ຕະລຶງ!!ເຮືອໃບທາບຊື້ວິວເຊຍຈາກປືນ

 

“ເຮືອໃບສີຟ້າ” ແມນເຊສເຕີ ຊີຕີ ເຮັດເຊີໄພຣ້ເມື່ອເລັງທີ່ຈະດຶງ ແຈັກ ວິວເຊຍ ມິດຟິວຂອງ ອາເຊນອນ ມາຮ່ວມທັບໂດຍໄດ້ທາບທາມໄປຍັງ “ເດິ ກັນເນີ” ຮຽບຮ້ອຍແລ້ວ ຂະນະທີ່ ເອເວີຕັນ ກໍຢາກໄດ້ເຊັ່ນກັນ.

 

ແມນເຊສເຕີ ຊີຕີ ສະໂມສອນມະຫາເສດຖີຂອງ ພຣີເມຍລີກ ໄດ້ຕິດຕໍ່ໄປຫາ ອາເຊນອນ ສະໂມສອນຄູ່ແຂ່ງຮ່ວມລີກເປັນທີ່ຮຽບຮ້ອຍເພື່ອສອບຖາມເຖິງຄວາມເປັນໄປໄດ້ໃນການເຊັນສັນຍາດຶງໂຕ ແຈັກ ວິວເຊຍ ກອງກາງເລືອດຜູ້ດີມາຮ່ວມທີມ ຕາມການລາຍງານຈາກ ເດລີ ສະຕາ ສື່ຊັ້ນນຳເມືອງຜູ້ດີເມື່ອຕອນເຊົ້າຂອງວັນອັງຄານນີ້.

 

ປັດຈຸບັນ ວິວເຊຍ ກຳລັງຫຼິ້ນໃຫ້ກັບ ບອນມັດ ແບບສັນຍາເຊົ່າ ແລະ ຕອນນີ້ຍັງບໍ່ມີການເຈລະຈາເລື່ອງສັນຍາສະບັບໃໝ່ກັບທາງ “ປືນໃຫຍ່” ໂດຍເວລານີ້ເຂົາເຫຼືອສັນຍາຢູ່ໃນຖິ່ນ ເອມິເຫຼດ ສະເຕດຽມ ອີກພຽງ 18 ເດືອນເທົ່ານັ້ນ.

 

ເຊື່ອກັນວ່າ ອາແຊນ ເວນເກີ ຜູ້ຈັດການທີມ ອາເຊນອນ ຢາກຈະເຊັນສັນຍາສະບັບໃໝ່ກັບ ວິວເຊຍ ແຕ່ຫຼ້າສຸດ ເດລີ ສະຕາ ລະບຸວ່າ “ເຮືອໃບສີຟ້າ” ໄດ້ແຈ້ງໃຫ້ “ປືນໃຫຍ່” ຊາບແລ້ວວ່າພວກເຂົາມີຄວາມສົນໃຈທີ່ຈະເຊັນສັນຍາກັບນັກເຕະ ຂະນະທີ່ ໂຣເນົາ ຄູມັນ ນາຍໃຫຍ່ຂອງ ເອເວີຕັນ ກໍມີຂ່າວຢາກຈະໄດ້ຕົວ ວິວເຊຍ ມາເສີມທັບຫຼັງຈົບລະດູການນີ້.

 

ທັງນີ້ ວິວເຊຍ ລົງຫຼິ້ນໃຫ້ ອາເຊນອນ ໄປແລ້ວທັງໝົດ 159 ນັດຍິງໄດ 12 ປະຕູນັບຕັ້ງແຕ່ກ້າວເຂົ້າສູ່ທີມຊຸດໃຫຍ່ເມື່ອປີ 2008.