ຊາກາຮັບຝັນຢາກຫຼິ້ນໃນລີກຜູ້ດີແຕ່ຍັງນ້ອຍ

ອາເຊນອນ ຫູຕັ້ງເມື່ອ ກຣານິດ ຊາກາ ຫ້ອງເຄື່ອງຂອງ ໂບຣຸສເຊຍ ມິວເຊັນກັດບັກ ທີ່ເປັນຂ່າວພົວພັນຢູ່ບອກວ່າ ເຂົາມີຄວາມຝັນມາແຕ່ຍັງນ້ອຍແລ້ວວ່າຢາກມາຫຼິ້ນໃນລີກໃຫຍ່ຄື ພຣີເມຍລີກ ແລະ ເຂົາເຊື່ອວ່າເປັນຄວາມຝັນທີ່ສາມາດເປັນຈິງໄດ້.

 

ກຣານິດ ຊາກາ ກອງກາງຕົວເກັ່ງຂອງ ໂບຣຸສເຊຍ ມິວເຊັນກັດບັກ ສະໂມສອນດັງຈາກ ບຸນເດສລີກາ ເຢຍລະມັນ ອອກມາເປີດເຜີຍວ່າ ລະດູການໜ້າອາດຈະມີການປ່ຽນແປງເກີດຂຶ້ນເມື່ອເຂົາບອກວ່າການຫຼິ້ນໃນເວທີ ພຣີເມຍລີກ ເປັນຄວາມຝັນມາແຕ່ຍັງນ້ອຍຂອງເຂົາ ກັບກະແສຂ່າວລືທີ່ວ່າເຂົາຮັບຄວາມສົນໃຈຈາກ ອາເຊນອນ ທີ່ກຽມດຶງເຂົາໄປຮ່ວມທັບ.

ກອງກາງທີມຊາດສະວິດເຊີແລນຕົກເປັນຂ່າວຍ້າຍອອກຈາກຖິ່ນ ໂບຣຸສເຊຍ ພາກ ຕະຫຼອດໄລຍະ 2 ເດືອນທີ່ຜ່ານມາ ແລະ ເຊື່ອກັນວ່າ “ປືນໃຫຍ່” ເປັນເຕັງໜຶ່ງທີ່ຈະໄດ້ໂຕໄປໄວ້ໃນອ້ອມແຂນ ຂະນະດຽວກັນເມື່ອວັນທີ 17 ທີ່ຜ່ານມາເຂົາເປີດເຜີຍວ່າ ຈະຕັດສິນໃຈເລື່ອງອະນາຄົດກ່ອນບານ ຢູໂຣ 2016 ຈະເປີດສາກຂຶ້ນຊ່ວຍຕື່ມໄຟກ່ຽວກັບກະແສຂ່າວລືຍ້າຍໄປຫຼິ້ນໃນລີກຜູ້ດີ.

 

ຊາກາ ທີ່ຍ້າຍຈາກ ເອຟຊີ ບາເຊວ ມາຢູ່ກັບ “ສິງໜຸ່ມ” ເມື່ອປີ 2012 ແລະ ເຄີຍຕົກເປັນຂ່າວກັບ ລີເວີພູ ເຜີຍວ່າ “ພຣີເມຍລີກ ບໍ່ແມ່ນເປົ້າໝາຍຂອງຂ້ອຍ ແຕ່ມັນເປັນຄວາມຝັນມາແຕ່ຍັງນ້ອຍໆ ມັນເປັນຄວາມຝັນທີ່ສາມາດເຮັດໃຫ້ມັນເປັນຈິງໄດ້”.