ຕົວຊ່ວຍງ່າຍໆ ສຳລັບສາວທີ່ຢາກຈ່ອຍແຕ່ຂີ້ຄ້ານ!

"ຄົນ​ນັ້ນ​ຮຸ່ນ​ກໍ່​ດີ​ ຄົນ​ນີ້​ຮຸ່ນ​ກໍ່ດີ​ ໂອ້ຍ​​! ຢາກ​ຈ່ອຍ​ໆເດ່​ ຂ້ອຍ​ຕ້ອງ​ໄປ​ອອກ​ກຳ​ລັງ​ກາຍ​ແລ້ວ​" ນີ້​ຄື​ຄຳ​ທີ່​ຄອຍ​ຖ້າ​ບອກ​ຕົວ​ເອງ​ສະເໝີ​ມາ​ສຸດ​ທ້າຍ​ກໍ​ຜັດ​ໄປ​ຕະຫລອດ​ ເຮົາ ເລີຍມີ​ທາງ​ເລືອກ​ງ່າຍໆ​ສຳລັບ​ສາວ​ໆ​ທີ່​ຢາກ​ຈ່ອຍ, ຢາກ​ຮຸ່ນ​ດີ ແຕ່​! ຂີ້​ຄ້ານ​ໄປ​ອອກ​ກຳ​ລັງ​ກາຍ​ມາ​ຝາກ​ກັນ​ຈະ​ມີ​ຫຍັງ​ດ້ວຍ​ນັ້ນ​ມາ​ເບິ່ງ​ກັນ​.

ກິນ​ນ້ຳ​ກ່ອນ​ກິນອາຫານ​ທຸກ​ມື້​

ຂໍ້​ນີ້​ງ່າຍໆ​ຫລາຍ​ໆ​ ພຽງແຕ່​ກ່ອນ​ຈະ​ກິນ​ເຂົ້າ​ໃນ​ແຕ່​ລະ​ມື້​ ໃຫ້​ດື່ມ​ນ້ຳ​ກ່ອນ​ແລ້ວ​ຄ່ອຍ​ລົງ​ມື​ກິນ​ ເພາະ​ການ​ກິນ​ນ້ຳ​ກ່ອນ​ກິນ​ອາຫານ​ຈະເຮັດໃຫ້​ເຮົາ​ຮູ້ສຶກ​ອິ່ມ​ໄດ້​ໄວ​ຂຶ້ນ​ນັ້ນ​ເອງ.​

ຊັອບ​ປິ້ງ​

ໃຈ​ກໍ່ຍາກ​ຮຸ່ນດີ​​ ແຕ່ພໍ​ຈະ​ໄປ​ອອກ​ກຳ​ລັງ​ກາຍ​ກໍ່​ບໍ່​ຍາກ​ໄປ​ທຸກ​ເທື່ອ​ ສະນັ້ນ​ປ່ຽນ​ການ​ຊັອບ​ປິ້ງ​ໃຫ້ເປັນ​ການ​ອອກ​ກຳ​ລັງ​ກາຍ​ຢ່າງ​ໜຶ່ງ​ແລ້ວ​ກັນ​ ຍ່າງ​ຊິວ​ຊັອບ​ກັນ​ໄປ​ ນອກ​ຈາກ​ຈະ​ໄດ້​ຍ່າງ​ຫຼາຍ​ແລ້ວ​ ອາດຈະ​ຊ່ວຍ​ໃຫ້​ເຮົາ​ຕັດ​ສິນ​ໃຈ​ຊື້​ຂອງ​ໄດ້​ດີ​ຫລາຍ​ຂຶ້ນ​ ເພາະ​ມີ​ເວລາ​ປຽບທຽບ​ທັງ​ຄຸນນະພາບ​, ລາ​ຄາ​ ແລະ ອື່ນໆ.

ພັກ​ຜ່ອນ​ໃຫ້​ພຽງ​ພໍ​

ໃນ​ເມື່ອ​ບໍ່​ຍອມ​​ອອກ​ກຳ​ລັງ​ກາຍ​ກໍ່​ຕ້ອງ​ພັກ​ຜ່ອນ​ໃຫ້​ເຕັມ​ທີ ເພາະ​ຖ້າ​ເຮົາ​ແຮງ​ນອນ​ເດິກ​ ອາດຈະ​ເຮັດໃຫ້​ເຮົາ​ຫິວ​ຕົກ​ເດິກມາ​ກໍ່ຈະ​ຫາ​ຂອງ​ກິນ​ສຸດ​ທ້າຍ​ກໍ່ຕຸ້ຍ.

ລຸກ​ຍ່າງ​​

ສຳລັບ​ສາວ​ອັອບ​ຟິດ​ຢ່າ​ແຕ່​ນັ່ງ​ເຮັດວຽກ​ຢູ່​ໜ້າຄອມ​ດົນ​ໆ ລຸກ​ຂຶ້ນ​ໄປ​ຍ່າງ​ຫລິ້ນ​ເດ່ກິນນ້ຳເລື້ອຍໆ ຈະ​ໄດ້​ຍ່າງ​ໄປ​ເຂົ້າ​ຫ້ອງ​ນ້ຳ​ແຖມ​ສຸຂະພາບຍັງ​ດີ​ອີກ​ດ້ວຍ.​

ສັງສັນ​ ເຕັ້ນ​ກະ​ຈາຍ​

ຫາກ​ມີ​ປາ​​ຕີ້​ສັງສັນ​ກັບ​ເຫຼົ່າ​ບັນດາ​ເພື່ອນ​ສາວ​ແນະ​ນຳ​ດື່ມ​ບໍ່​ຕ້ອງຫຼາຍເນັ້ນ​ເຕັ້ນ​ເຂົ້າ​ໄວ້​ ຄິດ​ວ່າ​ເປັນ​ການ​ອອກ​ກຳ​ລັງ​ກາຍ​ເຕັ້ນ​ແອ​ໂຣ​ບິກ​.​

ຮູ້​ແບບ​ນີ້​ແລ້ວ​ ສຳລັບ​ສາວ​ໆ​ຄົນ​ໃດ​ທີ່​ຢາກ​ຮຸ່ນ​ດີ​ແທ້ໆ​ ກໍ່​ສາມາດ​ນຳ​ທາງ​ເລືອກ​ເຫຼົ່າ​ນີ້​ໄປ​ໃຊ້​ໄດ້ແຕ່​ຖ້າ​ຢາກ​ງາມ​ສຸຂະພາບດີ​ ຮຸ່ນ​ດີ​ແທ້ໆແນະ​ນຳ​ວ່າ​ຄວນ​ທີ່​ຈະ​ຫາ​ເວລາ​ວ່າງ​ຈັກ​ 1 ເຖິງ​ 2 ມື້​ແລ້ວ​ໄປ​ອອກ​ກຳ​ລັງ​ກາຍຈັກເຄິ່ງຊົ່ວ​ໂມງ​ກໍ່​ດີ​ ຈະ​ໄດ້​ມີ​ຮຸ່ນ​ທີ່ງາມ!.

=======================================================================================================================