ຕີນ​ບວມສັນ­ຍານ​ເຕືອນ​ເບື້ອງ​ຕົ້ນ ກ່ຽວ​ກັບ​ພະ­ຍາດ​ຮ້າຍ ທີ່ເຮົາຄວນຮູ້!

 

ອາ­ການ​ຕີນ​ບວມ​ບໍ່​ໄດ້​ເປັນ​ພຽງ​ບັນ­ຫາ​ຕໍ່​ສຸ­ຂະ­ພາບ​ຂາ ຫຼື ຕີນ​ເທົ່າ​ນັ້ນ​ແຕ່ຍັງ​ແມ່ນ​ອາ­ການ​ເຕືອນ​ກ່ຽວ​ກັບ​ຄວາມ​ຜິດ​ປົກ­ກະ­ຕິ​ຂອງ​ອະ​ໄວ​ຍະ​ວະ​ພາຍ​ໃນ ຊຶ່ງ​ຕ້ອງ​ເອົາ­ໃຈ­ໃສ່​ກວດ​ສຸ­ຂະ­ພາບ​ດ່ວນ!.

  ອາ­ການ​ຕີນ​ບວມ​ແບ່ງ​ອອກ​ເປັນ 2 ປະ­ເພດ​ໃຫຍ່ໆ​ຄື:

  1. ບວມ​ແບບ​ກົດ​ແລ້ວ​ຍຸບ​ຄ້າງ​ເລີຍ ໃຫ້​ລອງ​ໃຊ້​ນິ້ວ​ມື​ກົດ​ລົງ​ບໍ­ລິ­ເວນ​ທີ່​ບວມ 5-10 ວິ­ນາ­ທີ ເມື່ອ​ວາງ​ນິ້ວ​ມື​ອອກ​ແລ້ວ​ຮອຍ​ຫຼຸບ​ຍັງ​ຄົງ​ຢູ່ ຫຼື ເມື່ອ​ດຶງ​ນິ້ວ​ມື​ອອກແລ້ວ​ຜິວ­ໜັງ​ບໍ­ລິ­ເວນ​ຖືກ​ກົດ​ທັບ​ເກີດ​ມີ​ລັກ­ສະ­ນະ​ຜິວ­ໜັງ​ບໍ່​ນຽນ​ລຽບ​ຄື­ເກົ່າ ຖ້າເປັນ​ດັ່ງ­ນັ້ນ​ກໍ​ມີ​ສາ­ເຫດ​ມາ​ຈາກ​ການ​ອັດ​ຕັນ​ຂອງ​ທາງ​ເດີນ​ນ້ຳ​ເຫຼືອງ​ເຖິງ​ຈະ​ພົບໄດ້​ໜ້ອຍ​ແຕ່​ກໍ​ຈຳ­ເປັນ​ຕ້ອງ​ພົບ​ແພດ.
  2. ບວມ​ໄຂ່​ຈົນ​ຜິວ­ໜັງ​ເຄັ່ງ ສາ­ເຫດ​ຫຼັກໆ​ຂອງ​ອາ­ການ​ບວມ​ລັກ­ສະ­ນະ​ນີ້​ມີຄື ຫຼອດ​ເລືອດ​ດຳ​ຢູ່​ຂາ​ອັດ​ຕັນອີກ​ຢ່າງ​ໜຶ່ງ​ກໍ​ເກີດ​ຈາກ​ອາ­ການ​ແພ້​ຢາ ຫຼື ແພ້ສານ​ຕ່າງໆ​ລວມ​ໄປ​ເຖິງ​ການ​ຖືກ​ອຸ­ບັດ­ເຫດ​ຖືກ​ກະ­ທົບ ຫຼື ການ​ຕິດ­ເຊື້ອ ແລະ​ອາ­ການ​ບວມ​ນ້ຳ​ຈາກ​ນ້ຳ­ໜັກ​ຮ່າງ­ກາຍ​ທີ່​ຫຼາຍ​ເກີນ​ໄປ ນອກ­ຈາກ​ນີ້ ຍັງ​ມີ​ອີກ​ຫຼາຍພະ­ຍາດ​ທີ່​ມີ​ອາ­ການ​ເລີ່ມ​ຕົ້ນ​ດ້ວຍ​ອາ­ການ​ຕີນ​ບວມ​ເຊັ່ນ ພະ­ຍາດ​ໝາກ​ໄຂ່­ຫຼັງ ພະຍາດ​ຫົວ­ໃຈ ພະ­ຍາດ​ຕັບ​ແຂງ ມະ​ເຮັງ​ຕັບ ຕີນ​ຊ້າງ ເສັ້ນ­ເລືອດ​ຂອດ ເບົາ­ຫວານ ແລະ​ຂາດ​ອາ­ຫານ​ປະ­ເພດ​ໂປຣ​ຕີນ.

   ເມື່ອ​ມີ​ອາ­ການ​ຕີນ​ບວມຫາກ​ຢູ່​ໃນ​ພາ­ວະ​ອ້ວນນ້ຳ­ໜັກ​ເກີນ​ມາດ­ຕະ­ຖານ​ໃຫ້ຫຼຸດ​ນ້ຳ­ໜັກ ອອກ­ກຳ­ລັງ​ກາຍ ແລະ​ຄວບ​ຄຸມ​ອາ­ຫານບໍ່​ຄວນ​ຮັບ​ປະ­ທານ​ອາ­ຫານ​ທີ່​ມີ​ລົດ​ຊາດ​ເຜັດ ຫວານ ເຄັມ ແລະ​ສົ້ມ​ເກີນ​ໄປ ບໍ່​ຄວນ​ຢືນ​ຢຸດ​ຢູ່​ກັບ​ທີ່​ເປັນ​ເວ­ລາ​ດົນຄວນ​ມີ​ການ​ຫຍັບ​ຍ້າຍ​ຊ້າຍ​ຂວາ ເພື່ອ​ໃຫ້​ເລືອດ​ໄຫຼ​ວຽນ​ໄດ້​ສະ­ດວກ​ຍິ່ງ​ຂຶ້ນຄວນ​ຍົກ​ຕີນ​ຂຶ້ນ​ສູງ​ເລັກ​ໜ້ອຍ​ກ່ອນ​ນອນ​ກໍ​ຈະ​ຊ່ວຍ​ຫຼຸດ​ອາ­ການ​ບວມ​ແຕ່​ເຖິງ​ຈະ​ບວມ​ໜ້ອຍ ຫຼື ບວມ​ຫຼາຍ​ຫາກ​ສັງ­ເກດ​ເຫັນ​ອາ­ການ​ບວມ​ຊຳ​ເຮື້ອ​ກໍ​ຄວນ​ໄປ​ພົບ​ແພດດ່ວນ