ຍ່າງ​ໄວ​ໆ​ ຫຼື​ ຍ່າງ​ຖື​ຂອງ​ໜັກ​ໆ​ ແລ້ວ​ຮູ້ສຶກ​ປວດ​ນ່ອງ..ສ່ຽງ​ພະຍາດ​ຫຼອດ​ເລືອດ​ຂາ​ຕີບ​

ຍ່າງ​ໄວ​ໆ​ ຫຼື​ ຍ່າງ​ຖື​ຂອງ​ໜັກ​ໆ​ ແລ້ວ​ຮູ້ສຶກ​ປວດ​ນ່ອງ..ສ່ຽງ​ພະຍາດ​ຫຼອດ​ເລືອດ​ຂາ​ຕີບ​

ລອງ​ສັງເກດ​ຕົວ​ເອງ​ວ່າຂາໃດ​ທີ່​ຍ່າງ​ໄວ​ໆ​ ຫຼື ຍ່າງ​ຖື​ຂອງ​ໜັກ​ໆ​ ຈະ​ມີ​ອາການ​ປວດ​ນ່ອງ​ຂ້າງ​ຂວາ​ ເມື່ອ​ຍ່າງ​ໄດ້​ 200 ແມັດ​ ຖ້າ​ຝືນ​ຍ່າງ​ຕໍ່​ ກໍ​ຈະ​ປວດ​ຫຼາຍ​ຂຶ້ນ​ ເຮັດໃຫ້​ຕ້ອງ​ຢຸດ​ພັກ​ຫຼື​ຍ່າງ​ຊ້າ​ໆ​ ກໍ​ຈະເຊົາປວດລົງ​ ໃນ​ໃຈ​ກໍ​ຄິດວ່າ​ ໜ້າ​ຈະ​ເປັນ​ອາການ​ປວດ​ກ້າມເນື້ອນ່ອງ​ຈາກ​ການ​ຂາດ​ເລືອດ​ ເພາະ​ຫຼອດ​ເລືອດ​ແດງ​ຂາ​ຕີບ​ ດັ່ງ​ທີ່​ທາງ​ແພດ​ເອີ້ນວ່າ​ “ອາການ​ປວດ​ນ່ອງ​ຈາກ​ການ​ຂາດ​ເລືອດ​ເປັນ​ພັກ​ໆ​ (intermittent claudication)” 
ການ​ດູແລຮັກສາ ​ແລະ ​ປ້ອງ​ກັນ​ຕົນເອງ​ສຳລັບ​ພະຍາດ​ຫຼອດ​ເລືອດ​ຂາ​ຕີບ​


