ຕຳນານ! ກິກໄດ້ຮັບລາງວັນຜູ້ຊົງຄຸນຄ່າຂອງ ພີເອຟເອ

 

ໄຣອັນ ກິກ ຜູ້ຊ່ວຍຜູ້ຈັດການທີມ ແມນເຊສເຕີ ຢູໄນເຕັດ ໄດ້ຮັບລາງວັນທີ່ມີຄຸ່ນຄ່າຂອງສະມາຄົມນັກເຕະອາຊີບອັງກິດ ເຂົາເປີດໃຈນີ້ເປັນລາງວັນທີ່ເກີດຈາກການຮ່ວມມືກັນຂອງຫຼາຍຝ່າຍທີ່ກ່ຽວຂ້ອງກັບຕົນເອງ.

 

ໄຣອັນ ກິກ ຜູ້ຊ່ວຍຜູ້ຈັດການທີມ ແມນເຊສເຕີ ຢູໄນເຕັດ ສະໂມສອນດັງຈາກ ພຣີເມຍລີກ ໄດ້ຮັບລາງວັນທີ່ຄຸນຄ່າຂອງສະມາຄົມບານເຕະອັງກິດ ຫຼື ພີເອຟເອ ເມື່ອວັນອາທິດທີ່ 24 ທີ່ຜ່ານມາ.

ກິກ ສະແດງຄວາມສາມາດໃນວົງການລູກໜັງຜູ້ດີເປັນເວລາຫຼາຍປີກັບ ແມນເຊສເຕີ ຢູໄນເຕັດ ແລະ ໄດ້ແຊມໄປຄອງຫຼາຍລາຍການ ເຊິ່ງເຂົາກ່າວວ່າເປັນລາງວັນທີ່ເກີດຈາກຫຼາຍຝ່າຍທັງຈາກເຂົາ, ຄອບຄົວ, ເພື່ອນຮ່ວມທີມ ແລະ ສະຕາບຕ່າງໆ.

 

“ຂ້ອຍມີຄວາມສຸກຫຼາຍ ຂ້ອຍເຄີຍໄດ້ລາງວັນນັກເຕະດາວລຸ້ງດີເດັ່ນແຫ່ງປີມາດົນແລ້ວ ແລະ ຍັງໂຊກດີທີ່ເຄີຍໄດ້ລາງວັນນັກເຕະດີເດັ່ນແຫ່ງປີຂອງ ພີເອຟເອ ມັນແມ່ນຈຸດສູງສຸດໃນຊ່ວງເວລາ 25 ປີນັບແຕ່ທີ່ຂ້ອຍລົງສະໜາມ ມັນເປັນເຄຣດິດທັງສຳລັບຂ້ອຍ, ຄອບຄົວ, ເພື່ອນຮ່ວມທີມຂອງຂ້ອຍ ແລະ ສະຕາບ ຂ້ອຍຈະພະຍາຍາມເພີດເພີນໄປກັບການສະຫຼອງນີ້” ກິກ ເປີດໃຈໂດຍທີ່ກ່າວເທິງເວທີອີກວ່າຂໍອຸທິດລາງວັນນີ້ໃຫ້ກັບພໍ່ທີ່ເສຍຊີວິດເມື່ອເດືອນມີນາທີ່ຜ່ານມາ.