ດື່ມແອລກໍຮໍຄາຍຫນາວ ອາດເຖິງຕາຍເພາະແບບນີ້!

ພາຍຫຼັງກົມອຸຕຸນິຍົມອອກມາແຈ້ງເຕືອນໃຫ້ປະຊາຊົນກຽມຄງາມພ້ອມຮັບມືກັບອາກາດໜາວເຢັນຢ່າງກະທັນຫັນຢູ່ຫຼາຍພື້ນທີ່ທົ່ວປະເທດ ບາງບ່ອນເຖິງຂັ້ນມີອຸຫະພູມຕິດລົບ ແລະມີຫິມະຕົກ. ເຊື່ອແນ່ວ່າຫຼາຍຄົນພວມຫາວິທີແກ້ໜາວ ໜຶ່ງໃນນັ້ນກໍຄືການດື່ມແອວກໍຮໍເຊັ່ນ: ເຫຼົ້າ, ເບຍ ເພາະເຊື່ອວ່າຈະຊ່ວຍໃຫ້ຮ່າງກາຍອົບອຸ່ນຂຶ້ນ.​ແຕ່ຄວາມຈິງແລ້ວທ່ານຄິດຜິດຢ່າງມະຫັນ! ເພາະທາດແອວກໍຮໍ ຫຼືທາດເຫຼົ້າຈະເປັນຕົວເລັ່ງໃຫ້ຮ່າງກາຍສູນເສຍຄວາມຮ້ອນ ທີ່ສຳຄັນແອວກໍຮໍຈະເຮັດໃຫ້ຫຼອດເລືອດຝອຍຢູ່ໃຕ້ຜິວໜັງຂະຫຍາຍຕົວ ຜູ້ດື່ມຈະຮູ້ສຶກຕົວຮ້ອນຂຶ້ນ ເຮັດໃຫ້ເຂົ້າໃຈຜິດວ່າຮ່າງກາຍອົບອຸ່ນ ແຕ່ຄວາມຈິງຄືເສັ້ໜເລືອດຝອຍພວມຂະຫຍາຍຕົວຢ່າງໜັກ ແລະຈະເປັນຊ່ອງທາງໃຫ້ຄວາມຮ້ອນໃນຮ່າງກາຍຖືກລະບາຍອອກງ່າຍຂຶ້ນ ແລະເຮັດໃຫ້ອຸນຫະພູມໃນຮ່າງກາຍຫຼຸດລົງຕ່ຳກວ່າປົກກະຕິ ເມື່ອເຮົາຫຼັບ ແລະຮ່າງກາຍສຳຜັດກັບອາກາດເຢັນເປັນເວລາດົມອາດເຮັດໃຫ້ເສຍຊີວິດໄດ້. ນອກຈາກນີ້ ອາກາດເຢັນລົງຢ່າງກະທັນຫັນຍັງເຮັດໃຫ້ຄົນເປັນໂລກຫົວໃຈ, ຫຼອດເລືອດໃນສະໝອງ ແລະໂລກອຳມະພຶກ, ອຳມະພາດໄດ້ຮັບຜົນກະທົບ ເພາະຄວາມໜາວສົ່ງຜົນໃຫ້ລະບົບປະສາດສ່ວນກາງເຮັດວຽກຜິດປົກະຕິ ແລະອັດຕາການເຕັ້ນຂອງຫົວໃຈຜິດປົກກະຕິເຊັ່ນ ສະນັ້ນ, ຄົນເຈັບຕ້ອງກຽມຢາໃຫ້ພ້ອມ ແລະເຮັດໃຫ້ຮ່າງກາຍອົບອຸ່ນຢູ່ສະເໝີ.