ຊາວໜຸ່ມກະຊວງ ຖວທ ສະຫລຸບຕີລາຄາ ການຈັດຕັ້ງ ປະຕິບັດວຽກງານ ແລະ ວາງທິດທາງແຜນການ ໃນຕໍ່ໜ້າ

າວໜຸ່ມກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ(ຖວທສະຫລຸບຕີລາຄາ ການຈັດຕັງປະຕິບັດວຽກງານ ສົກປີ 2014-2015 ແລະວາງທິດທາງ ແຜນການ ສົກປີ 2015-2016 ຂຶ້ນໃນວັນທີ 24 ກັນຍາ 2015 ນີ້​ຢູ່​ກະຊວງ​ດັ່ງກ່າວ, ​ໂດຍ​ມີ ສະຫາຍ​ ບົວ​ໄລ ພານຸວົງ ​ເລຂາ​ຄະນະ​ບໍລິ ຫານ​ງານ​ຊາວ​ໜຸ່ມ ​ປະຊາຊົນ​ ປະຕິວັດ​ລາວ​ ກະຊວງ ຖວທ, ບັນດາ​ຄະນະ​ຊາວໜຸ່ມ, ​ເລຂາ ​ແລະ ຄະນະ​ຊາວ​ໜຸ່ມ ຈາກ​ພາກສ່ວນ​ຕ່າງໆ ​ອ້ອມ​ຂ້າງ​ກະຊວງ ຖວທ ​ເຂົ້າ​ຮ່ວມ.

ສະຫາຍ ບົວ​ໄລ ພານຸ​ວົງ ​ກ່າວ​ວ່າ: ຕະຫລອດ​ໄລຍະ​ຜ່ານ​ມາ ຄະນະ​ນໍາ​ຊາວ​ໜຸ່ມ​ກະຊວງ ຖວທ ​ໄດ້​ຖື​ເອົາ​ການ​ນໍາພາ​ວຽກ​ງານ​ການ​ເມືອງ​ ແນວ​ຄິດ​ເປັນ​ກົກ ​ແລະ ນໍາພາ​ຈັດ​ຕັ້ງ​ ຜັນຂະຫຍາຍ​ ບັນດາ​ມະຕິ, ຄໍາ​ສັ່ງ, ກົດໝາຍ ​ແລະ ລະບຽບ​ການ​ຕ່າງໆ​ ໂດຍ​ສະ​ເພາະ​ແມ່ນ​ ມະຕິກ​ອງປະຊຸມ​ໃຫຍ່ ​ຄັ້ງ​ທີ IX ຂອງ​ສູນ​ກາງ​ພັກ, ​ແຜນ​ພັດທະນາ​ເ ສດຖະກິດ​ສັງຄົມ​ແຫ່ງ​ຊາດ 5 ປີ​ຄັ້ງ​ທີ VII ​ແລະ ມະຕິ​ກອງ​ປະຊຸມ​ໃຫຍ່​ ຜູ້​ແທນ​ຊາວ​ໜຸ່ມທົ່ວ​ປະ​ເທດ ສະ​ໄໝ​ທີ VI, ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ ສູນ​ກາງຊປປ ລາວ​ ຄັ້ງ​ທີ 5, ກອງ​ປະຊຸມ​ວິສາມັນ​ສະ​ໄໝ​ທີ VI ຂອງ​ສູນ​ກາງຊປປລາວ ​ແລະ ​ແຜນການ​ເຄື່ອນ​ໄຫວ 4 ບຸກ ຂອງ​ຊາວ​ໜຸ່ມ ເຊິ່ງ​ເຫັນ​ວ່າ​ດ້ານ​ການ​ເມືອງ​ແນວ​ຄິດ​​ ຊາວ​ໜຸ່ມ​ທົ່ວ​ກະຊວງ ຖວທ ມີ​ຄວາມ​ສະຫງົບ ​ແລະ ມີ​ຄວາມ​ຮັບຜິດຊອບ​ ຕໍ່ໜ້າ​ທີ່​ວຽກ​ງານ ​ວິຊາ​ສະ​ເພາະ​ຂອງ​ຕົນ. ສໍາລັບ​ທິດ​ທາງ​​ແຜນການ ໃນ​ຕໍ່ໜ້າ​ຊາວ​ໜຸ່ມ​ກະຊວງ ຖວທ ຈະ​ສືບ​ຕໍ່​ຈັດ​ຕັ້ງ​ຜັນ​ຂະຫຍາຍ​ ມະຕິ​ກອງ​ປະຊຸມ ​ຄົບ​ຄະນະ​ຄັ້ງ​ທີ 5 ສະ​ໄໝ​ທີ VI, ​ການຈັດ​ຕັ້ງ​ຂະ​ບວນຂໍ້​ແຂ່ງຂັນ 4 ບຸກ ຢ່າງ​ກ້ວາງ​ຂວາງ​ ທົ່ວ​ເຖິງ​ຕາມ​ແຜນການ​ປະ​ຈໍາປີ, ນໍາພາ​ວຽກ​ງານ​ການ​ເມືອງ ​ແນວ​ຄິດ​​ໜັກ​ແໜ້ນ, ຢຶດໝັ້ນ​ຫລັກ​ມູນ​ທິດ​ສະ​ດີ​ທີ່​ວ່າ ການ​ນໍາພາ​ທີ່​ດີ ກ​ວ່າ​ໝູ່​ໝົດ​ແມ່ນ​ ການ​ນໍາພາ ​ດ້ວຍ​ຄວາມ​ເປັນ​ແບບຢ່າງ, ​ເຊິ່ງມີ​ເນື້ອ​ໃນ​ຂໍ້​ແຂ່ງຂັນ 4 ບຸກ​ ເປັນ​ພື້ນ​ຖານ​ໃນ​ການ​ຝຶກ​ອົບຮົມ​

ທີ່ມາ http://kpl.gov.la/