ຍ່າງເພື່ອສຸຂະພາບ ເປັນການປູກຈິດສຳນຶກໃຫ້ຫ້ທຸກຄົນຫັດມາອອກກຳລັງກາຍ

ພະແນກສຶກສາທິການແລະກິລາ ແຂວງສະຫວັນນະເຂດໄດ້ຈັດກິດຈະກຳຍ່າງເພື່ອສຸຂະພາບໃນ ໂອ ກາດສະເຫລີມສະຫລອງວັນຄູແຫ່ງຊາດ 7 ຕຸລາ ຄົບຮອບ 21 ປີຂຶ້ນ ໃນຕອນເຊົ້າຂອງວັນທີ 2 ຕຸລາ ນີ້ ໂດຍການເຂົ້າຮ່ວມຈາກພະແນກການຕ່າງໆຂອງແຂວງຈຳນວນໜຶ່ງແລະຄູອາຈານ-ນັກສຶກສາ ຈາກສະຖາບັນການສຶກສາພາກລັດແລະເອກຊົນ ພາຍໃນແຂວງເຂົ້າຮ່ວມ ຈຳນວນ 1.000 ກວ່າ ຄົນ. ດ້ວຍການຍ່າງເລີ່ມຈາກພະແນກສຶກສາທິການແຂວງຕາມທາງລົງມາໃສ່ຖະໜົນສັນຕິພາບ ແລະ ກ້ຽວຕາມເສັ້ນທາງຂຶ້ນຫ້ອງວ່າການປົກຄອງແຂວງຕາມເສັ້ນທາງໄປຫໍວັດທະນະທຳ ໄກສອນ ພົມວິຫານເຊື່ອມຕໍ່ເສັ້ນທາງອາໜຶ່ງເຂົ້າ ພະແນກສືກສາທິການແລະກິລາແຂວງ ເປັນອັນວ່າ ຈົບການ ຍ່າງເພື່ອສຸຂະ ພາບ.
ທ່ານ ອາຈານ ວິໄນ ຮອງຫົວໜ້າພະແນກສຶກສາທິການແລະກິລາ ແຂວງສະຫວັນນະ ເຂດໃຫ້ສຳພາດ ວ່າ:ການຈັດກິດຈະກຳຍ່າງເພື່ອສຸຂະພາບໃນຄັ້ງນີ້ກໍ່ເປັນຂະບວນການໜຶ່ງທີ່ເປັນການລະນຶກເຖິງວັນຄູ ແຫ່ງຊາດອັນເປັນການສະແດງໃຫ້ເຫັນວ່າ ຄູຍັງແມ່ນຜູ້ປະເສີດເລີດລ້ຳທີ່ໄດ້ຖ່າຍຄວາມຮູ້ຄວາມ ສາມາດ,ຄູຍັງແມ່ນແມ່ພິມຂອງຊາດ .ພ້ອມ ນີ້ກໍ່ຍັງເປັນການສ້າງຄວາມສາ ມັກຄີເປັນປຶກແຜ່ນ ພ້ອມ ກັນຕັ້ງໜ້າປະຕິບັດມະຕິກອງປະຊຸມໃຫຍ່ຄັ້ງທີ XIII ອົງຄະນະພັກແຂວງສະຫວັນນະເຂດໃຫ້ປະສົບຜົນ ສຳເລັດ ເປັນຢ່າງດີ.