອອກ​ ໄປ​ສຳ​ຜັດ​ບັນ​ຍາ​ກາດ​ພາຍນອກ​ດ້ວຍ​ອາດ​ເຮັດໃຫ້​ການ​ນອນ​ຫຼັບ​ຂອງ​ເຮົາ​ຍາວ​ນານ ​ແລະ​ ດີ​ຂຶ້ນ​ໄດ້​

ປະໂຫຍດ​ຂອງ​ການ​ນຳ​ຕົ້ນ​ໄມ້​ເຂົ້າ​ມາ​ໄວ້​ໃນ​ບ້ານ​ຂອງ​ເຈົ້າ​ 
-ສຸຂະພາບ​ໂດຍ​ລວມຈະ​ດີ​ຂຶ້ນ​
-ສົ່ງ​ເສີມ​ອາລົມ​
-ອາ​ກາດ​ດີ​ຂຶ້ນ​
-ຊ່ວຍ​ລະບາຍ​ອາ​ກາດ​
-ຫຼຸດ​ຄວາມ​ຄຽດ​
-ຫຼຸດ​ຄວາມ​ວິຕົກ​ກັງ​ວົນ​
-ມີກິ່ນ​ທີ່ສົ​ດ​ຊື່ນ​
-ອາລົມ​ດີ​
-ບັນ​ເທົາ​ອາການ​ປວດ​ຫົວ​
-ການ​ເຮັດ​ວຽກ​ຂອງ​ສະໝອງ​ດີ​ຂຶ້ນ​
-ຫຼັບ​ສະບາຍ

ຕົ້ນ​ໄມ້​ທີ່​ດີ​ທີ່ສຸດ​ທີ່​ຈະ​ຊ່ວຍ​ໃຫ້​ເຈົ້າ​ນອນ​ຫຼັບ​ສະບາຍ​ຕະຫຼອດ​ຄືນ​ 

1. ລາ​ເວນ​ເດີ​
ລາ​ເວນ​ເດີ​​ເປັນ​ໜຶ່ງ​ໃນ​ພືດ​ທີ່​ປູກ​ງ່າຍ​ທີ່ສຸດ​ ປູກ​ໄດ້​ທັງ​ໃນ​ກະ​ຖາງຫຼືໃນ​ສວນ​ຂອງ​ເຈົ້າ​ ລາ​ເວນ​ເດີ​ມີ​ນ້ຳ​ມັນ​ຫອມ​ລະ​ເຫີຍ ພຽງ​ເຈົ້າ​ນຳ​ມັນ​ເຂົ້າໄປ​ໃນ​ຫ້ອງ​ນອນ​ຂອງ​ເຈົ້າ​ໃນ​ເວລາ​ ກາງ​ຄືນ​ ຈະ​ຊ່ວຍ​ຫຼຸດ​ຄວາມ​ຄຽດ​ແລະ​ຄວາມ​ວິຕົກ​ກັງ​ວົນ​ ອັດຕາ​ການ​ເຕັ້ນ​ຂອງ​ຫົວ​ໃຈຫຼຸດລົງ​ ເຮັດວຽກ​ເປັນ​ຢາກ່ອມ​ປະສາດ​ທຳມະຊາດ​ ມັນ​ຈະ​ຊ່ວຍ​ໃຫ້​ການ​ນອນ​ຫຼັບ​ງ່າຍ​ຂຶ້ນ​ 

