ຈີນ-ຍີ່ປຸ່ນ-ສ.ເກົາຫລີ ເພີ່ມທະວີ ຮ່ວມມື ໃນຂົງເຂດ ກະສິກຳ

ຕາມ​ຂ່າວ​ຕ່າງປະ​ເທດ, ຈີນ, ຍີ່ປຸ່ນ ​ແລະ ສ.​ເກົາຫລີ ​ໄດ້​​ເອ​ກະພາບ ເພີ່ມ​ທະວີ​ ຮ່ວມ​ມືກັນ ​ຢູ່​ກອງ​ປະຊຸມ ​​ເຈົ້າ​ໜ້າ​ທ່ີ​ ລະດັບ​ສູງ​ ລະ​ຫວ່າງ ຈີນ-ຍີ່​ປຸ່ນ- ສ.​ເກົາຫລີ  ຄັ້ງ​ທີ 3 ທ່ີ​ຈັດ​ຂຶ້ນ​ຢູ່ ​ນະຄອນຫລວງ​ ໂຕ​ກຽວ ປະ​ເທດ​ຍີ່​ປຸ່ນ ​​ເມື່ອ​ບໍ່​ດົນ​ມາ​ນີ້. ຈຸດປະສົງ​ຕົ້ນຕໍ​ ຂອງ​ກອງ​ປະຊຸມ​ ຄັ້ງນີ້ ​ແມ່ນເພື່ອຮັບປະກັນ​ ດ້ານ​ການ​ສະໜອງ ​ສະບຽງອາຫານ​ ໃຫ້​ມີຄວາ​ມໝັ້ນຄົງ.

ພາຍຫລັງກອງປະຊຸມ, ສາມ​ຝ່າຍ​ ໄດ້​ອອກ​ ຖະ​ແຫລ​ງການ​ຮ່ວມ ​ໂດຍ ຈະ​ນຳ​ເຂົ້າ​ ຂົງ​ເຂດ​ກະສິກຳ-ສິນ​ໃນ​ນ້ຳລ້ວນໆ ​ແລະ ​ແລກປ່ຽນ ຜະລິດ​ຕະພັນ​ດັ່ງກ່າວ, ພ້ອມ​ກັນ​ນັ້ນ ຍັງ​ຍົ​ກ​ໃຫ້​ເຫັນ ​ເຖິງ​ຄວາມສຳຄັນ ​ກ່ຽວ​ກັບ ການ​ເພີ່ມ​ທະວີ ຄວາມສາມາ​ດ ​ໃນ​ກາ​ນຜະ​ລິດ ​ພາຍ​ໃນ ​ເພື່ອ​ຮັບປະກັນ​ ຄວາມ​ປອດ​ໄພ ດ້ານ​ສະບຽງ​ອາຫານ.

ນອກຈາກ​ນັ້ນ, ຍີ່​ປຸ່ນ, ຈີນ ​ແລະ ສ.​ເກົາຫລີ  ​ໄດ້​ລ​ົງນາມ ​ບົດ​ບັນທຶກ ​ການ​ຮ່ວມ​ມື ກ່ຽວ​ກັບ ການ​ປະສານ​ງານ​ຄົ້ນຄ​້ວາ, ​ການຮັບ​ມື​ ​ແລະ ປ້ອງ​ກັນ​ພະ​ຍາດ ຕິ​ດຕໍ່​ ຢູ່​ສັດລ້ຽງ, ສັດ​ປີກ ​ແລະ ສັດ​ທົ່ວ​ໄປ, ທ່າມກາງ ​ເກີດ​ການ​​ແຜ່​ລະບາດ ພະຍາດ​ ໄຂ້ຫວັດ ​ສັດ​ປີກ​ ຢ່າງ​ກວ້າງຂວາງ ​ແລະ ພະ​ຍາດປາກ​ເປື່ອຍລົງ​ເລັບ ຢູ່​ອາຊີ ​ໃນ​ຊຸ​ມປີຜ່ານມາ

ທີ່ມາ kpl.gov.la