ດ່ວນ!! ບາຊາຕັ້ງເບົາເບເດ້ຄຸມທັບແລ້ວ

 

ບາເຊໂລນາ ຟັນທຸງແລ້ວ ເອເນສໂຕ້ ເບົາເບເດ້ ອະດີດນາຍໃຫຍ່ ແອັດເທິເລຕິກ ບິວບາວ ຈະຂຶ້ນມາເປັນຜູ້ຈັດການທີມດ້ວຍສັນຍາ 2 ປີ ໂດຍຈະເປີດຕົວຢ່າງເປັນທາງການວັນພະຫັດນີ້.

 

ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນປະກາດແຕ່ງຕັ້ງ ເອເນສໂຕ້ ເບົາເບເດ້ ອະດີດນາຍໃຫຍ່ ແອັດເທິເລຕິກ ບິວບາວ ເປັນນາຍໃຫຍ່ຄົນໃໝ່ຂອງທີມຮຽບຮ້ອຍແລ້ວດ້ວຍສັນຍາ 2 ປີເມື່ອວັນຈັນທີ່ຜ່ານມາ.

 

ເບົາເບເດ້ ຈະເປີດຕົວກັບ ບາຊາ ຢ່າງເປັນທາງການໃນວັນພະຫັດທີ 1 ມິຖຸນາ ໂດຍສະໄໝເປັນນັກເຕະນັ້ນເຂົາເຄີຍຫຼິ້ນໃຫ້ກັບ ບາເຊໂລນາ ຊ່ວງລະຫວ່າງປີ 1988-1990 ພາຍໃຕ້ການນຳທັບຂອງ ໂຢຮັນ ຄຣັຟ ເຊິ່ງ ໂຈເຊບ ມາເຣຍ ບາໂຕເມວ ປະທານສະໂມສອນໝັ້ນໃຈວ່ານາຍໃຫຍ່ເລືອດກະທິງເປັນຄົນທີ່ແມ່ນແລ້ວສຳລັບ ບາຊາ.

 

“ເຂົາແຮັບປີ້ຫຼາຍໆ ແລະ ຕື່ນເຕັ້ນສຸດໆ ເຂົາເປັນຄົນທີ່ມີທັງສັກກະຍະພາບ, ປະສົບການ ແລະ ຄວາມຮູ້ກ່ຽວກັບງານ ເຂົາມີວິທີການທີ່ເໝາະສົມກັບສະໂມສອນແຫ່ງນີ້ ແລະ ຮູ້ວິທີການເຮັດວຽກຂອງສະໂມສອນແຫ່ງນີ້ເປັນຢ່າງດີ ເຂົາເປັນຄົນທີ່ເຮັດວຽກໜັກ ເຂົາຮັກກິລານີ້ ແລະ ມີຄວາມສົນໃຈທີ່ຈະເຮັດວຽກກັບເຕັກໂນໂລຊີຫຼ້າສຸດ” ບາໂຕເມວ ກ່າວ.

 

ທັງນີ້ ເບົາເບເດ້ ຍັງເຄີຍຄຸມສະໂມສອນ ບາເລັນເຊຍ, ບີຢາເຣອັນ, ເອສປານຢອນ ແລະ ໂອລິມເປຍກອສ ອີກດ້ວຍ.