ຕັອດຕິເທບ!!ທະລົ່ມປະຕູ 250 ລູກຂຶ້ນໄປເປັນຄົນທີສອງຂອງຊີຣີ ອາ

 

ຟຣານເຊສໂກ້ ຕັອດຕິ ດາວຍິງຄົນດັງຂອງ ໂຣມ້າ ເປັນນັກເຕະຄົນທີສອງໃນປະຫວັດສາດທີ່ຍິງປະຕູໃນ ກັນໂຊ ຊີຣີ ອາ ເຖິງຫຼັກ 250 ລູກຂຶ້ນໄປ ໂດຍທີ່ຄົນທຳອິດແມ່ນ ຊິວວິໂອ ປິໂອລ້າ ອະດີດຫົວຫອກຂອງ ລາຊີໂອ້.

 

ຟຣານເຊສໂກ້ ຕັອດຕິ ກອງໜ້າກັບຕັນທີມຂອງ ໂຣມ້າ ສະໂມສອນດັງຂອງ ກັນໂຊ ຊີຣີ ອາ ເປັນນັກເຕະຄົນທີສອງທີ່ສາມາດຍິງປະຕູໃນເກມລະດັບ ກັນໂຊ ຊີຣີ ອາ ອີຕາລີ ໄດ້ 250 ລູກຂຶ້ນໄປ ຫຼັງຈາກທີ່ຍິງໄດ້ໃນເກມທີ່ຕົ້ນສັງກັດອອກໄປເສຍໃຫ້ກັບ ໂຕຣິໂນ້ 1-3 ເມື່ອວັນອາທິດທີ່ຜ່ານມາ.

 

ປະຕູຫຼ້າສຸດຂອງ ຕັອດຕິ ເປັນການຍິງລູກໂທດໃຫ້ທີມໃນນາທີ 55 ແລະ ເຮັດໃຫ້ ໂຣມ້າ ໄລ່ມາເປັນ 1-2 ແຕ່ສຸດທ້າຍກໍບໍ່ສາມາດຊ່ວຍໃຫ້ “ຈັນໂລ້ຣອສຊີ້” ລອດພົ້ນຈາກຄວາມປລາໄຊນີ້ໄປໄດ້.

 

ທັງນີ້ ຄົນດຽວກ່ອນໜ້ານີ້ທີ່ຍິງປະຕູໃນລີກສູງສຸດຂອງແດນກະໂລນີ້ີ້ໄດ້ 250 ລູກຂຶ້ນໄປແມ່ນ ຊິວວິໂອ ປິໂອລ້າ ຕຳນານຫົວຫອກຂອງ ລາຊິໂອ້ ທີ່ຍິງໄປທັງໝົດ 274 ລູກ.

 

ບົດຄວາມໃຫມ່ໆ