ດື່ມຕອນເຊົ້າ ໝາກແຕງຫອມປົນຖົ່ວເຫຼືອງ ອາຫານສະບາຍທ້ອງ

 

ຕື່ນເຊົ້າມາກ່ອນໄປໂຮງຮຽນ ຫຼື ໄປເຮັດວຽກ ຢ່າລືມກິນອາຫານເຊົ້າຮອງທ້ອງກ່ອນອອກຈາກເຮືອນເດັດຂາດ. ຖ້າວ່າຢູ່ເຮືອນຄົວມີແຕ່ໝາກໄມ້ ຫຼື ແກ່ນທັນຍະພືດສຳເລັດຮູບ ເທົ່ານີ້ກໍ່ສາມາດທີ່ຈະເຮັດໃຫ້ອີ່ມທ້ອງ ເພາະເປັນອາຫານເຊົ້າທີ່ແຊບ, ເຮັດໄດ້ງ່າຍໆ ແລະ ບໍ່ເສຍເວລາ ພ້ອມທັງໄດ້ຮັບຄຸນປະໂຫຍດຈາກໝາກແຕງຫອມທີ່ມີວິຕາມິນ A ແລະ ຍັງອຸດົມໄປດ້ວຍວິຕາມິນ C ທີ່ດີຕໍ່ຜິວພັນອີກດ້ວຍ. ເຊິ່ງມື້ນີ້ຈະແນະນຳເມນູຮອງທ້ອງໃຫ້ຮູ້ສຶກອີ່ມແບບສະບາຍໃນຕອນເຊົ້າໄດ້ດີເລີຍ.

ສ່ວນປະກອບ.

1. ໝາກແຕງຫອມ 1 ຖ້ວຍນ້ອຍ.

2. ນົມຖົ່ວເຫຼືອງ 60 ມິນລີລິດ.

3. ນ້ຳກ້ອນ 1 ຖ້ວຍນ້ອຍ.

4. ແກ່ນທັນຍະພືດສຳເລັດຮູບ 2 ບ່ວງແກງ.

ວິທີປຸງແຕ່ງ.

ໃຫ້ເອົາໝາກແຕງຫອມ, ນົມຖົ່ວເຫຼືອງ ແລະ ນ້ຳກ້ອນໃສ່ເຄື່ອງປັ່ນ. ປັ່ນຈົນລະອຽດດີແລ້ວຈຶ່ງໃສ່ແກ່ນທັນຍະພືດສຳເລັດຮູບລົງໄປປັ່ນອີກຄັ້ງຖອກໃສ່ຈອກ ເທົ່ານີ້ກໍ່ຈະໄດ້ເຄື່ອງດື່ມເພື່ອສຸຂະພາບໃນຕອນເຊົ້າແລ້ວ (ສຳລັບບາງຄົນທີ່ມັກຫວານກໍ່ສາມາດໃສ່ນ້ຳເຊື່ອມໄດ້ ແຕ່ບໍ່ຄວນເຮັດຫວານເກີນໄປ).