ດຣາມາທົ່ວໂລກ! ເມືອສວນສັດຍິງກໍລິລ່າຕາຍເພື່ອຊ່ວຍຊີວິດເດັກ 3ປີ (ມີຄຣິບວິດີໂອ)

ສຳນັກຂ່າວ CNN ລາຍງານວ່າ ໃນວັນທີ 28ພຶດສະພາທີ່ຜ່ານມາ ໄດ້ມີເດັກຊາຍ ອາຍຸ 3ປີ ໄປທ່ຽວສວນສັດຊິນຊິນເນຕິ, ສະຫະລັດອາເມຣິກາ ແລະດ້ວຍຄວາມຂີ້ດື້ຕາມພາສາເດັກເລີຍປີນຮົ້ວຫຼິ້ນ ຈົນຕົກລົງໄປໃນໜອງນ້ຳ ເຊິ່ງເປັນຄອກຂອງລີງກໍລິລ່າ ພັນຫາຍາກ ຊື່ ຮາຣໍາເບ ອາຍຸ 17ປີ ເຮັດໃຫ້ເຈົ້າໜ້າທີ່ສວນສັດຕັດສິນໃຈໃຊ້ປືນສັງຫານຊີວິດ ກໍລິລ່າໂຕນັ້ນເພື່ອຮັກສາຊີວິດຂອງເດັກນ້ອຍໄວ້.

ຈາກເຫດການດັ່ງກ່າວໄດ້ມີຄົນຖ່າຍຄຣິບວິດີໂອໄວ້ ບາງຄົນບອກວ່າ ກໍລິລ່າໂຕນັ້ນບໍ່ໄດ້ຕັ້ງໃຈທຳຮ້າຍເດັກ ແຕ່ມັນພະຍາຍາມຊ່ວຍເດັກຂຶ້ນມາຈາກນ້ຳ ແຕ່ກໍມີການລາກແກ່ເດັກດ້ວຍຄວາມຮຸນແຮງຕາມພາສາສັດ. ຫຼາຍຄົນທຳໃຈບໍ່ໄດ້ກັບການຈາກໄປຂອງກໍລິລ່າພັນຫາຍາກໂຕນີ້ ເພາະມັນບໍ່ມີຄວາມຜິດຫຍັງເລີຍ ແລະຊາວອາເມຣິກາຫຼາຍຄົນກໍອອກມາປະທ້ວງໃຫ້ທາງການດຳເນີນຄະດີກັບພໍ່ແມ່ ຂອງເດັກຊາຍຄົນດັ່ງກ່າວ ຂໍ້ຫາບໍ່ດູແລລູກໃຫ້ດີ.

ເຖິງຢ່າງໃດກໍຕາມ ຜູ້ອຳນວຍການສວນສັດແຫ່ງດັ່ງກ່າວກໍອອກມາສະແດງຄວາມເສຍໃຈຕໍ່ກັບເຫດການທີ່ເກີດຂຶ້ນ ແລະໃຫ້ຄຳໝັ້ນສັນຍາວ່າຈະບໍ່ໃຫ້ມີປະຫວັດສາດຊ້ຳຮອຍອີກຄັ້ງ ການສູນເສຍກໍລິລ່າຄັ້ງນີ້ຈະຝັງໃຈຊາວອາເມຣິກາ ແລະຊາວໂລກໄປອີກດົນ.

 

ບົດຄວາມໃຫມ່ໆ