ຈັດເຕັມ!!ຜີເທງົບໃຫ້ເຮຍມູຍົກເຄື່ອງທີມເຕັມສູບ

 

ແມນເຊສເຕີ ຢູໄນເຕັດ ຕົກເປັນຂ່າວວາງງົບປະມານໃຫ້ກັບ ໂຊເຊ ມູຣິນໂຢ ໂຕເຕັງນາຍໃຫຍ່ຄົນໃໝ່ເອົາໄປຈັດສັນປັນສ່ວນຊື້ນັກເຕະທີ່ຕ້ອງການມາຮ່ວມທີມໃນລະດູການໜ້າ ເຊິ່ງຄາດວ່າມີຢູ່ໃນໃຈຂອງ ເຮຍມູ ແລ້ວ 4 ລາຍຄື ຮາເມສ ໂຣດຣິເກດ, ຈອນ ສະໂຕນ, ມາກິນຢອດ ແລະ ໂອບາເມຢອງ.

 

ແມນເຊສເຕີ ຢູໄນເຕັດ ກຽມຍົກເຄື່ອງໃຫຍ່ອີກເທື່ອໜຶ່ງຊ່ວງຊຳເມີນີ້ ເມື່ອພ້ອມເທງົບປະມານ 200 ລ້ານປອນໃຫ້ກັບ ໂຊເຊ ມູຣິນໂຢ ວ່າທີ່ນາຍໃຫຍ່ຄົນໃໝ່ເອົາໄປເສີມທັບເຊິ່ງເຮຍມູມີເປົ້າໝາຍຮຽບຮ້ອຍແລ້ວ.

 

ຕອນນີ້ກະແສຂ່າວຈາກທຸກສື່ກິລາລາຍງານກົງກັນວ່າ ມູຣິນໂຢ ຈະເປັນຜູ້ຈັດການທີມຄົນໃໝ່ຂອງ “ຜີສາດແດງ” ແນ່ນອນ ໂດຍຈະເຊັນສັນຍາ 3 ປີ ມູນຄ່າ 30 ລ້ານປອນແຖມບອດສະໂມສອນຍັງອະນຸມັດເງິນໃຫ້ໄປເສີມທັບ ເພາະເປົ້າໝາຍຂອງທີມຄືການກັບມາລຸ້ນຄວ້າແຊມລີກອີກຮອບໃຫ້ໄວທີ່ສຸດ ເພາະວ່າຮ້າງມາ 3 ປີແລ້ວຕັ້ງແຕ່ ເຊີ ອະເລັກ ວາງມື.

 

ມີການລະບຸວ່າ ມູຣິນໂຢ ມີເປົ້າໝາຍຫຼັກແລ້ວ 4 ຄົນຄື ຮາເມສ ໂຣດຣິເກດ ຂອງ ເຣອັນ ມາດຣິດ, ມາກິນຢອດ ຂອງ ເປເອັດເຊ, ຈອນ ສະໂຕນ ຂອງ ເອເວີຕັນ ແລະ ປີແອ-ເອເມີຣິກ ໂອບາເມຢອງ ຂອງ ໂບຣຸສເຊຍ ດອດມູນ ນອກຈາກນີ້ ແມນຢູ ຍັງໝັ້ນໃຈວ່າການມາຂອງ ມູຣິນໂຢ ເກືອບຈະຮັບປະກັນວ່າເຂົາຈະໄດ້ຂອງຟຣີລາຄາແພງຄື ຊະລາຕັນ ອິບາຮິໂມວິດ ມາຮ່ວມທັບຫຼັງຈາກທີ່ເຄີຍຮ່ວມງານທີ່ ອິນເຕີ ມິລານ.