ຍອມຮັບສະຕາກຳ!! ຣັອບເບັນ ອົດລົງຟາດແຄ່ງຊ່ວຍທີມຈົນຈົບລະດູການ

ອາເຢັນ ຣັອບເບັນ ປີກຈະຫຼວດຂອງ ບາເຢິນ ມິວນິກ ຮັບສະພາບຕ້ອງນັ່ງຕັ່ງຍາວທັງລະດູການບອກວ່າ ເຈັບໃຈທີ່ສຸດທີ່ບໍ່ໄດ້ລົງຊ່ວຍຕົ້ນສັງກັດໃນຊ່ວງສຳຄັນຂອງລະດູການ.

 

ອາເຢັນ ຣັອບເບັນ ປີກເລືອດສີສົ້ມຂອງ ບາເຢິນ ມິວນິກ ສະໂມສອນຍັກໃຫຍ່ຈາກ ບຸນເດສລີກາ ເຢຍລະມັນ ຍອມຮັບວ່າ ມີໂອກາດໜ້ອຍຫຼາຍທີ່ກັບມາຊ່ວຍຕົ້ນສັງກັດໃນຊ່ວງທີ່ເຫຼືອຂອງລະດູການນີ້.

ດາວເຕະທີມຊາດໂຮນລັງກັບມາມີບັນຫາອາການບາດເຈັບບໍລິເວນໂຄນຂາໜີບອີກໃນເກມທີ່ ເສືອໃຕ້ ບຸກໄປສະເໝີກັບ ເສືອເຫຼືອງ 0-0 ເມື່ອຊ່ວງຕົ້ນເດືອນມີນາທີ່ຜ່ານມາ ແລະ ກໍພັກຍາວມະຫຼອດຕັ້ງແຕ່ເກມນັ້ນ ຂະນະທີ່ ບາເຢິນ ກໍຍັງບໍ່ສາມາດລະບຸໄດ້ຊັດເຈນວ່າບັກເສືອເຖົ້າຈະຕ້ອງພັກດົນປານໃດ.

 

“ຂ້ອຍກຳລັງພະຍາຍາມທີ່ຈະກັບມາລົງສະໜາມ ແຕ່ມັນເກືອບຈະບໍ່ມີເວລາອີກແລ້ວ ມັນເປັນຕາເຈັບໃຈເພາະຂ້ອຍຫາກໍກັບມາມີສະພາບຮ່າງກາຍທີ່ສົມບູນອີກ ແລະ ພ້ອມທີ່ຈະຊ່ວຍທີມໃນເກມສຳຄັນຂອງລະດູການ” ອະດີດດາວເຕະ ເຊວຊີ ແລະ ເຣອັນ ມາດຣິດ ກ່າວກັບ ຄິກເກີ ສື່ດັງຂອງເມືອງເບຍ.

 

 

ສຳລັບລະດູການນີ້ເສືອເຖົ້າ ຣັອບເບັນ ລົງຫຼິ້ນໃຫ້ກັບ ບາເຢິນ ລວມທຸກລາຍການ 22 ນັດຍິງໄດ້ 7 ເມັດ.