ຈີນ ກວດລ້າງບັນຊີເປີດການຄ້າຫຸ້ນແບບຜິດກົດໝາຍ

ຕາມ​ຂ່າວ​ຕ່າງປະ​ເທດ, ​ໃນ​ວັນ​ທີ 15 ກັນຍາ 2015, ຄະນະ​ ກຳມະການ ​ກຳກັບ​ ຫລັກ​ຊັບ ​ແລະ ຕະຫລາດ​ ຫລັກ​ຊັບ​ ຂອງ​ຈີນ ພວມ​ດຳ​ເນີນ ​ການກວດ​ລ້າງ ​ບັນຊີ​ ທີ່​​ເປີດ​ສຳລັບ ​ການ​ຊື້-ຂາຍ​ຫຸ້ນ​ 3.255 ​ບັນຊີ ທີ່​ມີ​ສ່ວນ​ ກ່ຽວຂ້ອງ​ ກັບ​ການ​ຄ້າ​ຫຸ້ນ ​ແບບຜິດ​ກົດໝາຍ ​ເພື່ອ​ເປັນ​ການ​ຟື້ນ​ຟູ​ ລະບຽບ​ ຂອງ​ຕະຫລາດ​ ຫລັກ​ຊັບ ຫລັງ​ຈາກ​ ເກີດ​ການ ​ປັ່ນ​ປ່ວນ​ຢ່າງ​ໜັກ ​ຕັ້ງ​ແຕ່​ເດືອນ ມິຖຸນາ​ ຜ່ານ​ມາ.

      ສຳລັບ​ບັນຊີ​ ເປົ້າໝາຍ ​ດັ່ງກ່າວ ​ໄດ້​ມີ​ການ ​ປິດບັນຊີ ​ບາງ​ສ່ວນ ​ແລະ ບັງຄັບ ​ໃຫ້​ເຮັດ​ການ​ຊື້-ຂາຍ ​ໃນ​ວີ​ທີ​ທາງ​ທີ່​ຖືກຕ້ອງ​ ຕາມ​ກົດໝາຍ​ ໂດຍ​ການລະ​ເມີດ​ ມີ​ຫລາຍ​ຢ່າງ ​ເປັນຕົ້ນ ການ​ທີ່​ນັກ​ລົງທຶນ​ບໍ່​ຍອມ ​ໃຊ້​ຊື່​ຈິງ​ ໃນ​ການ​ລົງທະບຽນ ​ເປີດ​ບັນຊີ ​ແລະ ​ໃຊ້​ຮູບ​ແບບ ​ທີ່​ອຳນວຍ​ຄວາມ​ສະດວກ​ ໃນ​ການ​ຊື້-ຂາຍ​ຫລັກ​ຊັບ ​ດ້ວຍ​ການ​ໃຊ້​ສິນ​ເຊື່ອ ​ໂດຍ​ທີ່​ບໍ່​ຢູ່​ໃນ​ການ​ຄວບ​ຄຸມ ​ຂອງ​ໜ່ວຍ​ງານ ​ທີ່​ຮັບຜິດຊອບ ທີ່ມາ kpl.gov.la