ຕຳຫລວດຮວບຕົວ! ເມື່ອຊາຍຈີນກ້າເຮັດແບບນີ້ຢູ່ເທິງຍົນ

ນະຄອນຫຼວງວຽງຈັນ: ຄືນວັນທີ 10 ກັນຍາ 2016 ລາຍງານຈາກ ສະໜາມບິນສາກົນວັດໄຕໃຫ້ຮູ້ວ່າ, ເກີດເຫດລັກເຄື່ອງຂອງ ຢູ່ ຍົນຂອງ Vietnam Airlines ຖ້ຽວບິນ VN920 ໄດ້ພົບເຫັນ ຊາວຈີນລັກເອົາສິ່ງຂອງ ຂອງຜູ້ໂດຍສານຄົນອື່ນ ຢູ່ເທີງຍົນ. ຈາກການສືບສວນ ເຫັນວ່າຕອນຢູ່ເທີງຍົນ ຊາວຈີນຄົນດັ່ງກ່າວ ແມ່ນຄົ້ນເຄື່ອງຢູ່ລ໋ອກເກີ ບ່ອນເກັບເຄື່ອງໄປໆ ມາໆ, ທຸກຄົນກໍ່ບໍ່ໄດ້ສົງໄສ ເພາະຄິດວ່າຜູ້ກ່ຽວຈະຊອກເຄື່ອງຂອງລາວເອງ. ແຕ່ຫຼັງຈາກຍົນລົງ, ຜູ້ເສຍຫາຍ ພົບວ່າກະເປົາຕົນເອງຖືກເປີດ ແລະ ເງິນເສຍ 4,000 ໂດລາ ຈິ່ງໄດ້ແຈ້ງເຈົ້າໜ້າທີ່. ເຈົ້າໜ້າທີ່ຈິ່ງໄດ້ກວດຄົ້ນຜູ້ຕ້ອງສົງໄສ ແຕ່ບໍ່ພົບເງິນໃນເບື້ອງຕົ້ນ, ແຕ່ໂຊກດີ ມີພົນລະເມືອງດີ ໄດ້ພົບເຫັນ ຊາຍຊາວຈີນດັ່ງກ່າວ ເອົາເງິນໄປ ຖິ້ມໄວ້ທີ່ຖັງຂີ້ເຫຍື້ອ ຫ້ອງນ້ຳ, ຈິ່ງໄດ້ຊ່ວຍແຈ້ງ ແລະ ເປັນພະຍານແກ່ເຈົ້າໜ້າທີ່. ໂຈນຄົນດັ່ງກ່າວ ແມ່ນຊາວຈີນ ຖືກ ກັກຕົວ ແລະ ເອົາຕົວໄປສືບສວນ, ສ່ວນເງິນ ແມ່ນໄດ້ ສົ່ງຄືນເຈົ້າຂອງຜູ້ເສຍຫາຍ ແລ້ວ. ຊົມເຊີຍພົນລະເມືອງດີ ທີ່ພົບເຫັນ ແລະ ຊ່ວຍແຈ້ງເຈົ້າໜ້າທີ່ ແລະ ເຈົ້າຂອງຜູ້ເສຍຫາຍ. ທີ່ມາ: ໂທລະໂຄ່ງ