ຈີນເດີນໜ້າ...ສົ່ງຍົນຖີ້ມລະເບີດຫຼາຍລຳ ລວມທັງ H-6K ຝຶກຊ້ອມລົງຈອດເທີງເກາະທະເລຈີນໃຕ້ແລ້ວ

ຈີນເດີນໜ້າ...ສົ່ງຍົນຖີ້ມລະເບີດຫຼາຍລຳ ລວມທັງ H-6K ຝຶກຊ້ອມລົງຈອດເທີງເກາະທະເລຈີນໃຕ້ຄັ້ງທຳອິດ ຜູ້ຊ່ຽວຊານການທະຫານເນາະນຳວ່າເປັນການຝຶກຊ້ອມທັກສະແລະຄວາມສາມາດຂອງນັກບິນຫາກເກີດສົງຄາມຂື້ນ

ໃນວັນທີ່ 21ພຶດສະພາ2018 ສຳນັກຂ່າວຊີເອັນເອັນ ລາຍງານວ່າຈີນປະຕິບັດການຝຶກຊ້ອມສົ່ງເຄື່ອງບິນບັນຈຸລະເບີດຫຼາຍລຳ ລົງຈອດເທີງເກາະໃນທະເລຈີນໃຕ້ເປັນຄັ້ງທຳອິດ ນັບຕັ້ງແຕ່ເກີດການຕັດສິນຍາດເອົາໝູ່ເກາະກັບຫຼາຍປະເທດໃນພູມິພາກອາຊຽນບໍ່ວ່າຈະເປັນຟີລິປິນ,ມາເລເຊຍ,ບູໄນແລະຫວຽດນາມ ໂດຍອ້າງກອງທັບອາກາດຈີນ ປະກາດໃນວັນສຸກທີ່ 18ພຶດສະພາ ທີ່ຜ່ານມາວ່າກອງທັບອາກາດຂອງກອງທັບປົດປ່ອຍປະຊາຊົນຈີນ ປະສົບຄວາມສຳເລັດໃນການຝຶກຊ້ອມຍົນຖີ້ມລະເບີດຫຼາຍລຳ ລວມທັງຍົນຖີ້ມລະເບີດທີ່ສາມາດຕິດອາວຸດນິວເຄຼີຍ ໃນການລົງຈອດແລະບິນຂື້ນຈາກເກາະບ່ອນໜື່ງໃນທະເລຈີນໃຕ້

ຊີເອັນເອັນ ຍັງອ້າງຖືງຄວາມເຫັນຂອງ ທ່ານຫວັງ ຫມີງຫຼຽຍ ຜູ້ຊ່ຽວຊານດ້ານການທະຫານວ່າການຝຶກຊ້ອມໃນການຂື້ນລົງເທີງເກາະໃນທະເລຈີນໃຕ້ ຈະເປັນການຝຶກທັກສະແລະຄວາມສາມາດໃນການຕຽມພ້ອມສຳລັບສົງຄາມເພື່ອຕອບໂຕ້ກັບການຄຸກຄາມດ້ານຄວາມໝັ່ນຄົງທີ່ຫລາຍຮູບແບບ