ຊຸດຂາວມີເຮ!!ໂດ້-ເບວກັບມາຊ້ອມແລ້ວ

 

ລາຊາຊຸດຂາວ “ເຣອັນ ມາດຣິດ” ໄດ້ຮັບຂ່າວດີກ່ອນລົງເຕະກັບ ບີຢາເຣອັນ ວັນພຸດນີ້ເມື່ອສອງອາວຸດໜັກໃນເກມບຸກຄື ໂຣເນົາໂດ້ ແລະ ເບວ ກັບມາລົງຊ້ອມຮຽບຮ້ອຍແລ້ວ ແລະ ອາດຈະຊ່ວຍທີມໄດ້ແຕ່ ຄາເຊມິໂຣ້ ກັບ ເປ່ເປ້ ຍັງບໍ່ແນ່ນອນເທື່ອ.

 

ຄຣິສຕຽນໂນ້ ໂຣເນົາໂດ້ ແລະ ແກເຣັດ ເບວ ສອງກຳລັງສຳຄັນຂອງ ເຣອັນ ມາດຣິດ ກັບມາລົງຊ້ອມກັບທີມໄດ້ເປັນທີ່ຮຽບຮ້ອຍແລ້ວເມື່ອວັນຈັນທີ່ຜ່ານມາ ແລະ ອາດຈະລົງສະໜາມຊ່ວຍຕົ້ນສັງກັດໃນເກມ ລາ ລີກາ ນັດສຳຄັນທີ່ ລາຊາຊຸດຂາວ ຈະລົງເຕະໃນບ້ານກັບ ບີຢາເຣອັນ ວັນພຸດນີ້.

 

ທັງສອງພາດລົງຫຼິ້ນໃນເກມລີກຫຼ້າສຸດທີ່ ເຣອັນ ມາດຣິດ ບຸກສອຍ ເອສປານຢອນ 2-0 ເມື່ອວັນອາທິດທີ່ຜ່ານມາເນື່ອງຈາກ ໂຣເນົາໂດ້ ທີ່ຫາກໍເຈັບຫົວເຂົ່າໝາດໆເປັນໄຂ້ຫວັດສ່ວນ ເບວ ມີອາການບໍລິເວນສະໂພກ.

 

ຢ່າງໃດກໍຕາມ ໂຣເນົາໂດ້ ແລະ ເບວ ອາດຈະກັບມາຊ່ວຍຕົ້ນສັງກັດໄດ້ໃນເກມວັນພຸດນີ້ແຕ່ທາງດ້ານ ຄາເຊມິໂຣ ກອງກາງ ແລະ ເປ່ເປ້ ກອງຫຼັງຍັງບໍ່ທັນແນ່ນອນເທື່ອ.