ຍັງມີປະໂຫຍດ!ເສືອໃຕ້ເປີດໂອກາດໃຫ້ສະໄວນີກັບຮັງ

 

ຄາວ ຮາຍ-ຣຸມເມນິເກ ຜູ້ບໍລິຫານໃຫຍ່ຂອງ ບາເຢິນ ມິວນິກ ລະບຸວ່າ ເສືອໃຕ້ ບໍ່ປິດໂອກາດໃນການດຶງ ບາສຕຽນ ສະໄວສະໄຕເກີ ກອງກາງຂອງ ແມນເຊສເຕີ ຢູໄນເຕັດ ກັບມາສູ່ທີມອີກຫຼັງຈາກທີ່ນັກເຕະກາຍເປັນສ່ວນເກີນກັບ “ຜີສາດແດງ”.

 

ຄາວ ຮາຍ-ຣຸມເມນິເກ ປະທານບໍລິຫານຂອງ ບາເຢິນ ມິວນິກ ສະໂມສອນຍັກໃຫຍ່ຂອງ ບຸນເດສລີກາ ບອກວ່າ “ເສືອໃຕ້” ພ້ອມທີ່ຈະພິຈາລະນາດຶງ ບາສຕຽນ ສະໄວສະໄຕເກີ ກອງກາງປະສົບການສູງຂອງ ແມນເຊສເຕີ ຢູໄນເຕັດ ສະໂມສອນດັງຂອງ ພຣີເມຍລີກ ກັບມາສູ່ຖິ່ນ ເອົາຣິອັນ ອາຣີນາ.

 

ສະໄວນີ ຍ້າຍຈາກ ບາເຢິນ ໄປຮ່ວມທັບກັບ ຜີສາດແດງ ເມື່ອຊ່ວງຊຳເມີປີ 2012 ຫຼັງຢູ່ກັບທີມດົນເຖິງ 17 ປີຢ່າງໃດກໍຕາມລະດູການນີ້ ໂຊເຊ ມູຣິນໂຢ ຜູ້ຈັດການທີມຄົນໃໝ່ຂອງ ແມນຢູ ສະແດງອອກຢ່າງຊັດເຈນວ່າບໍ່ໄດ້ເບິ່ງ ສະໄວນີ ຢູ່ໃນແຜນການເຮັດທີມເຮັດໃຫ້ມີຄວາມເປັນໄປໄດ້ສູງທີ່ນັກເຕະຈະອຳລາຖິ່ນ ໂອນ ທຣາຟເຟິດ ຊ່ວງຊຳເມີນີ້.

 

“ຖ້າໃນອະນາຄົດເຂົາບອກວ່າຢາກຈະກັບມາ ແບບນັ້ນແຫຼະເຮົາຈຶ່ງຈະໄປລົມກັບເຂົາ” ບິວ ສື່ດັງຂອງເມືອງເບຍອ້າງອີງຄຳເວົ້າຂອງ ຣຸມເມນິເກ.

 

ທັງນີ້ເຊື່ອກັນວ່າເວລານີ້ ສະໄວສະໄຕເກີ ກຳລັງຊ້ອມຢູ່ກັບທີມສຳຮອງຂອງ ແມນຢູ.