ຈີນສົ່ງດາວທຽມວາງລະບົບສື່ສານລະຫວ່າງໂລກກັບດວງຈັນ

ອົງການອາວາກາດແຫ່ງຊາດຂອງຈີນສົ່ງດາວທຽມສື່ສານຂື້ນໄປວາງລະບົບການຕິດຕໍ່ ລະຫວ່າງສູນປະຕິບັດການເທິງໂລກກັບເຄື່ອງສຳຫຼວດຊື່ງມີກຳນົດເດີນທາງໄປລົງຈອດເທີງພື້ນທີ່ຫ່າງໄກຂອງດວງຈັນພາຍໃນປີນີ້

 ສຳນັກຂ່າວຕ່າງປະເທດລາຍງານຈາກກຸງປັກກີ່ງ ປະເທດຈີນ ໃນວັນທີ່21ພຶດສະພາ ວ່າຈະລວດ’’ລອງມາດ-4ຊີ’’ຂອງອົງການບໍລິຫານອາວາກາດແຫ່ງຊາດຈີນ ຊີເອັນເອັດເອ ຂື້ນຈາກຖານປ່ອຍຈະລວດພາຍໃນສູນອາວາກາດ’’ຊີຊາງ’’ໃນເມືອງເສສວນທາງຕອນກາງຂອງປະເທດ ໃນເວລາ 05:28ນາທີ. ຕາມເວລາທ້ອງຖີ່ນຂອງວັນຈັນ( 04:28ນາທີ ).ເພື່ອນຳສົ່ງດາວທຽມສື່ສານ’’ຊ່ຽວສຽວ‘’ໝາຍຄວາມວ່າ‘’ຂົວນົກກາງເຂນ’’

ທັງນີ້ ພາລະກິດຂອງດາວທຽມດວງນີ້ຄື ການຕຽມຄວາມພ້ອມເຮັດໜ້າທີ່ປະສານການຕິດຕໍ່ສື່ສານຫວ່າງສູນປະຕິບັດການເທີງໂລກກັບພື້ນທີ່ຫ່າງໄກບໍລິເວນຂົ້ວໃຕ້ຫຼື ດ້ານມືດ ຂອງດວງຈັນ ຊື່ງເຄື່ອງສຳຫຼວດ’’ຊາງເອີ-4’’ມີກຳນົດອອກເດີນທາງໃນເດືອນມີຖຸນາ ນີ້ ແລະລົງຈອດບໍລິເວນນັ້ນໃນຊ່ວງເດືອນທັນວາ,ປີດຽວກັນຊື່ງຫາກປະສົບຄວາມສຳເລັດຈະເປັນເຄື່ອງສຳຫຼວດດວງຈັນລຳທີ່2 ຂອງຈີນໃນຮອບ 5 ປີຕໍ່ຈາກເຄື່ອງສຳຫຼວດ’’ວີ່ທູ’’ໝາຍຄວາມວ່າ  ’’ກະຕ່າຍຢົກ’’ ຊື່ງເປັນເຄື່ອງສຳຫຼວດດວງຈັນລຳແລກໃນປະຫວັດສາດຈີນອອກເດີນທາງໄປລົງຈອດໃນເດືອນທັນວາ ປີ2013.