ຊາຍໄວ 18 ຕາຍເພາະຫລິ້ນ pokemon go ລາຍທຳອິດຂອງໂລກ

ເວບໄຊ ເດລີ້ເມວ ເປີດເຜີຍວ່າໜຸ່ມສັນຊາດກົວເຕມາລາ ໄວ 18ປີ ຖືກຍິງເສຍຊີວິດຂະນະຫຼິ້ນເກມ ໂປເກມອນໂກ ກັບລູກອ້າຍລູກນ້ອງ ໄວ 17ປີ ທີ່ມີອາການບາດເຈັບສາຫັດ. ເຫດເກີດທີ່ຖະໜົນແຄມທາງລົດໄຟເມືອງ Chiquimula ເຈົ້າໜ້າທີ່ໄດ້ພົບປອກລູກປືນເກືອບ 20ນັດ ພ້ອມກັບຮ່າງຊາຍໜຸ່ມທັງສອງທີ່ນອນຟູມເລືອດ ໂດຍບໍ່ທັນຮູ້ຕົວຄົນກໍ່ເຫດ. ເຈົ້າໜ້າທີ່ຈຳຫຼວດຄາດວ່າອາດເປັນຝີມືຂອງແກ໊ງດັກຕີເພື່ອລັກໂທລະສັບມືຖື ແລະຊັບສິນ. ແມ່ຂອງຜູ້ເສຍຊີວິດກ່າວວ່າ ໃນຄືເກີດເຫດລູກຊາຍຕົນໄດ້ເຂົ້ານອນແລ້ວ ແຕ່ໄດ້ຮັບຂໍ້ຄວາມຈາກລູກອ້າຍລູກນ້ອງຊວນໄປຈັບໂປເກມອນຢູ່ທີ່ຈຸດເກີດເຫດນັ້ນ ເຊິ່ງບໍ່ໄກຈາກເຮືອນພໍປານໃດ ແຕ່ໃນທີ່ສຸດກໍພົບຂ່າວຮ້າຍເມື່ອລູກຊາຍຖືກຍິງເສຍຊີວິດ.