ຊັອກ!!ຫາມອິໄຮອັອກນາຍໃຫຍ່ໄກ່ຢູ-23 ເຂົ້າໂຮງໝໍ

 

ທັອດແນມ ຮັອດສະເປີ ລະບຸ ອູໂກ ອິໄຮອັອກ ຜູ້ຈັດການທີມຂອງຊຸດລຸ້ນອາຍຸບໍ່ເກີນ 23 ປີຖືກນຳສົ່ງໂຮງໝໍເປັນການດ່ວນຫຼັງຈາກທີ່ລົ້ມໝົດສະຕິລົງເມື່ອຕອນເຊົ້າວັນພະຫັດທີ່ຜ່ານມາ (ຕາມເວລາທ້ອງຖິ່ນ) ໂດຍຕອນນີ້ຍັງບໍ່ຮູ້ສາເຫດແຕ່ຈະມີການອັບເດດຂ່າວສານຂອງເຂົາຢ່າງຕໍ່ເນື່ອງ.

 

ອູໂກ ອິໄຮອັອກ ຜູ້ຈັດການທີມເຍົາວະຊົນຊຸດອາຍຸບໍ່ເກີນ 23 ປີຂອງ ທັອດແນມ ຮັອດສະເປີ ສະໂມສອນຍັກໃຫຍ່ຂອງ ພຣີເມຍລີກ ຖືກນຳຕົວສົ່ງໂຮງໝໍເປັນການດ່ວນຫຼັງຈາກທີ່ເຂົາລົ້ມໝົດສະຕິລົງແບບບໍ່ຮູ້ສາເຫດຂະນະທີ່ຢູ່ໃນສູນເຝິກຊ້ອມ “ໄກ່ເດືອຍທອງ” ເມື່ອຕອນເຊົ້າວັນພະຫັດທີ່ຜ່ານມາ (ເວລາທ້ອງຖິ່ນ).

 

ຖະແຫຼງການຂອງ ສະເປີ ຜ່ານທະວິດເຕີເວັບໄຊສັງຄົມອອນລາຍລະບຸວ່າ “ເຮົາຂໍຢືນຢັນວ່າຕອນນີ້ ອູໂກ ອິໄຮອັອກ ຢູ່ທີ່ໂຮງໝໍແລ້ວ ຫຼັງຈາກທີ່ລົ້ມໝົດສະຕິລົງຂະນະທີ່ຢູ່ທີ່ສູນເຝິກຊ້ອມຂອງສະໂມສອນເມື່ອຊ່ວງເຊົ້າຂອງມື້ນີ້ (ວັນພະຫັດ) ນາຍໃຫຍ່ຊຸດອາຍຸບໍ່ເກີນ 23 ປີຂອງເຮົາໄດ້ຮັບການຮັກສາທັນທີຈາກທີມແພດຂອງເຮົາກ່ອນທີ່ຈະມີການສົ່ງຕົວເຂົາໄປທີ່ໂຮງໝໍດ້ວຍລົດໂຮງໝໍ”.

 

“ທຸກໆຄົນທີ່ສະໂມສອນແຫ່ງນີ້ໄດ້ສົ່ງຄວາມປາຖະໜາດີໄປໃຫ້ກັບ ອູໂກ ແລະ ຄອບຄົວຂອງເຂົາແລ້ວ ເຮົາຈະພະຍາຍາມອັບເດດຂ່າວຂອງເຂົາຢ່າງຕໍ່ເນື່ອງເມື່ອເຮົາໄດ້ຮັບການແຈ້ງຂໍ້ມູນເພີ່ມຕື່ມ” ຖະແຫຼງການສະບັບເດີມລະບຸໂດຍ ອິໄຮອັອກ ຍັງເຮັດວຽກໃຫ້ກັບທີມຊາດອັງກິດລຸ້ນ ຢູ-20 ນຳອີກດ້ວຍ.

 

ບົດຄວາມໃຫມ່ໆ