ດຣາມ່າບັງເກີດ! ເມື່ອອາເລັກຊານດຣາເຮັດແບບນີ້ຕໍ່ຫນ້າປະທານາທິບໍດີ USA

ໃນວັນທີ 6 ກັນຍາທີ່ຜ່ານມາ ສາວອາເລັກຊຣານດາ ທິດາວັນ ບຸນຊ່ວຍ ອາດີດຊຸບເປີສະຕາລາວ ໄດ້ຮັບກຽດຂຶ້ນໄປຮ້ອງເພງໃນງານລ້ຽງຕ້ອນຮັບປະທານາທິບໍດີ ສະຫະລັດອາເມຣິກາ ທ່ານ ບາຣັກ ໂອບາມາ ທີ່ຫໍຄຳ ແລະຊານດຣາກໍໄດ້ໂພສພາບທີ່ທ່ານບາຣັກໃຫ້ກຽດສຳຜັດມືກັບຕົນ ລົງໃນເຟຊບຸກສ່ວນຕົວ ແຕ່ກໍມີຊາວເນັດຈຳນວນຫນຶ່ງວິພາກວິຈານກັນສະຫນັ່ນວ່າເປັນຫຍັງສາວຊານດຣາຈຶ່ງບໍ່ນຸ່ງສິ້ນ ຫລືເກົ້າຜົມໃຫ້ສຸພາບແບບເປັນເອກະລັກຂອງລາວຈິ່ງຈະເຫມາະສົມກວ່າການນຸ່ງຊຸດລາຕຣີ ແລະກໍມີບາງກະແສວ່າ ຄວນຈະຍໍມືນົບ ຫລືກວ່າສຳຜັດມືແບບນັ້ນ ແລະອີກຕ່າງໆນາໆ ເຊິ່ງສາວຊານດຣາເອງກໍໄດ້ຄອມເມັ້ນອະທິບາຍໄປແລ້ວວ່າ ຕົນເອງເຮັດຫນ້າທີ່ຮັບໃຊ້ປະເທດຊາດກໍຍ່ອມຄຳນຶງເຖິງຄວາມເຫມາະສົມຢູ່ແລ້ວ ແລະຊຸດລາຕຣີທີ່ສວມໃສ່ໃນງານມື້ນັ້ນກໍເປັນຊຸດໄຫມລາວປະຍຸກ ທີ່ທາງການກຽມໄວ້ໃຫ້ ສ່ວນການສຳຜັດມືກໍແມ່ນທຳນຽມສາກົນ ທີ່ທຸກຄົນກໍປະຕິບັດກັນ ຢາກໃຫ້ຫລາຍໆຄົນເບິ່ງບັນຫາແບບເປີດໃຈກວ້າງໆຫລາຍກວ່າ. ພ້ອມດຽວກັນນັ້ນກໍມີຫລາຍຄຳຄິດເຫັນກໍໄດ້ເຂົ້າມາໃຫ້ກຳລັງໃຈສາວອາເລັກຊານດຣາເຊັ່ນດຽວກັນ. ພາບຈາກ: FB: Alexandra Bounxouei