ຍັງໜຽວ!!ຜີຍອມຂາຍ ເດ ເຄອາ ຖ້າຊຸດຂາວໃຫ້ 66 ລ້ານປອນບວກກັບ ໂຄຣສ

 

ສື່ດັງແດນກະທິງຕີຂ່າວລະເບີດ ເຣອັນ ມາດຣິດ ຍັກໃຫຍ່ຂອງ ລາ ລີກາ ຕົກລົງດຶງ ດາບິດ ເດ ເຄອາ ມືກາວຂອງ ແມນ ຢູໄນເຕັດ ລ່ວງໜ້າຮຽບຮ້ອຍທີ່ລາຄາ 66 ລ້ານປອນໂດຍຈະມີການໂຍກຍ້າຍທາງການຊຳເມີນີ້ ຂະນະທີ່ໜັງສືພີມຝັ່ງຜູ້ດີລະບຸວ່າ ໂຊເຊ ມູຣິນໂຢ ນາຍໃຫຍ່ “ຜີສາດແດງ” ຫວັງໃຫ້ “ລາຊາຊຸດຂາວ” ແນບຕົວ ໂທນີ ໂຄຣສ ມິດຟິວທີມຊາດເຢຍລະມັນມາພ້ອມເງິນສົດພ້ອມ.

 

ເຣອັນ ມາດຣິດ ໃຫ້ຄວາມສົນໃຈ ເດ ເຄອາ ມາຕະຫຼອດສອງລະດູການທີ່ຜ່ານມາເຊິ່ງອະດີດມືກາວ ແອັດ ມາດຣິດ ເຄີຍເກືອບຍ້າຍໄປຖິ່ນ ຊານດີເອໂກ ເບີນາເບວ ມາແລ້ວເມື່ອປີ 2015 ແຕ່ວ່າດິວລົ້ມໃນນາທີສຸດທ້າຍຫຼ້າສຸດ ຊີເນດີນ ຊີດານ ນາຍໃຫຍ່ຂອງ “ລາຊາຊຸດຂາວ” ຍັງບໍ່ໄດ້ລົ້ມເລີກຄວາມພະຍາຍາມໃນການດຶງຕົວນາຍທະວານທີມຊາດສະເປນກັບບ້ານ.

 

ຫຼ້າສຸດ “ດອນ ບາລອນ” ສື່ລູກໜັງດັງເມືອງກະທິງລາຍງານວ່າ ເຖິງວ່າຈະຍອມຮັບວ່າມີຄວາມສຸກດີໃນ ໂອນ ທຣາຟເຟິດ ແຕ່ວ່າ ເດ ເຄອາ ກໍພ້ອມຍ້າຍກັບມານະຄອນມາດຣິດຂະນະທີ່ທາງ ມູຣິນໂຢ ໄດ້ຕົກລົງຮັບຂໍ້ສະເໜີມູນຄ່າ 66 ລ້ານປອນຂອງ ເຣອັນ ມາດຣິດ ແລ້ວກ່ອນທີ່ຈະມີການຍ້າຍຊ່ວງປິດລະດູການ.

 

ທາງດ້ານຂອງ ເດລີ ສະຕາ ສື່ດັງໃນອັງກິດເສີມວ່າ ມູຣິນໂຢ ບໍ່ໄດ້ຕ້ອງການພຽງເງິນສົດຢ່າງດຽວຖ້າວ່າເປັນຂໍ້ຕົກລົງທີ່ມີການແລກປ່ຽນໂດຍເອົາ ໂຄຣສ ພ້ອມເງິນຢ່າງໜ້ອຍທີ່ສຸດ 20 ລ້ານປອນມາແລກກັບ ເດ ເຄອາ.