2. ຕົ້ນ​ໄອ​ວີ່​
ເປັນ​ໜຶ່ງ​ໃນ​ພືດ​ທີ່​ປູກ​ງ່າຍ​ທີ່ສຸດ​ອີກ​ເຊັ່ນ​ກັນ​ ອີກ​ທັງ​ມັນ​ຍັງສາມາດ​ຈະເລີນ​ເຕີບໃຫຍ່​ໄດ້​ດ້ວຍ​ຕົວ​ມັນ​ເອງ​ ນາ​ຊ່າພົບວ່າ​ນີ້​ຄື​ສຸດ​ຍອດ​ຂອງ​ຕົ້ນ​ໄມ້​ທີ່​ຊ່ວຍ​ປັບ​ອາ​ກາດ​ໃຫ້​ບໍລິສຸດ​ທີ່ສຸດ​ ໄອ​ວີ່​ ຊ່ວຍຫຼຸດ​ລະ​ດັບ​ເຊື້ອ​ລາ​ໃນ​ອາ​ກາດ​ໄດ້​ເກືອບ​ 100% ເຊື້ອ​ລາ​ໃນ​ອາ​ກາດ​ເຮັດໃຫ້​ການ​ຫາຍ​ໃຈ​ຕິດ​ຂັດ​ ເຮັດໃຫ້​ເກີດ​ອາການ​ຫອບ​ຫືດ​ ນອນໂ​ກນ​ ແລະ ​ພະຍາດ​ພູ​ມແພ້​ ນຳ​ໄມ້​ເລື້ອຍ​ຊະນິດ​ນີ້​ໄປ​ໄວ້​ໃນ​ ຫ້ອງ​ນອນ​ຂອງ​ເຈົ້າ​ມັນ​ຈະ​ກຳຈັດ​ເຊື້ອ​ລາ​ໃນ​ອາ​ກາດ​ ແລະ ​ເຮັດໃຫ້​ເຈົ້າ​ນອນ​ຫຼັບ​ສະບາຍຕະຫຼອດ​ຄືນ​ 

3. ຫວ່ານ​ຫາງແຂ້​
ນາ​ຊ່າ​ຍັງລະ​ບຸ​ໄວ້​ວ່າ​ ຫວ່ານ​ຫາງ​ແຂ້​ເປັນ​ຕົ້ນ​ໄມ້​ທີ່​ຊ່ວຍ​ປັບ​ອາ​ກາດ​ທີ່ສຸດຍອດ​ ມັນ​ປ່ອຍ​ອອກ​ຊິ​ເຈນ​ໃນ​ເວລາ​ກາງ​ຄືນ​ ແລະ ​ອອກ​ຊິ​ເຈນ​ຈະ​ຊ່ວຍ​ໃຫ້​ການ​ນອນ​ຂອງ​ເຈົ້າ​ດີ​ຂຶ້ນ​ ນອກ​ຈາກ​ນີ້​ ມັນ​ຍັງ​ເປັນ​ພືດ​ທີ່ທົນ​ ແລະ ​ງ່າຍ​ຕໍ່​ການ​ເບິ່ງ​ແຍງ​ ບາງ​ຄົນເອີ້ນຫວ່າ​ນ​ຫາງ​ແຂ້​ວ່າ​ 'ຕົ້ນ​ໄມ້​ແຫ່ງ​ຄວາມ​ເປັນ​ອຳມະຕະ​” ມັນ​ປູກ​ງ່າຍ​ໂດຍ​ການ​ໃຊ້​ວິທີ​ຕອນ​ກິ່ງ​ ເຈົ້າ​ຈະ​ໄດ້ຮັບ​ປະໂຫຍດ​ຈາກ​ມັນ​ຫຼາຍ​ ຈຶ່ງ​ຄວນ​ມີ​ໄວ້​ໃນ​ຫ້ອງ​ພັກ​ຂອງ​ເຈົ້າ​ 

4. ລິ້ນ​ມັງ​ກອນ​
ຕົ້ນ​ໄມ້​ຊະນິດ​ນີ້​ມີ​ຄວາມ​ສວຍ​ງາມ​ເໝາະ​ສຳລັບ​ການ​ຕົກ​ແຕ່ງ​ ອີກ​ທັງ​ຍັງຊ່ວຍ​ໃຫ້​ຫຼັບ​ສະບາຍ ມັນ​ຊ່ວຍ​ກອງ​ອອກ​ຊິ​ເຈນ​ໃນ​ຫ້ອງ ​ແລະ ​ປັບ​ອາ​ກາດ​ທັງ​ໝົດ​ໃຫ້​ດີ​ຂຶ້ນ​ ຍິ່ງກວ່າ​ນັ້ນ​ພວກ​ມັນ​ປູກ​ ແລະ​ ເບິ່ງ​ແຍງ​ງ່າຍ​ ດີ​ຕໍ່​ທາງເດີນ​ຫາຍ​ໃຈ​ເຮັດໃຫ້​ຫາຍ​ໃຈ​ສະ​ດວກ​ຂຶ້ນ​ ສວຍ​ງາມ​ສະບາຍ​ຕາ​ ແລະ​ ຊ່ວຍ​ໃຫ້​ຮູ້ສຶກ​ຜ່ອນ​ຄາຍ​ ຄວນ​ມີ​ໄວ້​ໃນ​ທີ່​ເຮັດວຽກ​ຈັກ​ໜຶ່ງ​ຕົ້ນ​ມັນ​ຈະ​ຊ່ວຍ​ເພີ່ມ​ປະ​ສິດ​ທິ​ພາບ​ໃນ​ ການ​ເຮັດ​ວຽກ​ຂອງ​ເຈົ້າ​ ແລະ ​ອີກ​ໜຶ່ງ​ຕົ້ນ​ໃນ​ຫ້ອງ​ນອນ​ມັນ​ຈະ​ເຮັດໃຫ້​ອາ​ກາດ​ພາຍ​ໃນ​ຫ້ອງ​ບໍລິສຸດ​ ແລະ ​ເຮັດໃຫ້​ການ​ນອນ​ຫຼັບ​ຂອງ​ເຈົ້າ​ດີ​ຂຶ້ນ​ 

