ຊີດານໂວຍ!!ບົດລົງໂທດແບນໂດ້ 5 ເກມຮຸນແຮງເກີນໄປ

 

ຊີເນດີນ ຊີດານ ນາຍໃຫຍ່ ເຣອັນ ມາດຣິດ ອອກໂຮງໂວຍໂທດແບນ 5 ເກມຂອງ ຄຣິສຕຽນໂນ້ ໂຣເນົາໂດ້ ຈາກການຍູ້ຜູ່ຕັດສິນຈົນຖືກໄລ່ອອກໃນເກມ ສະແປນນິດ ຊູເປີ ຄັບ ກັບ ບາເຊໂລນາ ວ່າເປັນການລົງໂທດທີ່ຮຸນແຮງເກີນໄປ.

“ເຮົາຫງຸດຫງິດກັບເລື່ອງນີ້ຫຼາຍ” ຊີດານ ກ່າວຫຼັງເກີດເຫດການທີ່ ໂຣເນົາໂດ້ ຖືກໃບເຫຼືອງທີສອງຈາກການພຸ່ງລົ້ມແລ້ວໄປຍູ້ຫຼັງຜູ່ຕັດສິນ ຣິກາໂດ້ ເບັນໂກເຊຍ ໃນເກມທີ່ ເຣອັນ ມາດຮິດ ບຸກຊະນະ ບາຊາ 3-1 ໃນຊູເປີຄັບ ນັດທຳອິດເມື່ອວັນອາທິດຈົນຖືກຜູ່ຄວບຄຸມການແຂ່ງຂັນລູກໜັງສະເປນສັ່ງແບນ 5 ເກມໃນມື້ຕໍ່ມາ.

“ເມື່ອເຈົ້າເບິ່ງທຸກຢ່າງທີ່ເກີດຂຶ້ນແລ້ວ ຄຣິສຕຽໂນ ຈະບໍ່ໄດ້ຫຼິ້ນໃຫ້ເຮົາ 5 ເກມ ມັນເປັນຕາໂມໂຫຫຼາຍ” ຊີດານ ເຜີຍໂດຍທາງ ເຣອັນ ມາດຣິດ ຍື່ນອຸທອນເຊິ່ງອາດໄດ້ລົດໂທດເຫຼືອ 4 ເກມກ່ອນເກມນັດທີ່ສອງທີ່ ເບີນາເບວ ວັນພຸດນີ້.

 

ບົດຄວາມໃຫມ່ໆ