ດຶງໄວ້ບໍ່ຢູ່ ຈູເຣສ ບຽງຄີ ນັກແຂ່ງລົດ ຟອມມູລ້າ ວັນ ເສຍຊິວິດແລ້ວໃນໄວ 25ປີ

ດຶງໄວ້ບໍ່ຢູ່ ຈູເຣສ ບຽງຄີ ນັກແຂ່ງລົດ ຟອມມູລ້າ ວັນ ເສຍຊິວິດແລ້ວໃນໄວ 25ປີ ຫຼັງທີມແພດພະຍາຍາມຕໍ່ສູ້ດຶງຊີວິດໄວ້ດົນເຖິງ 9ເດືອນ

ສຳນັກຂ່າວຕ່າງປະເທດລາຍງານວັນທີ 18ກໍລະກົດ ວ່າ ຈູເຣສ ບຽງຄີ ນັກແຂ່ງຟອມມູລ້າ ວັນ ສັງກັດມາຣັດເຊຍ ເສຍຊີວິດແລ້ວໃນໄວ 25ປີ ຈາກອຸປະຕິເຫດຄັ້ງໃຫຍ່ໃນການແຂ່ງຂັນ ເຈແປນນິສ ກຣັງ ປຣີ 2014 ຫຼັງດຶງຊິວິດໄວ້ມາດົນ 9ເດືອນ

ເຫດການດັ່ງກ່າວ ເກີດຂຶ້ນໃນການແຂ່ງຂັນຟອມມູລ້າວັນ ລະດູການທີ 2014 ສະໜາມທີ 15 ລາຍການ ແຂ່ງຂັນ ເຈແປນນິສ ກຣັງ ປຣີ ທີ່ສະໜາມ ຊູໆກະ ເຊີກິດ ເມືອງ ຊູຊູກະ ປະເທດຍິປຸ່ນ ເດືອນຕຸລາຄົມທີ່ຜ່ານມາ ເຊິ່ງລາວໄດ້ປະສົບອຸປະຕິເຫດເສຍການຄວບຄຸມແລ່ນຕຳກັບລົດຂອງໜ່ວຍສຸກເສີນຢ່າງແຮງ ເຮັດໃຫ້ສະໝອງໄດ້ຮັບການກະທົບກະເທືອນຕ້ອງໄດ້ເຂົ້າຮັບການຜ່າຕັດ ຈົນພົ້ນຈາກອາການໂຄມາແຕ່ຍັງບໍ່ໄດ້ສະຕິ