5. ດອກ​ມະ​ລິ​
ດອກ​ມະ​ລິ​ມີ​ຄວາມ​ງາມ​ ແລະ ​ຫອມ​ ພຽງ​ແຕ່​ສູບ​ດົມ​ກິ່ນ​ຫອມ​ຂອງ​ມັນ​ກໍ​ສາມາດ​ຊ່ວຍ​ຫຼຸດ​ຄວາມ​ວິຕົກ​ກັງ​ວົນ ​ແລະ ​ເຮັດໃຫ້​ເຈົ້າ​ຮູ້ສຶກ​ສະຫງົບ​ ເໜັບ​ດອກ​ມະ​ລິ​ໃນ​ກະ​ເປົາ​ເສື້ອ​ຫຼືກະ​ເປົາ​ຖື​ ຂອງ​ເຈົ້າ​ມັນ​ຈະ​ຊ່ວຍ​ເຮັດໃຫ້​ເຈົ້າ​ຜ່ອນ​ຄາຍ​ ດັ່ງ​ນັ້ນ​ດອກ​ມະ​ລິ​ຈຶ່ງ​ສາມາດ​ຊ່ວຍ​ໃຫ້​ເຈົ້າ​ຫຼັບ​ສະບາຍ ແລະ​ ຕື່ນ​ຂຶ້ນ​ມາພ້ອມກິ່ນ​ຫອມ​ທີ່ສົ​ດ​ຊື່ນ​ ມັນ​ຈະ​ຄຸ້ມ​ຄ່າຫຼາຍ​ເມື່ອ​ນຳ​ຕົ້ນ​ໄມ້​ເຫຼົ່າ​ນີ້​ໄວ້​ໃນ​ບ້ານ​ 

ແນ່ນອນ​ຢູ່​ແລ້ວ​ ຄຸນນະພາບ​ຂອງ​ອາ​ກາດ​ສາມາດ​ສົ່ງ​ຜົນ​ຕໍ່​ການ​ເຮັດ​ວຽກ ​ແລະ​ການ​ນອນ​ຫຼັບ​ ແລະ ​ມັນ​ສາມາດ​ສົ່ງ​ຜົນ​ຕໍ່​ທຸກ​ໆ​ເລື່ອງລວມໃນ​ການ​ດຳ​ລົງ​ຊີວິດ​ຂອງ​ເຈົ້າ​ ການ​ນອນ​ຫຼັບ​ທີ່​ພຽງ​ພໍ​ຈະ​ຊ່ວຍ​ໃຫ້​ມີ​ສຸຂະພາບ​ດີ​ ເພີ່ມ​ປະ​ສິດ​ທິ​ຜົນ​ໃນ​ດ້ານ​ອາລົມ​ທີ່​ດີ​ ຊ່ວຍ​ກຳຈັດ​ເຊື້ອລາ​ໃນ​ອາ​ກາດ​ພາຍ​ໃນ​ຫ້ອງ​ນອນ ​ແລະ ​ປັບ​ອາ​ກາດ​ໃຫ້​ດີ​ຂຶ້ນ​ ເຮັດໃຫ້​ຫຼັບ​ສະບາຍ ​ແລະ ​ສົ່ງ​ຜົນ​ດີີ​ໃຫ້​ກັບ​ ຊີວິດ​ປະຈຳ​ວັນ​ຂອງ​ເຈົ້າ​