ຍັງບໍ່ຟິດ! ດິມາເຣຍອົດຊ່ວຍທີມພົບກັບມົງເປລິເຢ່

 

       ຕອນທຳອິດມີລຸ້ນທີ່ຈະໄດ້ລົງສະໜາມໃຫ້ກັບຕົ້ນສັງກັດໃໝ່ ແຕ່ລ່າສຸດຢືນຢັນແລ້ວວ່າ ອັງເຄລ ດິ ມາເຣຍ ປີກຄົນໃໝ່ຂອງ ປາຣີສ ແຊງ-ແຊັກແມງ ຍັງບໍ່ພ້ອມທີ່ຈະລົງຫຼິ້ນກັບ ມົງເປລິເຢ່ ໃນມື້ວັນສຸກນີ້ ໃນຂະນະທີ່ ຊະລາຕັນ ອິບຣາຮິໂມວິດ ແລະ ມາໂກ ແວຣັດຕິ ກໍ່ຍັງມີອາການບາດເຈັບຢູ່ເຊັ່ນກັນ

      ໂລຣ໊ອງ ບລ໊ອງ ຜູ້ຈັດການທີມຈອມແທັກຕິກຂອງ ປາຣີສ ແຊງ-ແຊັກແມງ ສະໂມສອນຍັກໃຫຍ່ໃນ ລີກ ເອິງ ຝຣັ່ງ ໄດ້ຕັດສິນໃຈບໍ່ໃສ່ຊື່ ອັງເຄລ ດິ ມາເຣຍ ປີກໂຕໃໝ່ສັນຊາດອາເຈນຕິນ່າ ຢູ່ໃນທີມທີ່ຈະອອກໄປຢາມ ມົງເປລິເຢ່ ໃນວັນສຸກທີ 21 ສິງຫານີ້ ເນື່ອງຈາກສະພາບຮ່າງກາຍຂອງນັກເຕະຍັງບໍ່ພ້ອມ

      ດິ ມາເຣຍ ມີອາການບາດເຈັບທີ່ບໍລິເວນເອັນຫຼັງຫົວເຄົ່າ ຕັ້ງແຕ່ກ່ອນຍ້າຍອອກຈາກ ແມນເຊັສເຕີ້ ຢູໄນເຕັດ ແລ້ວ ເຮັດໃຫ້ຈົນຮອດຕອນນີ້ເຈົ້າໂຕຍັງບໍ່ໄດ້ລົງຫຼິ້ນໃຫ້ທີມເລີຍ ໃນຂະນະທີ່ສຶກ ລີກ ເອິງ ປະຈຳລະດູການ 2015-2016 ເຕະກັນມາແລ້ວ ນັດ