ຊົມເຊີຍນາຍົກ ເອົາໃຈໃສ່ຊົດເຊີຍ ທີ່ດິນປະຊາຊົນ ທີ່ຖືກໂຄງການ

         ໃນວັນເສົາທີ14 ພຶດສະພາ ຜ່ານມາ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍ ທ່ານ ເຈົ້າຄອງນະຄອນຫຼວງວຽງຈັນ ແລະ ຄະນະ ໄດ້ລົງຢ້ຽມຢາມ ແລະ ຊີ້ນຳວຽກງານ ຢູ່ເຂດພັດທະນາກວມລວມໄຊເສດຖາ ໂດຍການໃຫ້ກຽດຕ້ອນຮັບຂອງທ່ານ ນາງ ບົວທາ ຂັດທິຍະ ຮອງລັດຖະມົນຕີ ປະຈຳສຳນັກງານນາຍົກລັດຖະມົນຕີ ຫົວຫນ້າກອງລາຂາ ຄຂພສ ພ້ອມດ້ວຍຄະນະ.
         ໃນການລົງຢ້ຽມຢາມ ຄັ້ງນີ້ ທ່ານນາຍົກໄດ້ເນັ້ນວ່າ: ໃຫ້ຜູ້ພັດທະນາ ສືບຕໍ່ຮ່ວມປຶກສາລືກັບ ພາກສ່ວນກ່ຽວຂ້ອງ ເລັ່ງແກ້ໄຂບັນຫາຊົດເຊີຍເນື້ອທີ່ດິນ ແລະ ສິ່ງປຸກສ້າງຂອງປະຊາຊົນທີ່ໄດ້ຮັບຜົນກະທົບຈາກໂຄງສ້າງ ແລະ ພັດທະນາ ຈາກເຂດພັດທະນາກວມລວມໄຊເສດຖາ ທີ່ຍັງມີບາງຈຳນວນຍັງບໍ່ທັນໄດ້ຮັບການແກ້ໄຂ ເນື່ອງຈາກລັດຖະບານບໍ່ທັນມີງົບຊົດເຊີຍເທື່ອ, ພ້ອມໃຫ້ຈັດສັນທີ່ຢູ່ອາໄສ ແລະ ບ່ອນທຳມາຫາກິນຖາວອນໃຫ້ປະຊາຊົນໃຫ້ດີກວ່າເກົ່າ.
ທ່ານທ່ານ ທອງລຸນ ສີສຸລິດ ຍັງເນັ້ນຕື່ມວ່າ: ການພັດທະນາເຂດດັ່ງກ່າວນີ້ຕ້ອງຄຳນຶງເຖິງສະພາບແວດລ້ອມເປັນຈຸດສຳຄັນບໍ່ໃຫ້ແຕະຕ້ອງເຖິງສະພາບແວດລ້ອມ, ການສ້າງໂຮງການຕ້ອງຄິດໄລ່ໃຫ້ດີທີ່ສຸດເພາະວ່າຖ້າກະທົບຕໍ່ສະພາບແວດລ້ອມແລ້ວ, ມັນກໍ່ຈະຄັດກັບນະໂຍບາຍພັດທະນາສີຂຽວ ແລະ ຍືນຍົງຂອງລັດຖະບານ.

ແຫຼ່ງຂ່າວ: ຂ່າວເສດຖະກິດ-ການຄ້າ Lao Economic Daily

ບົດຄວາມໃຫມ່ໆ