ຈອນ ເທີຣີ ນັກເຕະຜູ້ເປັນຕຳນານຫວັງຫຼິ້ນໃນລີກອັງກິດອີກຢ່າງໜ້ອຍ 2 ປີ

ຈອນ ເທີຣີ ນັກເຕະກອງຫຼັງຂອງເຊລຊີ ສະແດງຄວາມມຸ່ງໝັ້ນວ່າຕ້ອງການຫຼິ້ນໃນພຮີເມຍລີກອີກຢ່າງໜ້ອຍ 2 ລະດູການ...

ສຳນັກຂ່າວຕ່າງປະເທດລາຍງານເມື່ອ ວັນທີ 26 ກໍລະກົດ ວ່າ ຈອນ ເທີຣີ ກອງຫຼັງຜູ້ໜຽວແໜ້ນຂອງຂອງເຊລຊີ ລະບຸຄວາມປາຖະໜາຂອງຕົນຈະຫຼິ້ນໃນພຣີເມຍລີກອີກຢ່າງໜ້ອຍ 2 ລະດູການ.

ສຳລັບ ເທີຣີ ຖືວ່າເປັນຕຳນານທີ່ຍັງຫຼິ້ນຢູ່ຂອງເຊລຊີ ໂດຍໂຕເອງກ້າວຂຶ້ນມາຈາກທີມຊຸດນ້ອຍຂອງສິງບລູກ່ອນທີ່ຈະລົງເຕະໃນສະໜາມສະແຕມຟອດບຣິດມາດົນນານເຖິງ 17 ປີ ແລະ ພາທີມໄດ້ແຊ້ມພຣີເມຍລີກເຖິງ 4 ສະໄໝ ແລະ ແຊ້ມຍູຟ້າອີກ 1 ສະໄໝ.

ລ່າສຸດໂຕເອງໄດ້ອອກມາເປີດເຜີຍວ່າຫວັງຈະຫຼິ້ນໃນລະດັບສູງຂອງພຣີເມຍລີກອີກ 2 ລະດູການເປັນຢ່າງຕ່ຳ "ຂ້ອຍຈະອາຍຸ 35 ປີໃນວັນຄຣິດສະມາດ ດົ່ງນັ້ນຫວັງວ່າຂ້ອຍຈະຢູ່ທີ່ນີ້ອີກ 2​ ປີ ຂ້ອຍເຂົ້າໃຈວ່າມື້ໜຶ່ງອາຊີບຂອງຂ້ອຍຈະຮອດມື້ສິ້ນສຸດລົງດັ່ງນັ້ນຂ້ອຍຈຶ່ງທຸ່ມເທທຸກສິ່ງໃນອີກບໍ່ເທົ່າໃດປີຂ້າງໜ້ານີ້.

ຂ້ອຍ ແລະ ສະຕີເຟັ້ນຕ້ອງການຫຼິ້ນຕໍ່ແນ່ນອນ ນັ້ນຄືສັນຍາຂອງເຮົາ ເມື່ອເຈົ້າຕະຫຼອດອາຊີບຂອງເຈົ້າມັນຈຶ່ງເປັນເລຶ່ອງຍາກທີ່ຈະຕັດສິນໃຈຢຸດ."

----------------------------------------------