ດວງຈັນສີແດງເລືອດກໍາລັງຈະກັບມາ

ເດືອນໜ້ານີ້ຈະມີປະກົດການ ຈັນທະລຸປະຣາຄາ ທີ່ຍາວນານທີ່ສຸດໃນສັດຕະວັດ

ຍັງຈື່ພະຈັນສີເລືອດຄັ້ງກ່ອນໜ້ານີ້ໄດ້ບໍ່ ເດືອນກໍລະກົດທີ່ຈະມາເຖິງນີ້ ໜ້າຈະເປັນຊ່ວງເວລາສໍາຄັນຂອງແວດວົງດາຣາສາດ ເພາະຜູ້ຄົນຈໍານວນຫຼາຍໃນປະເທດໜ້າຈະໄດ້ຮັບຊົມກັນອີກຄັ້ງ

ສໍານັກຂ່າວຕ່າງປະເທດລາຍງານວ່າໃນວັນທີ່ 27-28 ກໍລະກົດ ນີ້ຜູ້ຄົນໃນຊີກໂລກຕາເວັນອອກ ຈະໄດ້ຮັບຊົມພະຈັນສີເລືອດ ແລະ ຈັນທະລຸປະຣາຄາດແບບສົມບູນ ໜ້າຈະປະມານ 1ຊົ່ວໂມງ 43ນາທີ

ທັງນີ້ພະຈັນສີເລືອດ ເປັນປະກົດການທີ່ດວງຈັນຄ່ອຍໆເຂົ້າຫາເງົາຂອງໂລກ ແລ້ວເມື່ອແສງອາທິດ(ແສງສີແດງທີ່ມີຄວາມຍາວຄື້ນຂ້ອນຂ້າງຫຼາຍ) ເດີນທາງຜ່ານຊັ້ນບັນຍາກາດຂອງໂລກແລ້ວໄປກະທົບກັບດວງຈັນທີ່ຄ້າຍຄືກັບສີເລືອດຂື້ນ

ເວລາທີ່ຈະເກີດພະຈັນສີເລືອດນີ້ຂື້ນຕອນໃດ ກໍາມັກຈະມີຄົນທີ່ຕີຄວາມໃນມຸມທີ່ຕ່າງກັນຢູ່ຕະຫຼອດ ບາງຄົນກໍ່ຕີວ່າມັນກໍ່ຄືເຫດການທາງທໍາມະຊາດດວງດາວເຄື່ອນທີ່ແລ້ວກໍ່ເປັນຊ່ວງເວລາທີ່ໜ້າຈົດຈໍາ ຂະນະດຽວກັນກໍ່ຍັງມີຄົນເຊື່ອຖືເລືອງໂຊກລາງ ແລະ ຕີຄວາມວ່າມັນຄືສັນຍານທີ່ເປັນຕາຢ້ານຂອງບາງສິ່ງບາງຢ່າງເຊັ່ນດຽວກັນ

ບໍ່ວ່າຈະຕີຄວາມແບບໃດມັນກໍ່ຄືປະກົດການສໍາຄັນທີ່ໜ້າສົນໃຈ ແລະ ໜ້າສຶກສາຢູ່ຢ່າງຫຼວງຫຼາຍ