ຕັດອິດສະຫຼະພາບຕະຫຼອດຊີວິດ ຜູ້ຄ້າຂາຍຢາເສບຕິດ ຈຳນວນ 18.000 ເມັດ

ວັນທີ 17 ກໍລະກົດ ຜ່ານມາ, ຄະນະສານອາຍາ ສານປະຊາຊົນຂັ້ນຕົ້ນ ແຂວງສະຫວັນນະເຂດ ຕັດອິດສາລະພາບຕະຫຼອດຊີວິດ ທ້າວ ສຸລິພົງ ຫຼື ປຸກ ອາຍຸ 24 ປີ ຢູ່ບ້ານນາແກ ເມືອງໄກສອນພົມວິຫານສະຖານຄ້າ ຂາຍຢາເສບຕິດ (ຢາບ້າ) ຈຳນວນ 18.000 ເມັດ ພ້ອມທັງປັບໄໝ 500 ລ້ານກີບ.
ຕາມສໍານວນຄະດີ ແລະ ຄຳຮັບສາລະພາບຂອງ ຈຳເລີຍ ໃນຫ້ອງປະ ຊຸມສານວ່າ: ຜູ້ກ່ຽວເລີ່ມເຄື່ອນໄຫວຄ້າຂາຍຢາບ້າມາແຕ່ເດືອນກຸ່ມພາ 2016. ມື້ຖືກຈັບ, ໃນວັນທີ 29 ເມສາ 2016 ໄດ້ມີຜູ້ຮ່ວມຂະບວນການ ດຽວກັນເອົາຢາບ້າຈຳນວນ 9 ມັດ ເທົ່າກັບ 18.000 ເມັດ ມາສົ່ງໃຫ້ຢູ່ ທາງແບ່ງເຊໂນ ເມືອງອຸທຸມພອນ ແລ້ວເອົາຢາບ້າຈໍານວນດັ່ງກ່າວໄປ ສົ່ງໃຫ້ຜູ້ສັ່ງຊື້ ທີ່ລໍຖ້າຢູ່ ທາງແວ່ບ້ານນາເຕີຍ ເມືອງອຸທຸມພອນ ແຕ່ໃນ ຂະນະກໍາລັງຢຶນສົ່ງຢາບ້າໃຫ້ກັນ ກໍຖືກເຈົ້າໜ້າທີ່ຕໍາຫຼວດຈັບຕົວກ່ອນ ພ້ອມຂອງກາງຈໍານວນດັ່ງກ່າວ. ສ່ວນຜູ້ສັ່ງຊື້ແມ່ນເອົາຕົວຫຼົບໜີ.

ຂໍ້ມູນຈາກ: ໜັງສືພິມຄວາມສະຫງົບ LSecurity News