ຈາກການໃຫ້ສຳພາດຂອງທ່ານ ຊາຕີ ໄຊຍະວົງ ອະດີດຜູ້ຈັດການທິມ ແມນຊິດຕີ້ລາວແຟນຄລັບໄດ້ວິເຄາະ 3 ເກມທີ່ຜ່ານມາ

ວິເຄາະຫຼັງເກມເຮືອໃບເລີ່ມແກວ່ງ...
ເຮືອໃບລາວແມນຊິຕີ້ລາວແຟນຄລັບນຳທີມໂດຍ ອາຈານເຕ້ ພອນໄຊ ວົງທອງຄຳ ຄູຝຶກສະໂມສອນລ້ານຊ້າງຢູໄນເຕັດ U19 ເຂົ້າມາບໍລິຫານຈັດການທີມແມນຊິຕີ້ລາວແຟນຄລັບໃນລະດູການນີ້ໂດຍໄດ້ດຶງເອົານັກກິລາໜຸ່ມນ້ອຍໃນສັງກັດເຂົ້າມາຮ່ວມການແຂ່ງຂັນໃນລາຍການ EPL LAO FANCLUB LEAGUE 2017..
ເລີ່ມຕົ້ນລະດູການຜ່ານໄປແລ້ວ 4 ນັດແມນຊິຕີ້ລາວແຟນຄລັບແຂ່ງ4 ຊະນະ1 ສະເໝີ1 ແລະ ເສຍ2 ຕອນນີ້ອັນດັບຫຼົ່ນລົງມາຢູ່ທີ9 ຂອງຕາຕະລາງສະຖານະການຕອນນີ້ຖືວ່າເຮືອໃບເລີ່ມເຈິພາຍຸຂອງແທ້ຊັດເຂົ້າມາຫາຢ່າງຕໍ່ເນື່ອງເຮັດໃຫ້ມີອາການເລີ່ມແກວ່ງໄປໆມາໆມື້ນີ້ເຮົາຊິມາວິເຄາະແຕ່ລະເກມຂອງທີມເຮືອໃບລາວເບິ່ງວ່າຊິເປັນແນວໃດ..
ເລີ່ມຈາກເກມທຳອິດທີ່ພົບກັບ The kop in lao ຈາກການກຽມທີມມາດີເກມນີ້ເຮືອໃບລາວເອົາຊະນະໄປ 5-3 ຈາກການໂຊຜົນງານອັນໂດດເດັ່ນໃນເກືອບທຸກຕຳແໜ່ງໂດຍສະເພາະ ຕົ້ນຈັກກິດ ປີກດາວລຸ້ງທີ່ລະເບີດຟອມເກັ່ງຂອງຕົນເອງອອກມາໄດ້ຢ່າງໜ້າປະທັບໃຈທຸກຄົນທີ່ຕິດຕາມໃນເກມນີ້ສ່ວນຕຳແໜ່ງອື່ນໆກໍ່ເຮັດໄດ້ດີເຊັ່ນດຽວກັນ..
ເກມທີ່2 ພົບກັບທີມ spurs Lao Fanclub ຫລັງຈາກທີ່ເອົາຊະນະ ເດິຄ໋ອບອິນລາວ ໃນນັດທຳອິດແຟນບານແລະນັກກິລາທຸກຄົນກໍ່ຕ້ອງຕົກໃຈກັບຂ່າວເສົ້າຂອງນັກກິລາທີ່ເອີ້ນໄດ້ວ່າເປັນຫົວໃຈຂອງທີມ ຕົ້ນຈັກກິດ ແລະ ສຸດທະລັກ ທີ່ປະສົບອຸປະຕິເຫດທາງທ້ອງຖະໜົນເຮັດໃຫ້ທັງສອງອາດຈະໝົດສິດລົງຊ່ວຍທີມທັງໝົດໃນລະດູການນີ້ເລີຍແລະມັນກໍ່ສົ່ງຜົນກະທົບໂດຍກົງກັບທີມເຕັມໆເມື່ອລົງແຂ່ງຂັນກັບທີມສະເປີລາວແຟນຄລັບແລະກໍ່ຖືກນຳໄປກ່ອນເຖິງ2ປະຕູຕໍ່0ຈົນມາເຖິງນາທີສຸດທ້າຍນັກເຕະພາກັນຮຶດສູ້ຍິງ2ລູກລວດໃນຊ່ວງທ້າຍເກມເຮັດໃຫ້ສາມາດຕີສະເໝີແລະແບ່ງແຕ້ມຈາກທີມສະເປີມາໄດ້ແຕ່ສະພາບໂດຍລວມແມ່ນນັກເຕະແມ່ນຂາດສະມາທິຕໍ່ເກມສະພາບຈິດໃຈບໍ່ເຕັມ100ແຕ່ກໍ່ຍັງສາມາດເອົາໂຕລອດມາໄດ້ໂດຍການສະເໝີກັບສະເປີ 2-2..
