ຊາຊ້າ ບອກ ມ້າລາຍ ຈະຕິດໜຶ່ງໃນສາມອັນດັບທຳອິດຊ່ວງເດືອນມັງກອນນີ້

ຊິໂມເນ ຊາຊ້າ ດາວຍິງຂອງ ຢູເວັນຕຸດ ບອກຕົ້ນສັງກັດຕັ້ງເປົ້າຂຶ້ນໄປຕິດໜຶ່ງໃນສາມໃນ ຊີຣີ ອາ ຊ່ວງເດືອນ ມັງກອນນີ້ຫຼັງຈາກທີ່ຫາກໍຊະນະ ປາລາໂມ້ ເມື່ອທ້າຍອາທິດທີ່ຜ່ານມາ ພ້ອມກັບຫວັງວ່າໂຕເອງຈະໄດ້ຮັບໂອກາດລົງສະແດງຄວາມເທບ ແລະ ຊ່ວຍເຫຼືອທີມຫຼາຍກວ່ານີ້.

ຊາຊ້າ ກອງໜ້າຂອງ ຢູເວັນຕຸດ ສະໂມສອນຈາກ ກັນໂຊ ຊີຣີ ອາ ອອກມາເປີດເຜີຍວ່າ ຕົ້ນສັງກັດຕັ້ງເປົ້າໝາຍທີ່ຈະຂຶ້ນໄປຢູ່ໜຶ່ງໃນສາມອັນດັບທຳອິດໃນລີກສູງສຸດຂອງ ອີຕາລີ ເດືອນມັງກອນນີ້ຫຼັງຈາກທີ່ທີມເກັບໄຊ 4 ນັດໃນນັດທີ່ຖະລົ່ມ ປາລາໂມ້ 3-0 ໃນເກມລີກທີ່ສະໜາມ ເຣນໂຊ້ ບາເບຣາ ເມື່ອວັນອາທິດທີ່ຜ່ານມາ.

ໃນເກມດັ່ງກ່າວ ມາຣິໂອ ມານຊູກິດ ກັບ ສະເຕຟານ ສະຕູຣາໂຣ້ ຍິງຄົນລະປະຕູກ່ອນທີ່ ຊາຊ້າຈະຍິງປະຕະປິດທ້າຍເຮັດໃຫ້ “ມ້າລາຍ” ເກັບ 3 ຄະແນນໄດ້ສຳເລັດ ແລະ ຢູ່ອັນດັບ 5 ຂອງຕາຕາລາງຄະແນນ ມີ 24 ຄະແນນຈາກ 14 ນັດ ນຳຫຼັງ ອິນເຕີ ມິລານ ທີ່ຫຼິ້ນໜ້ອຍກວ່າໜຶ່ງເກມຢູ່ 6 ຄະແນນ.

ອະດີດດາວເຕະ ຊາສຊູໂອໂລ ອາຍຸ 24 ປີ ກ່າວກັບ “ສະປອດມີເດຍເຊັດ” ວ່າ “ເປົ້າໝາຍຂອງເຮົາຄືໄຕ່ອັນດັບຂຶ້ນໄປໃນຕາຕາລາງຄະແນນ ເຮົາຕັ້ງເປົ້າຢູ່ທີ່ 3 ອັນດັບທຳອິດໃນເດືອນມັງກອນ ແລະ ຊ່ວງກາງລະດູການເຮົາຕ້ອງເດີນໜ້າຄວ້າແຊ້ມ ຂ້ອຍຢາກລົງຫຼິ້ນຫຼາຍກວ່ານີ້ ແລະ ເຮັດປະຕູຫຼາຍກວ່ານີ້ເຊິ່ງກໍເລື່ອງທີ່ຊັດເຈນ ແຕ່ຂ້ອຍບໍ່ເຄີຍຈົ່ມ ແລະ ຂ້ອຍກໍເປັນໂຕສຳຮອງໃນຕອນນີ້ ຂ້ອຍມ່ວນກັບຊ່ວງເວລານີ້ ແລະ ຕັ້ງຕາຖ້າສຳລັບເກມຕໍ່ໄປ ນັກເຕະທີ່ມີປະສົບການໃນທີມເວົ້າສຽງດັງຟັງດີໃນຊ່ວງເວລາທີ່ຍາກລຳບາກ ເຮົາໃນຖານະເດັກໜຸ່ມກໍພ້ອມຟັງ ແລະ ເຈົ້າສາມາດເຫັນໄດ້ເຖິງຜົນການແຂ່ງຂັນ”.

..................................................................................................................................................