ຍອດຜູ້ເສຍຊີວິດນ້ຳຖ້ວມຢູ່ມຽນມາ ເພີ່ມຂຶ້ນເກືອບ30ຄົນ

ຕາມ​ຂ່າວ​ຕ່າງປະ​ເທດ, ​ໃນ​ວັນ​ທີ 31 ກໍລະກົດ 2015, ​ເຈົ້າໜ້າ​ທີ່​ບັນ​ເທົາ​ໄພພິບັດ​ມຽນມາ​​ໄດ້ເປີດ​ເຜີຍວ່າ: ຍອດ​ຜູ້​ເສຍ​ຊີວິດ​ຈາກ​​ເຫດນ້ຳຖ້ວມ​​​ໃນ​ພາກ​ເໜືອ ​ແລະ ພາກ​ຕາ​ເວັນ​ອອກຂອງ​ມຽນມາ ເພີ່ມ​ຂຶ້ນ​ 27ຄົນ ​ແລະ ສູນ ຫາຍ 4ຄົນ. ນອກ​ນີ້ ຍັງ​ມີ​ເຮືອນ​ຂອງ​ປະຊາຊົນ, ​ເສັ້ນທາງ​ຄົມມະນາຄົມ​ຫລາຍ​ສາຍ ​ແລະ ພື້ນ​ທີ່​ເຮັດ​ການ​ຜະລິດ​ກະສິກຳ​ໄດ້​ຮັບ​ຄວາມ​ເສຍ​ຫາຍ​ເປັນ​ບໍລິ​ເວນ​ກວ້າງ ຍ້ອນ​ລະດັບ​ນ້ຳ​ເພີ່ມ​ສູງ​ຂຶ້ນ​ຕໍ່​ເນື່ອງ.ຂະນະ​ນີ້​ຍັງ​ມີ​ປະຊາຊົນອີກ150.000 ຄົນໄດ້​ຮັບ​ຜົນ​ກະທົບ​ຢ່າງ​ໜັກ​. ປັດຈຸບັນ​ພາຍຸ​ໄຊ​ໂຄຣນ ພວມ​ກໍ່​ຕົວ​ຂຶ້ນ​ໃນ​ອ່າວ​​ເບັງ​ກໍມີ​ທ່າ​ອ່ຽງຈະ​ສ້າງ​ຄວາມ​ເດຶອດ​ຮ້ອນ​ໃຫ້ ປະຊາຊົນ​ຕາມ​​ແຄມ​ຝັ່ງ​ພາກ​ຕາ​ເວັນ​ຕົກ​ຂອງ​ປະ​ເທດ.

.......................................................................................................................................................................................

ທີ່ມາ: www.kpl.gov.la