ຈີບສາວ bad girl ດີບໍ່ນໍ?

ຈີບສາວ bad girlດີບໍ່ນໍ?????

ຮູ້ໆກັນຢູ່ວ່າມະນຸດມັກມີລັກສະນະກົງກັນຂ້າມກັນສະເໝີ ເຊັ່ນ: ຄົນເຮຮາມັກຄົນງຽບຂຶມ, ເດັກເລາະເດັກທ່ຽວມັກເດັກຮຽນ, ສາວເຊັກຊີ້ໄດ້ແຟນຂີ້ເຮິ, ສາວເຕ້ຍມີແຟນສູງ, ສາວສູງມີແຟນເຕ້ຍ ແລະອີກສາລະພັດຜັດເຜັດ ທີ່ກາຍເປັນເລື້ອງອານິດຈັງທຳມະດາຂອງໂລກນີ້ໄປແລ້ວ. ສະນັ້ນ, ມັນກໍບໍ່ແປກເລີຍວ່າອ້າຍບ່າວແສນດີຄືໄທເຮົາເຈົ້າຂ້ອຍ (ເຫິ!ເຫິ! ແມ່ນບໍ່ນໍ) ຈະເກີດອາການວູບໆວາບໆເມື່ອໄດ້ສົບຕາກັບສາວທີ່ຂຶ້ນຊື່ວ່າເປັນ bad girl ຈົນຢາກຈະໄດ້ມາເປັນຫວານໃຈ ແຕ່ກໍຍັງລັງເລວ່າຈະຈີບດີ ຫຼືບໍ່ດີ? ເພື່ອເປັນການໃຫ້ທ່ານໄດ້ຕັດສິນໃຈງ່າຍຂຶ້ນພວກເຮົາກໍເລີຍສັງລວມຂໍ້ດີ ແລະຂໍ້ໍ່ເສຍຂອງສາວປະເພດນີ້ມາຊິ່ມບອກທ່ານ

ຂໍ້ດີຂອງນ້ອງນາງ:

1. ເປັນຜູ້ຍິງຮັກຄວາມສະໜຸກສະໜານ: ຫາກຢູ່ໃນງານລ້ຽງ ໂດຍສະເພາະກາງຄືນແນ່ນອນຕາພວກນາງໆຈະໃສປານນົກເຄົ້າ, ດື່ມກະໜ່ຳ, ເຕັ້ນກະຈາຍແບບເຕັມທີ່ສຸດໆ (ປານນັ້ນຕື່ນມາຍັງບໍ່ເມົາຄ້າງອີກ). ສາວ bad girl ມັກຫົວຄິກໆຄັກໆ, ຫຼິ້ນຫູຫຼິ້ນຕາ ຈົນເຮັດໃຫ້ອ້າຍບ່າວຜູ້ຢູ່ໃຫ້ຫົວໃຈເຕັ້ນແຮງ.

2. ໜ້າຕື່ນເຕັ້ນ: ເວລາໄດ້ນາງມາເປັນແຟນ ແນ່ນອນວ່າມີເລື່ອງລາວໃຫ້ຄົ້ນຫາ, ຄຶກຄື້ນມ່ວນຊື່ນຢູ່ແລ້ວ ບໍ່ຕ່າງຫຍັງກັບການຜະຈົນໄພ. ເພາະສາວປະເພດນີ້ມັກພົບປະສັງຄົມ ແລະຜູ້ຄົນຫຼວງຫຼສຍ ບໍ່ມີທາງເຫງົາຫງອຍສ້ອຍໂສກຢູ່ແລ້ວ.

3. ນາງໆມັກຫຼິ້ນຜີຜ້າຫົ່ມ: ສາວຮ້າຍຮັກທີ່ຈະຢູ່ກັບເພດກົງກັນຂ້າມ, ນາງໆມີຄວາມສຸກທີ່ໄດ້ຊ່ວຍເຕີມເຕັມຈິນຕະນາການຂອງເພດຊາຍໃຫ້ເປັນຈິງ. ດ້ວຍເຫດນີ້ເລື່ອງເຊັກສະຫຍິວກິ້ວທ່ານຈະບໍ່ຜິດຫວັງ ແຖມບໍ່ເມື່ອຍເລົ້າໂລມ, ເມື່ອຍສອນກັນອີກ ປະມານວ່າຈູດປຸບ ຕິດປັບ. 4. ນາງຊ່າງເອົາໃຈ ແລະໜ້າດຶງດູດ: ສາວຮ້າຍບໍ່ຈຳເປັນຕ້ອງງາມເລີດ ແຕ່ມີຈະຫຼິດໜ້າຮັກໃຄ້ ແລະໜ້າເຂົ້າໃກ້ ດ້ວຍການແຕ່ງຕົວວາບໆຫວິວໆ, ຊ່າງຍິ້ມ, ຊ່າງຫຼິ້ນຫູຫຼິ້ນຕາ ພຽງເທົ່ານີ້ນ້ອງຊາຍກໍ່ຕື່ນ ອຸ່ຍ! ຜູ້ຊາຍກໍຕື່ນເຕັ້ນເປັນແຖວແລ້ວລະ!

ຂໍ້ເສຍຂອງນາງໆ:

1. ເປັນຜູ້ຍິງທີ່ອັນຕະລາຍ: ມີແນວໂນ້ມຕິດສິ່ງເສບຕິດ, ຕິດເຫຼົ້າເບຍຫຼາຍກວ່າສາວທຳມະດາ ເພາະເຫຼົ່ານາງຟ້າລາຕີຈະປະຕິເສດເລື່ອງມ່ວນໆເມົາໆບໍ່ໄດ້ຢູ່ແລ້ວ

2. ຫຼົງຕົວເອງ ແລະເຫັນແກ່ຕົວ: ຂ້ອຍໝັ້ນໃຈຕົວເອງ! ຂ້ອຍເລີດ! ຈະສົນໃຈ ຫຼືແຄຄົນອື່ນເຮັດຫຍັງ

3. ຟຸ່ມເຟືອຍ, ມັກສັງຄົມໄຮໂຊ: ຜູ້ມາຈີບຕ້ອງກະເປົ໋າໜັກ ເພາະພວກນາງໆຕິດຫຼູ ໃຊ້ສິນຄ້າແບນເນມ, ເຄື່ອງສໍາອາງລາຄາແພງປານຍານາງຍາແມ່ ຮັບໄດ້ບໍ່ລະ!

ເຖິງຢ່າງໃດກໍຕາມຜູ້ຍິງແຕ່ລະຄົນ, ແຕ່ລະ life style ລ້ວນແຕ່ມີທັງຂໍ້ດີຂໍ້ເສຍແຕກຕ່າງກັນໄປ ໜຸ່ມໆກໍລອງກັບໄປນອນຄິດເອົາມືກ່າຍໜ້າຜາກກໍແລ້ວກັນວ່າຈະພໍໃຈຫຼືບໍ່.