ຊີວິດເສົ້າ!!ທູເຄິນຍັງເຈັບກັບການເສຍມາຄິຕາຢານ

 

ໂທມັສ ທູເຄິນ ຜູ້ຈັດການທີມ ໂບຣຸສເຊຍ ດອດມຸນ ຍັງເສຍໃຈບໍ່ເຊົາທີ່ຕ້ອງປ່ອຍ ເຮັນຣິກ ມາຄິຕາຢານ ກອງກາງໂຕເກັ່ງໃຫ້ກັບ ແມນເຊສເຕີ ຢູໄນເຕັດ ບອກວ່າການເສຍນັກເຕະລາຍນີ້ເປັນເລື່ອງທີ່ໜ້າຜິດຫວັງຍິ່ງກວ່າການປ່ອຍ ມັດ ຮຸມເມວ ແລະ ອິຄາຍ ກຸນໂດກັນ ຫຼາຍເທົ່າ.

 

ໂທມັສ ທູເຄິນ ນາຍໃຫຍ່ ໂບຣຸສເຊຍ ດອດມຸນ ສະໂມສອນຊັ້ນນຳຂອງ ບຸນເດສລີກາ ຍອມວ່າຮູ້ສຶກເສຍໃຈທີ່ຕ້ອງປ່ອຍ ເຮັນຣິກ ມາຄິຕາຢານ ກອງກາງທີມຊາດອາວເມເນຍໃຫ້ກັບ “ຜີສາດແດງ” ແມນເຊສເຕີ ຢູໄນເຕັດ ທີມດັງໃນລີກຜູ້ດີ.

 

ຊ່ວງຊຳເມີນີ໊ “ເສືອເຫຼືອງ” ຕ້ອງປ່ອຍນັກເຕະໂຕດີຂອງພວກເຂົາຫຼາຍຄົນອອກໄປນອກຈາກ ມາຄິຕາຢານ ແລ້ວຍັງມີ ມັດ ຮຸມເມວ ແລະ ອິຄາຍ ກຸນໂດກັນ ເຊິ່ງທັງສອງຍ້າຍໄປຫຼິ້ນໃຫ້ກັບ “ເສືອໃຕ້” ແລະ “ເຮືອໃບສີຟ້າ”.

 

ທູເຄິນ ເຜີຍວ່າສະໂມສອນພະຍາຍາມທີ່ຈະດຶງນັກເຕະທັງ 3 ຄົນນີ້ເອົາໄວ້ແຕ່ສຸດທ້າຍກໍບໍ່ສຳເລັດ “ມີເລື່ອງເກີດຂຶ້ນຫຼວງຫຼາຍມັນຮູ້ສຶກຄືກັບວ່າການເລີ່ມໃໝ່ທີ່ສົດໃສ ເຮົາເສຍນັກເຕະກຳລັງສຳຄັນຂອງທີມໄປ 3 ຄົນ”.

 

“ພວກເຂົາເປັນ 3​ ນັກເຕະທີ່ຢູ່ໃນລະດັບສູງ ເຮົາເຮັດທຸກຢ່າງເຕັມທີ່ແລ້ວເພື່ອທີ່ຈະດຶງນັກເຕະເອົາໄວ້ ສຳລັບຂ້ອຍການເສຍ ມາຄິຕາຢານ ເປັນເລື່ອງທີ່ຜິດຫວັງຫຼາຍກວ່າການເສຍ ມັດ ຮຸມເມວ ແລະ ອິຄາຍ ແຕ່ຂ້ອຍກໍລໍຖ້າທີ່ຈະຮ່ວມງານກັບນັກເຕະໃໝ່ທີ່ເຮົາກຳລັງຈະດຶງມາຮ່ວມທີມ” ທູເຄິນ ກ່າວ.