ຊັນປູດ!! ເຮືອ-ຜີ ພ້ອມອັດງົບຊື້ສັນຍາເນມາ

 

ແມນເຊສເຕີ ດາບີ ນອກຮອບ!! ຂ່າວລື ເນມາ ກຽມເບິ່ງຫາຕົ້ນສັງກັດໃໝ່ຍັງມີອອກມາຢ່າງຕໍ່ເນື່ອງ ລ່າສຸດເມືອງຜູ້ດີຕີຂ່າວ “ຜີສາດແດງ” ແລະ “ເຮືອໃບສີຟ້າ” ພ້ອມອັດເມັດເງິນມະຫາສານຕາມເງື່ອນໄຂຄ່າຊື້ສັນຍາໃຫ້ ບາເຊໂລນາ ພິຈາລະນາເພື່ອດຶງດາວດັງແຊມບາມາປະຈຳການໃນເກມບຸກລະດູການໜ້າ.

 

ເດິ ຊັນ ໜັງສືພິມລາຍວັນຂອງອັງກິດລາຍງານຂ່າວເມື່ອວັນພຸດທີ່ຜ່ານມາວ່າ ແມນເຊສເຕີ ຢູໄນເຕັດ ແລະ ແມນເຊສເຕີ ຊີຕີ ສອງສະໂມສອນຍັກໃຫຍ່ຈາກ ພຣີເມຍລີກ ພ້ອມອັດເງິນ 144 ລ້ານປອນຕາມເງື່ອນໄຂຄ່າຊື້ສັນຍາ ດຶງໂຕ ເນມາ ດາວຍິງຂອງ ບາຊາ ມາເສີມທັບໃນຊ່ວງຊຳເມີນີ້.

ສະຕາທີມຊາດບາຊິວ ຕົກເປັນຂ່າວເຊື່ອມກັບຍ້າຍອອກຈາກທີມ ບາເຊໂລນາ ຢ່າງຕໍ່ເນື່ອງໃນໄລຍະຫຼັງ ຫຼັງການເຈລະຈາສັນຍາໃໝ່ກັບ ບາຊາ ຍັງບໍ່ໄດ້ຂໍ້ສະຫຼຸບ ໂດຍທີ່ກ່ອນໜ້ານີ້ເຂົາເອງກໍຕົກເປັນຂ່າວວ່າໄດ້ຮັບຄວາມສົນໃຈຢ່າງຈິງຈັງກັບ ເຣອັນ ມາດຣິດ ທີ່ມອະລິຮ່ວມລີກ ຂະນະທີ່ລ່າສຸດມີລາຍງານວ່າ ສອງສະໂມສອນດັງໃນເມືອງແມນເຊສເຕີກຽມທີ່ຈະເທງົບກ້ອນໃຫຍ່ຕາມຕົວເລກຄ່າຊື້ສັນຍາ ເພື່ອດຶງແຂ່ງ 24 ປີມາເສີມເກມບຸກໃນຊ່ວງຊຳເມີ.

 

ກ່ອນໜ້ານີ້ ເນມາ ຊີເນຍ ພໍ່ຂອງ ເນມາ ທີ່ປັດຈຸບັນຕ້ອງຕໍ່ສູ້ກັບຄະດີໃນສານ ກໍລະນີຖືກກ່າວຫາວ່າໜີພາສີຊ່ວງລະຫວ່າງປີ 2007-2008 ເປີດເຜີຍວ່າ ລູກຊາຍຂອງຕົນເອງອາດອອກຍ້າຍຈາກ ບາຊາ ກໍເປັນໄປໄດ້ ເຫດບໍ່ໄດ້ຮັບການປະຕິບັດດີເທົ່າທີ່ຄວນໃນແຄວ້ນ ກາຕາລັນ ຢ່າງໃດກໍຕາມອະດີດຫົວຫອກ ຊານໂຕດ ຫາກໍຢືນຢັນວ່າຍັງມີຄວາມສຸກຢ່າງຍິ່ງກັບຕົ້ນສັງກັດ ແລະ ບໍ່ມີແຜນທີ່ຈະຍ້າຍໄປຫຼິ້ນບ່ອນອື່ນໃນໄວໆນີ້ແຕ່ຢ່າງໃດ.