ງ່າຍໆ..ສູດ​ເຮັດ​ສ​ະເປລີດ​ຜ້າ​ໃຊ້​ເອງ​ ດ້ວຍ​ສ່ວນ​ປະສົມ​ຈາກ​ໃ​ນຄົວ​ “ແປ້ງ​ເຂົ້າ​ໂພດ​”

ງານ​ລີດ​ຜ້າ​ເປັນ​ຫຍັງ​ທີ່​ໜ້າ​ເບື່ອ​ສຸດ​ໆ​ ກວ່າ​ຜ້າ​ຈະ​ອອກ​ມາ​ນຽນ​ຢ່າງ​ທີ່​ຕ້ອງ​ການ​ ກໍ່​ເສຍ​ທັງ​ເຫື່ອ​ທັງ​ແຮງ​ໄປ​ຕັ້ງຫຼາຍ​ ຫຼາຍ​ຄົນ​ຈຶ່ງ​ຊອກຫາ​ສະເປ ລີດ​ຜ້າ​ທີ່​ທ່ານ​ວ່າ​ກັນ​ວ່າ​ລີດ​ເທື່ອດຽວ​ຢູ່​ມາ​ໃຊ້​ກັນ​ ແຕ່​ວ່າ​ຂອງ​ຊື້​ຂອງ​ຂາຍ​ສະໄໝ​ນີ້ກໍ່​ແພງ​ ກໍ່​ເລີຍ​ຈະ​ຊວນ​ທຸກ​ຄົນ​ມາ​ເຮັດ​ ສ​ະເປ​ແປ້ງ​ເຂົ້າ​ໂພດ​ ເອົາ​ໄວ້​ລີດ​ຜ້າ​ກັນ​ ! ຈະ​ໄດ້​ມີ​ເສື້ອ​ຜ້າ​ລຽບ​ໆ​ ໄວ້​ໃສ່​ໄປ​ອອກ​ນອກ​ບ້ານ.

ອຸປະກອນ​

  1. ແປ້ງ​ເຂົ້າ​ໂພດ​ 1 ບ່ວງກາເຟ​
  2. ນ້ຳ​ຮ້ອນ​ 2 ຖ້ວງ​ຕວງ​
  3. ກວດ​ສ​ະເປ​

ວິທີ​ເຮັດ​

1. ເລີ່ມ​ຈາກ​ໃຊ້​ນ້ຳ​ຮ້ອນ​ 2 ຖ້ວຍ​ຕວງ​ປະສົມ​ກັບ​ແປ້ງ​ເຂົ້າ​ໂພດ​ 1 ບ່ວງກາເຟ​ ໃສ່​ໃນ​ກວດສະເປ ແລ້ວ​ຂະເຍົ່າ​ໃຫ້​ເຂົ້າ​ກັນ​ຈົນ​ກວ່າ​ແປ້ງ​ເຂົ້າ​ໂພດ​ຈະ​ທັງຫມົດ​ເປັນ​ເນື້ອດຽວ​ກັບ​ນ້ຳ​ ຫາກ​ຕ້ອງ​ການ​ໃຫ້​ປົກ​ເສື້ອ​ແລະ​ຂອບ​ແຂນ​ເສື້ອ​ຕັ້ງ​ກົງ​ຢູ່​ຊົງ​ ໃຫ້​ປະສົມ​ແປ້ງ​ເຂົ້າ​ໂພດ​ເພີ່ມ​ລົງ​ໄປ​ອີກ​ 1 ບ່ວງ​ໂຕະ.​

2. ເປີດ​ເຕົາ​ລີດ​ແລະ​ຕັ້ງ​ຄ່າ​ຄວາມ​ຮ້ອນ​ໃຫ້​ເໝາະ​ກັບ​ເສື້ອ​ຜ້າ​ແຕ່​ລະ​ຊະນິດ​ ແລ້ວ​ລີດ​ເສື້ອ​ຜ້າ​ໄປ​ຕາມ​ວິທີ​ປົກກະຕິ​ ແຕ່​ກ່ອນ​ຈະ​ລົງ​ມື​ຄວນ​ກັບ​ດ້ານ​ເສື້ອ​ຜ້າ​ເພື່ອ​ລີດ​ຈາກ​ດ້ານ​ໃນ​ຊະ​ກ່ອນ.​

