ຈັບສອງອ້າຍນ້ອງໃສ່ໜ້າກາກ "ທຣຳ" ຊອກງັດຕູ້ເອທີເອັມໃນເມືອງຕູຣິນ

 

ຕຳຫຼວດຈັບກຸມສອງອ້າຍນ້ອງເຊິ່ງສົງໄສວ່າງັດຕູ້ເອທີເອັມຫຼາຍສິບຕູ້ໃນເມືອງຕູຣິນທາງພາກເໜືອຂອງອີຕາລີຂະນະໃສ່ໜ້າກາກຮູບໜ້າປະທານາທິບໍດີ ໂດໂນ ທຣຳ ຂອງສະຫະລັດ.

ສຳນັກຂ່າວຕ່າງປະເທດລາຍງານາກເມືອງຕູຣິນປະເທດອີຕາລີເມື່ອວັນທີ 24 ກໍລະກົດວ່າ ຖະແຫຼງການຂອງຕໍາຫຼວດເມືອງຕູຣິນທາງພາກເໜືອຂອງອີຕາລີລະບຸວ່າ ຕຳຫຼວດຈັບກຸມຊາຍຜູ່ຖືກສົງໄສ 2 ຄົນເປັນອ້າຍນ້ອງກັນ ກໍ່ເຫດເລາະງັດຕູ້ເອທີເອັມຂອງທະນາຄານຕ່າງໆລວມແລ້ວກວ່າ 10 ຕູ້ໃນເມືອງຕູຣິນ ໂດຍໃສ່ໜ້າກາກປິດບັງໃບໜ້າ ເປັນໜ້າກາກໃບໜ້າປະທານາທິບໍດີ ໂດໂນ ທຣຳ ຂອງສະຫະລັດ.

ເຫດລັກຕູ້ເອທີເອັມຄ້າຍກັບຮູບເງົາເລື່ອງ Point Break ເມື່ອປີ 1981 ນຳສະແດງໂດຍ ຄີນູ ຣີຟ ແລະ ແພັດທຣິກ ສະເວຊີ ເປັນແກ້ງນັກຫຼິ້ນກະດານໂຕ້ຄື້ນໃສ່ໜ້າກາກຂອງອະດີດປະທານາທິບໍດີເຮັດການປົ້ນທະນາຄານແຕ່ຖະແຫຼງການຂອງຕຳຫຼວດເມືອງຕູຣິນລະບຸວ່າ ສອງອ້າຍນ້ອງຜູ່ຖືກສົງໄສໄດ້ແຮງບັນດານໃຈຈາກຮູບເງົາເລື່ອງອື່ນອີກ ນັ້ນຄືຮູບເງົາເລື່ອງ The Jackal ນັກສະແດງນຳແມ່ນ ບຣູສ ວິວລິສ ປ່ຽນສີລົດເພາະກຳລັງຖືກຕຳໄລ່ເຊິ່ງສອງອ້າຍນ້ອງທາສີລົດເມີຊີເດສເບນເຊິ່ງຈາກເກົ່າແມ່ນເປັນສີຂາວເພື່ອໃຫ້ເປັນສີດຳ ດ້ວຍຈຸດປະສົງຄືໜີການຕາມລ່າຂອງຕຳຫຼວດ.

ສອງອ້າຍນ້ອງຜູ່ຖືກສົງໄສອາຍຸ 26 ປີ ແລະ 30 ປີຕາມລຳດັບກໍ່ເຫດງັດຕູ້ເອທີເອັມໃນເມືອງຕູຣິນເຊິ່ງພາບຈາກກ້ອງວົງຈອນປິດຈັບພາບຜູ່ຖືກສົງໄສເອົາໄວ້ໄດ້ຂະນະໃສ່ກາກປະທານາທິບໍດີ ທຣຳ ບໍລິເວນລັອບບີ້ຂອງທະນາຄານ ແລະ ພາບຂະນະກຳລັງຫາທາງທີ່ຈະລະເບີດຕູ້ເອທີເອັມ.