ຊີອີໂອປືນໃຫຍ່ລະບຸອະນາຄົດຂອງເວນເກີ້ຮູ້ໃນຍຸກຕົນແນ່ນອນ

 

ອີວານ ກາຊິດິສ ຊີອີໂອຂອງ ອາເຊນອນ ລະບຸວ່າຈະຮູ້ອະນາຄົດຂອງ ອາແຊນ ເວນເກີ້ ນາຍໃຫຍ່ຂອງທີມໃນຍຸກຂອງຕົນແນ່ນອນພ້ອມກັບຍົກ ເວນເກີ້ ປ່ຽນທີມໄປຫຼາຍ.

 

ອີວານ ກາຊິດິສ ປະທານບໍລິຫານຂອງ ອາເຊນອນ ສະໂມສອນຍັກໃຫຍ່ຂອງ ພຣີເມຍລີກ ເຜີຍວ່າອະນາຄົດຂອງ ອາແຊນ ເວນເກີ້ ຜູ້ຈັດການທີມຈະຖືກຕັດສິນອະນາຄົດທີ່ຕົນຍັງຢູ່ໃນຕຳແໜ່ງຢ່າງແນ່ນອນ.

 

ເວນເກີ້ ເຂົ້າມາຄຸມທີມ  ປືນໃຫຍ່ ເມື່ອປີ 1996 ແລະ ປະສົບຄວາມສຳເລັດຢ່າງຫຼວງຫຼາຍກັບທີມໂດຍເຂົາຫາກໍສະຫຼອງການຄຸມທີມຄົບຮອບ 20 ປີເມື່ອວັນເສົາທີ່ 1 ຕຸລາທີ່ຜ່ານມາ ແລະ ຈະໝົດສັນຍາກັບທີມໃນຊ່ວງຊຳເມີປີໜ້າແລ້ວ.

 

ທັງນີ້ເມື່ອລະດູການກ່ອນ ເວນເກີ້ ຖືກແຟນບານກຸ່ມໜຶ່ງຂອງທີມກົດດັນໃຫ້ລາອອກຈາກຕຳແໜ່ງຫຼັງຈາກທີ່ບໍ່ສາມາດພາທີມໄດ້ແຊມລີກອີກເລີຍນັບຕັ້ງແຕ່ລະດູການ 2003-2004 ແຕ່ຫຼາຍຄົນກໍຍັງຢາກໃຫ້ເຂົາຄຸມທີມຕໍ່ເຊັ່ນກັນ.

 

“ເວນເກີ້ ມີແນວທາງທີ່ຊັດເຈນ ແລະ ເຮົາກໍມີແນວທາງທີ່ຊັດເຈນຕະຫຼອດເວລາຄືກັນ ເລື່ອງທີ່ເຂົາຈະຄຸມທີມດົນປານໃດມັນຕ້ອງມີຄວາມເຫັນກົງກັນທຸກຝ່າຍ ທຸກຝ່າຍຕ້ອງຕົກລົງຮ່ວມກັນໄດ້ ອາເຊນອນ ບໍ່ແມ່ນ ອາແຊນ ເວນເກີ້ ທັງສອງຢ່າງນີ້ບໍ່ແມ່ນສິ່ງດຽວກັນ ແຕ່ເປັນເລື່ອງຈິງທີ່ໃນແງ່ຂອງບາເຕະແລ້ວນັ້ນເຂົາປ່ຽນສະໂມສອນແຫ່ງນີ້ໄປຫຼາຍ” ກາຊິດິສ ກ່າວ.