ຈອນສັນຊຶມ!! ຖືກຕັດສິນວ່າຜິດແທ້ກັບຄະດີລ່ວງລະເມີດເດັກ

 

ສະກາຍສະປອດ ສື່ກິລາຂອງເກາະອັງກິດຕີຂ່າວ ອາດຳ ຈອນສັນ ອະດີປີກ ຊັນເດີແລນ ຖືກບັນດາລູກຂຸນຕັດສິນວ່າມີຄວາມຜິດຈາກຂໍ້ຫາການລ່ວງລະເມີດກັບເດັກໜຶ່ງກະທົງສົ່ງຜົນໃຫ້ເຂົາມີສິດຕິດຄຸກດົນສຸດ  14 ປີ.

 

ຄະນະລູກຂຸນຂອງສານສູງຄະດີອາຍາປະຈຳເມືອງ ແບຣດຝອດ ຕັດສິນວ່າ ອາດຳ ຈອນສັນ ອະດີດປີກ ຊັນເດີແລນ ສະໂມສອນໃນ ພຣີເມຍີກ ມີຄວາມຜິດຂໍ້ຫາມີເພດສຳພັນກັບເດັກນ້ອຍອາຍຸດຕ່ຳກວ່າເກນໜຶ່ງກະທົງ ຕາມການລາຍງານຂອງ ສະກາຍສະປອດ ສື່ກິລາຂອງແດນຜູ້ດີ.

ຈອນສັນ ຖືກກ່າວຫາວ່າມີເພດສຳພັນກັບເດັກອາຍຸພຽງ 15 ປີລະຫວ່າງທີ່ທັງຄູ່ຢູ່ໃນລົດຂອງຝ່າຍຊາຍທີ່ຈອດຢູ່ໃນຕອນທີ່ພົບກັນເມື່ອຊ່ວງເດືອນມັງກອນປີກ່ອນ ເຊິ່ງນັ້ນເປັນການພົບການເທື່ອທີສອງຂອງພວກເຂົາ ໂດຍໃນເທື່ອທຳອິດຄົນອັງກິດມອບເສື້ອ ຊັນເດີແລນ ທີ່ມີລາຍເຊັນຢູ່ເຖິງ 2 ໂຕໃຫ້ກັບເດັກຄົນນັ້ນດ້ວຍ ແຕ່ກົດໝາຍຂອງເມືອງຜູ້ດີລະບຸວ່າຫ້າມໃຜກໍຕາມມີເພດສຳພັນກັບເດັກທີ່ຍັງອາຍຸບໍ່ຮອດ 16 ປີ ແລະ ນັ້ນເຮັດໃຫ້ນັກເຕະໂດຍຕັ້ງຂໍ້ຫາເຖິງສອງກະທົງ.

 

ທັງນີ້ ຈາກເກົ່າແລ້ວລູກຂຸນຕັດສິນໃຫ້ ຈອນສັນ ພົ້ນຜິດໜຶ່ງກະທົງແຕ່ເຂົາກໍບໍ່ລອດຈາກອີກຂໍ້ຫາເມື່ອຄະນະລູກຂຸນຕັດສິນໃຫ້ເຂົາມີຄວາມຜິດເຖິງ 10 ສຽງຈາກທັງໝົດ 12 ສຽງ ສົ່ງຜົນໃຫ້ດາວເຕະທີ່ວ່າງງານມີໂອກາດທີ່ຈະຕິດຄຸກດົນສຸດ 14 ປີ ໂດຍຄາດກັນວ່າເຂົາຈະໄດ້ຮັບຊາບເຖິງບົດລົງໂທດຢ່າງເປັນທາງການໃນ 2-3 ອາທິດຕໍ່ຈາກນີ້.