1. ຄວບ​ຄຸມ​ພະຍາດ​ຊຳເຮື້ອ​ທີ່​ເປັນ​ໃຫ້​ດີ​ ເຊັ່ນ​ ເບົາ​ຫວານ​ ຄວາມ​ດັນ​ເລືອດ​ສູງ​ ໄຂ​ມັນ​ໃນ​ເລືອດ​ສູງ ​ຫຼື ​ຜິດ​ປົກກະຕິ​ ໂດຍ​ການຮັກສາ​ຢ່າງ​ຈິງ​ຈັງ​ ກິນ​ຢາ​ ແລະ​ປະຕິບັດ​ຕົວ​ຕາມ​ຄຳ​ແນະ​ນຳ​ຂອງ​ແພດ​ ຊຶ່ງ​ແພດ​ຈະ​ຄອຍ​ຖ້າ​ຕິດ​ຕາມ​ກວດ​ເຊັກ​ອາການ​ ແລະ ​ພາ​ວະ​ທີ່​ອາດ​ພົບ​ຮ່ວມນຳ​ ເຊັ່ນ​ ພະຍາດ​ຫຼອດ​ເລືອດ​ຫົວ​ໃຈ​ຕີບ​ຕັນ​ ພະຍາດ​ຫຼອດ​ເລືອດ​ສະໝອງ​ຕີບ​ຕັນ​ 
2. ຄວບ​ຄຸມ​ນ້ຳ​ໜັກ​ຕົວ​ໃຫ້​ຢູ່ໃນ​ເກນ​ປົກກະຕິ​ 
3. ບໍ່​ສູບຢາ​ 
4. ກິນ​ອາຫານ​ສຸຂະພາບ​ ເນັ້ນ​ປາ​ ຜັກ​ ແລະ ໝາກ​ໄມ້​ໃຫ້ຫຼາຍ ຫຼຸດ​ອາຫານ​ຫວານ​ ມັນ​ ເຄັມ​ 
5. ໝັ່ນ​ອອກ​ກຳ​ລັງ​ກາຍ​ດ້ວຍ​ການ​ຍ່າງ​ ຍ່າງ​ດ້ວຍ​ຈັງ​ຫວະ​ທີ່​ໄວ​ພໍ​ຄວນ​ຈົນ​ເມື່ອ​ຮູ້ສຶກ​ມີ​ອາການ​ປວດ​ຂາ​ໃນ​ລະ​ດັບ​ພໍປະ​ມານ​ ໃຫ້​ຢຸດ​ຍ່າງ​ຈົນ​ກວ່າ​ຈະ​ຫາຍ​ປວດ​ (ປະ​ມານ​ 2-3 ນາ​ທີ​) ແລ້ວ​ຍ່າງ​ຕໍ່​ 
ເມື່ອ​ປວດ​ອີກ​ ກໍ​ຢຸດ​ພັກ​ ຍ່າງ​ໆ​ ຢຸດ​ໆ​ ແບບນີ້​ຕິດ​ຕໍ່​ກັນ​ດົນ​ 30-45 ນາ​ທີ​ ອາ ທິດ​ລະ​ 4-5 ເທື່ອ​ເປັນ​ຢ່າງ​ນ້ອຍ​ຈະ​ຊ່ວຍ​ໃຫ້​ມີ​ເລືອດ​ໄປ​ລ້ຽງ​ກ້າມເນື້ອ​ຂາ​ໄດ້​ຫຼາຍ​ຂຶ້ນ​ ສັງເກດ​ຜົນ​ລັບ​ທີ່​ເກີດ​ຂຶ້ນ​ ຄື​ສາມາດ​ຍ່າງ​ໄດ້ໄລຍະ​ດົນ​ຂຶ້ນ​ ວິທີ​ນີ້​ເໝາະ​ສຳລັບ​ຜູ້​ທີ່​ມີ​ອາການ​ໃນໄລຍະທຳອິດເລີ່ມ​ຄື​ມີ​ພຽງ​ອາການ​ປວດ​ຂາ​ເວລາ​ຍ່າງ​ໄດ້​ບຶດໜຶ່ງ 
ໂດຍ​ຂາ​ແຂງ​ແຮງ​ ບໍ່​ມີ​ອາການ​ຊາຫຼື​ອ່ອນ​ແຮງ​ ແລະ ​ຍັງ​ບໍ່​ມີ​ຄວາມ​ຜິດ​ປົກກະຕິ​ອື່ນ​ໆ​ ການ​ອອກ​ກຳ​ລັງ​ກາຍ​ດ້ວຍ​ການ​ຍ່າງ​ຍັງ​ຊ່ວຍ​ຄວບ​ຄຸມ​ນ້ຳ​ໜັກ​ ແລະ​ ພະ ຍາດ​ຊຳເຮື້ອ​ທີ່​ເປັນ​ຢູ່​ ແລະ ຍັງ​ສົ່ງ​ເສີມ​ສຸຂະພາບ​ກາຍ​ ຈິດ ​ແລະ ​ສະໝອງ​ 
6. ຫຼີກ​ລ້ຽງ​ການ​ໃຊ້​ຢາກຸ່ມ​ສູ​ໂດ​ເອ​ຟີດ​ຣີນ​ (pseudoephedrine) ຊຶ່ງ​ນິຍົມ​ໃຊ້​ປິ່ນປົວພະຍາດ​ຫວັດ​ ພະຍາດ​ພູ​ມແພ້​ ໄຊ​ນັດ​ອັກ​ເສບ​ເນື່ອງ​ເພາະ​ອາດ​ເຮັດໃຫ້​ຫຼອດ​ເລືອດ​ຕີບ​ຫຼາຍຂຶ້ນ​ ປວດ​ຂາ​ຫຼາຍ​ຂຶ້ນ​ 
7. ໝັ່ນ​ເບິ່ງ​ແຍງ​ຕີນ​ບໍ່​ໄຫ້​ເກີດ​ແຜ​ (ເຊັ່ນ​ ລະ​ມັດ​ລະ​ວັງ​ໃນ​ການ​ຕັດ​ເລັບ​ ໃສ່​ເກີບ​ທີ່ພໍ​ດີ​ກັບ​ຕີນ​ ລະ​ວັງ​ບໍ່​ໃຫ້​ຖືກ​ຂອງ​ມີຄົ​ມ​ບາດ​) ເພາະ​ມັນເຊົາຍາກ​ເນື່ອງ​ຈາກ​ຂາດ​ເລືອດ​ໄປ​ລ້ຽງ​ 
8. ຫາກ​ມີ​ອາການ​ຜິດ​ປົກກະຕິ​ ເຊັ່ນ​ ມີ​ແຜ​ທີ່​ຕີນ​ ເຈັບ​ໜ້າ​ເອິກ​ ແຂນ​-ຂາ​ຊາ​ຫຼື​ອ່ອນ​ແຮງ​ ຄວນ​ຟ້າວໄປ​ພົບ​ແພດ​ໂດຍ​ໄວ​ 
9. ເຖິງ​ວ່າບໍ່​ມີ​ອາການ​ປວດ​ຂາ​ເວລາ​ຍ່າງ​ ກໍ​ຄວນ​ໄປ​ປຶກສາ​ແພດ​ ເພື່ອ​ກວດ​ພະຍາດ​ນີ້​ໃນ​ກໍລະນີ​ໃດ​ກໍລະນີ​ໜຶ່ງ​ດັ່ງ​ຕໍ່ໄປ​ນີ້​ - ມີ​ອາຍຸຫຼາຍກ​ວ່າ​ 70 ປີ​
- ມີ​ອາຍຸ​ຫຼາຍກວ່າ​ 50 ປີ​ ແລະ​ ເປັນ​ເບົາ​ຫວານ​ ຫຼື ສູບຢາ​
- ມີ​ອາ​ຍຸນ້ອຍ​ກວ່າ​ 50 ປີ​ ແຕ່​ເປັນ​ເບົາ​ຫວານ ​ແລະ ​ປັດໄ​ຈ​ສ່ຽງ​ອື່ນ​ຮ່ວມ​ດ້ວຍ​ ເຊັ່ນ​ ຄວາມ​ດັນ​ເລືອດ​ສູງ​ ໄຂ​ມັນ​ໃນ​ເລືອດ​ສູງ​ ຕຸ້ຍ​ ເປັນ​ຕົ້ນ​
10. ການ​ປ້ອງ​ກັນ​ ໝັ່ນ​ອອກ​ກຳ​ລັງ​ກາຍ​ ບໍ່​ສູບຢາ ມີ​ນ້ຳ​ໜັກ​ຕົວ​ປົກກະຕິ​ ມີ​ພະຍາດ​ປະຈຳ​ຕົວ​ຕ້ອງ​ຮັກສາ​ ກິນ​ອາຫານ​ສຸຂະພາບ​