ຊາວບ້ານຄົ້ນພົບພະເຈດີຂະໜາດໃຫຍ່ ກາງແມ່ນ້ຳຂອງ ພຽງແຕ່ຮູ້ວ່າມີຫຍັງຢູ່ໃນເທົ່ານັ້ນຊາວບ້ານແຮ່ເຂົ້າເບິ່ງຢ່າງຫຼວງຫຼາຍ

ຫຼັງຈາກມີການແຊຮູບພາບແລະຂໍ້ມູນ ກໍລະນີທີ່ພົບພະທາດເຈດີກາງແມ່ນ້ຳຂອງ

ຜູ້ສື່ຂ່າວປະເທດເພື່ອນບ້ານສະຫຍາມອັບເດດ ໄດ້ໄປຫາຂໍ້ມູນເພີ່ມຕື່ມ ເຊິ່ງທີ່ແທ້ຈິງແລ້ວ ແມ່ນມັນເກີດຂຶ້ນເມື່ອປະມານ 5ປີກ່ອນໜ້ານີ້ ໂດຍມີເລື່ອງລາວດັ່ງນີ້ ພ້ອມຍັງມີວີດີໂອເຫດການພ້ອມ

ໃນທີ່ສຸດກໍ່ຄົ້ນພົບ ພະເຈດີຂະໜາດໃຫຍ່ກາງແມ່ນນ້ຳຂອງ ລະຫວ່າງເມືອງຊຽງແສນຝັ່ງປະເທດໄທກັບເມືອງຕົ້ນເຜິ່ງຝັ່ງລາວ ຫຼັງຈາກເປັນເລື່ອງເລົ່າຍາວນານວ່າກາງແມ່ນນ້ຳຂອງມີວັດ ພະພຸດທະຮູບເຈດີ ແລະ ວິຫານຈົມນ້ຳ

ສິ່ງທີ່ພົບຢູ່ກ້ອງເຈດີນັ້ນລ້ວນເປັນຂອງຫາຍາກມີອາຍຸຍາວນານກວ່າ 1000ປີ

ຈາກການຫາຂໍ້ມູນເຮັດໃຫ້ຮູ້ວ່າ ເປັນເລື່ອງທີ່ເກີດຂຶ້ນຕັ້ງແຕ່ປີ 2553 ເກີດຂຶ້ນທີ່ ແຂວງ ຊຽງຣາຍ ປະເທດໄທ ແຈ້ງວ່າ ຫຼັງຈາກລະດັບນ້ຳໃນແມ່ນ້ຳຂອງແຫ້ງລົງຢ່າງໜັກໃນຮອບຫຼາຍປີນັ້ນ ປະກົດວ່າໃນຝັ່ງປະເທດລາວເຮົາ ບໍລິເວນເມືອງຕົ້ນເຜິ້ງ ແຂວງບໍ່ແກ້ວ ກົງກັນຂ້າມກັບ ບ້ານ ວຽງ ເມືອງ ຊຽງແສນ ປະເທດໄທ ເຊິ່ງມີການໃຊ້ລົດຈົກຕັກຊາຍໄປກໍ່ສ້າງ ໄດ້ພົບພະເຈດີຊົງບູຮານຝັງຢູ່ກາງ ຊາຍທີ່ໂຜ່ພົ້ນນ້ຳຂຶ້ນມາ ເຮັດໃຫ້ຊາວບ້ານເມືອງຕົ້ນເຜິ້ງຕົກໃຈ ພາກັນໄປເບິ່ງເປັນຈຳນວນຫຼວງຫຼາຍ ເຊື່ອກັນເປັນສິ່ງສັກສິດ

ເຊິ່ງເຊື່ອກັນວ່າເປັນພະປະທານຂະໜາດໃຫຍ່ທີ່ຍັງຝັງຢູ່ກາງແມ່ນນ້ຳຂອງ ແມ່ນແຕ່ກຳແພງເມືອງຊຽງແສນທັງສອງຂ້າງກໍ່ຫາຍໄປກາງແມ່ນນ້ຳຂອງນຳ ແລະ ຜູ້ເຖົ້າກໍ່ເຊື່ອວ່າ ກາງແມ່ນ້ຳຂອງມີບູຮານນະສະການ ແລະ ບູຮານວັດຖຸທີ່ຖ້າການຄົ້ນພົບຢ່າງແນ່ນອນ.

=========================

ທີ່ມາ: ສະຫຍາມອັບເດດ