ຈຸກ!!! ແຊວິນໂຢ ເຈັບພັກຍາວ 3 ອາທິດ

“ໝາປ່າເຫຼືອງ-ແດງ” ອາເອສ ໂຣມາ ເຈິກັບຂ່າວເຈັບແສບ ເມື່ອນັກເຕະໂຕຫຼັກຂອງທີມ ແຊວິນໂຢ ຕ້ອງພັກຍາວເກືອບເດືອນ ຫຼັງຈາກທີ່ດ້ຽງມາຈາກເກມທີມຊາດ.

ອາເອສ ໂຣມາ ສະໂມສອນດັງຈາກ ກັນໂຊ ຊີຣີ ອາ ອີຕາລີ ປະກາດຢືນຢັນເມື່ອວັນພະຫັດທີ 19 ພະຈິກທີ່ຜ່ານມາວ່າ ແຊວິນໂຢ ກອງໜ້າແຂ້ວຂາວປະຈຳທີມຈະລົງຫຼິ້ນບໍ່ໄດ້ເປັນເວລາ 3 ອາທິດ ເນື່ອງຈາກມີອາການບາດເຈັບຕົ້ນຂາ.

ດາວເຕະ 28 ປີ ໄດ້ຮັບບາດເຈັບຈາກການລົງຮັບໃຊ້ທີມຊາດໃນເກມບານໂລກ 2018 ຮອບຄັດເລືອກໂຊນ ອາຟຣິກາ ທີ່ຊະນະ ໄລບີເຣຍ 3-0 ເມື່ອວັນອັງຄານ 17 ພະຈິກທີ່ຜ່ານມາ ແລະ ຈາກຜົນກວດອາການລ່າສຸດເປັນທີ່ຢືນຢັນວ່າເຂົາຕ້ອງພັກຍາວ 3 ອາທິດເຊິ່ງຈະເຮັດໃຫ້ບໍ່ໄດ້ລົງຊ່ວຍຕົ້ນສັງກັດໃນເກມ ຢູຟາ ນັດສຳຄັນທີ່ພົບກັບ ບາເຊໂລນາ ວັນອັງຄານທີ 24 ພະຈິກນີ້ ແລະ ອາດຈະລວມເຖິງເກມນັດສຸດທ້າຍຂອງຮອບແບ່ງກຸ່ມທີ່ຕ້ອງຟາດແຄ່ງກັບ ບາເຕ້ ໂບຣິຊອຟ ອີກສອງອາທິດຖັດໄປອີກ.

ສຳລັບເກມລີກນັ້ນ ແຊວິນໂຢ ຈະບໍ່ໄດ້ລົງໃນເກມທີ່ ໂຣມາ ພົບກັບ ໂບໂລນຢາ, ອາຕາລັນຕ້າ ແລະ ໂຕຣິໂນ.

......................................................................................................................................................