ເກມທີ3 ພົບກັບ Southampton lao Fanclub ເກມນີ້ຖືເປັນເກມທີ່ດຣາມ່າອີກເກມໜື່ງເທົ່າທີ່ມີການແຂ່ງຂັນມາເລີຍກໍ່ວ່າໄດ້ເກມນີ້ແມ່ນຊາວແຮມຕັ້ນເອົາຊະນະໄປໃນຊ່ວງນາທີສຸດທ້າຍຂອງການທົດເວລາບາດເຈັບດ້ວຍສະກໍ4-3 ສະພາບລວມຂອງທີມແມ່ນຍັງບໍ່ມີສະມາທິກັບເກມເຊັ່ນເຄີຍນັກເຕະທີ່ເຄີຍຫຼິ້ນໂດດເດັ່ນກໍ່ບໍ່ສາມາດງັດຟອມເກັ່ງຂອງຕົນເອງອອກມາໄດ້ແລະທີ່ໜ້າເຈັບໃຈທີ່ສຸດກໍ່ໜີບໍ່ພົ້ນການເສັຍປະຕູໃນຊ່ວງທົດເວລາບາດເຈັບນາທີສຸດທ້າຍຂອງເກມເຮັດໃຫ້ພາດການເກັບຄະແນນໄປແບບໜ້າເຈັບໃຈ..
ເກມທີ4 ພົບກັບ Newcastle Lao Fanclub ເກມນີ້ຖືວ່າເປັນຈຸດພີກສຸດໆຂອງທີມເລີຍກໍ່ວ່າໄດ້ເມື່ອຕ້ອງມາພົບກັບອາດີດແຊ້ມ2ສະໄໝຢ່າງນິວຄາສເຊີ້ນ ແລະ ກໍ່ເປັນໄປຕາມຄາດເມື່ອອາດີດແຊ້ມສອງສະໄໝສອນມວຍໃຫ້ແກ່ທີມເຮືອໃບລາວແບບບໍ່ມີໄວ້ໜ້າ10-2(ຍິງຈົນມຸ່ນອຸ້ຍປຸ້ຍບໍ່ເຫຼືອສະພາບໃຫ້ເຫັນເຮືອເລີຍ) ແລະກໍ່ຍັງເປັນການເສຍປະຕູທີ່ຫຼາຍທີ່ສຸດຂອງທີມເທົ່າທີ່ເຂົ້າຮ່ວມການແຂ່ງຂັນມາສະພາບຂອງທີມກໍ່ຍັງເປັນເຊັ່ນເຄີຍທີມຂາດຜູ້ນຳ ສະພາບຈິດໃຈບໍ່ມີແຮງຮຶດສູ້ຖ້ານັກເຕະບາງຕຳແໜ່ງບໍ່ກ້າຫຼິ້ນບານລະບົບຍັງລວນບໍ່ເປັນທີມເວີກ..
ໃນເມື່ອສະພາບເປັນແນວນີ້ມາເບິ່ງວ່າ ອາຈານເຕ້ ຈະມີວິທີແກ້ໄຂປັບຈູນເອີ້ນຂວັນກຳລັງໃຈຂອງທີມໃຫ້ກັບມາມີຄວາມລົງຕົວກັນໄດ້ໄວປານໃດແຕ່ເຊື່ອແນ່ນອນວ່າຖ້າຍັງເປັນແບບນີ້ຕໍ່ໄປບໍ່ພຽງແຕ່ເຮືອໃບຊິແກວ່ງແຕ່ມັນຈະກາຍເປັນເຮືອໃບອັບປາງຈົມລົງພື້ນນໍ້າເລີຍແນ່ນອນ...

 

Mancity Fanclub in Lao

#MCLFC #ELA17 #ley_city