ຊົມເຊີຍ!!! ນັກຮຽນໂຮງຮຽນ ມ.ສ ໂພນທອງ ສ້າງຂະບວນການອອກແຮງງານອານາໄມເກັບຂີ້ເຫຍື້ອຕາມເທດສະບານເມືອງ

ນັກຮຽນໂຮງຮຽນ ມ.ສ ໂພນທອງ ສ້າງຂະບວນການອອກແຮງງານອານາໄມ້ເກັບຂີ້ເຫຍື້ອຕາມເທດສະບານເມືອງ ເພື່ອກະກຽມຄໍານັບຮັບຕ້ອນ ກອງປະຊຸມເປີດກ້ວາງຄົບຄະນະບໍລິຫານພັກເມືອງ ຄັ້ງທີ່ 4 ສະໄໜທີ່ 1

ໃນຕອນແລງຂອງວັນທີ່ 25 ເມສາ ນີ້, ນັກຮຽນໂຮງຮຽນ ມ.ສ ໂພນທອງໄດ້ພ້ອມກັນສ້າງຂະບວນອອກແຮງງານ ອານາໄມ້ເກັບຂີ້ເຫຍື້ອຕາມເທດສະບານເມືອງ ເພື່ອ ກະກຽມຄໍານັບຮັບຕ້ອນ ກອງປະຊຸມເປີດກ້ວາງຄົບຄະນະບໍລິຫານພັກເມືອງໂພນທອງ ຄັ້ງທີ່ 4 ສະໄໜທີ່ 1 ທີ່ຈະໄຂຂຶ້ນໃນຄັ້ງວັນທີ່ 26 ເມສາ ປີ 2017ນີ້ ,ການສ້າງຂະບວນການອອກແຮງງານອານາໄມ້ເກັບຂີ້ເຫຍື້ອຕາມເທດສະບານໃນຄັ້ງນີ້ໂດຍພາຍໃຕ້ການຊີນໍາຂອງ ທ່ານ ທອງພັນ ແກ້ວມະນີ ອໍານວຍການໂຮງຮຽນ ມ.ສ ໂພນທອງ ແລະ ບັນດາ ຄູອາຈານ ຕະຫຼອດນ້ອງນັກຮຽນແຕ່ລະຊັ້ນຮຽນຢ່າງເປັນຂະບວນການຟົດຟືນ.
ໃນການອອກແຮງງານອານາໄມ້ເກັບຂຶ້ນເຫຍື້ອຕາມເທດສະບານ ນ້ອງນັກຮຽນໄດ້ພ້ອມກັນອານາໄມ້ ຕາມແຕ່ລະຈຸດເປັນຕົ້ນ, ຈຸດສໍານັກງານ, ສວນອານຸສາວະລີທ່ານປະທານ ໄກສອນ ພົມວິຫານ, ຈຸດ ຕະຫຼາດ, ຈຸດເສັ້ນທາງ ຕາມເທດສະບານ ຢ່າງມີບັນຍາກາດຟົດຟືນ ແລະ ສະອາດສວຍສົດງົດງາມ ເພື່ອຄໍານັບຮັບຕ້ອນກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ຄັ້ງທີ່ 4 ສະໄໜທີ່ 1 

 

ຂ່າວ: ທະນູສິນ ອິດທິພົນ

ທີ່ມາ: ABC Laos news ສຳນັກຂ່າວເອບີຊີລາວ