3. ເມື່ອ​ລີດ​ສຳເລັດ​ແລ້ວ​ໃຫ້​ສີດ​ສະ​ເປແປ້ງ​ທີ່​ກຽມ​ໄວ້​ລົງ​ເທິງ​ເສື້ອ​ຜ້າ​ແລະ​ຢ່າ​ລືມ​ຂະເຍົ່າກ​ວດ​ກ່ອນ​ໃຊ້​ທຸກ​ເທື່ອ​ ຈາກ​ນັ້ນ​ສີດ​ສະ​ເປ​ແປ້ງ​ໃຫ້​ຫ່າງ​ຈາກ​ເສື້ອ​ຜ້າປະ​ມານ​ 10 ຊັງ​ຕິ​ແມັດ​ໃນ​ປະລິມານ​ທີ່​ບໍ່​ຫລາຍ​ເກີນ​ໄປ​ ໂດຍ​ໃຫ້​ເນັ້ນ​ສີດ​ປົກ​ເສື້ອ​ແລະ​ຂອບ​ແຂນ​ເສື້ອ​ໃຫ້​ຫລາຍກວ່າ​ສ່ວນ​ອື່ນ.​

4. ຫຼັງ​ຈາກ​ສີດ​ພົມ​ສ​ະເປແປ້ງ​ລົງ​ເທິງ​ເສື້ອ​ແລ້ວ​ໃຊ້​ມື​ອີກ​ຂ້າງ​ດຶງ​ເສື້ອ​ໃຫ້​ຕຶງ​ ແລ້ວ​ລີດ​ຜ້າ​ໄປ​ຈົນ​ກວ່າ​ຈະ​ບໍ່​ໄດ້ຍິນ​ສຽງ​ສູ່​ສີ່​ໆ​ ທີ່ເກີດຂື້ນ​ເມື່ອ​ເຕົາ​ລີດ​ສຳຜັດ​ກັບ​ສ​ະເປ​ແປ້ງ​ ຊຶ່ງ​ເປັນ​ສັນຍາ​ນວ່າ​ລີດ​ຜ້າຈົນ​ແຫ້ງ​ບໍ່​ເຫຼືອສະເປ​ແປ້ງ​ປຽກ​ໆ​ ຢູ່​ເທິງ​ເສື້ອ​ແລ້ວ​ ຖ້າ​ຫາກ​ປ່ອຍ​ໃຫ້​ຜ້າ​ປຽກ​ຢູ່​ຢ່າງ​ນັ້ນ​ ອາດ​ເຮັດໃຫ້​ເກີດ​ບັນຫາ​ກິ່ນ​ອັບ​ຕາມ​ມາ​ອີກ​ກໍ​ເປັນ​ໄດ້.​

5. ເມື່ອ​ລີດ​ເສື້ອ​ຜ້າ​ດ້ານ​ໃນ​ສຳເລັດ​ແລ້ວ​ກັບ​ຜ້າ​ອີກ​ດ້ານ​ໜຶ່ງ​ ມາ​ເຊັກ​ເບິ່ງ​ວ່າ​ມີຄາບ​ສະ​ເປ​ແປ້ງ​ເປັນ​ດວງ​ໆ​ ເທິງ​ເສື້ອ​ຜ້າ​ຫລື​ບໍ່​ ຈາກ​ນັ້ນ​ກໍ່​ເຮັດ​ຕາມ​ສ​ະເຕັບ​ເກົ່າ​ຄື​ ສີດ​ສະ​ເປ​ໃຫ້​ຫ່າງ​ຈາກ​ຕົວ​ເສື້ອ​ນ້ອຍໆ​ແລະ​ລີດ​ໃຫ້​ລຽບ​ເທົ່າ​ນີ້​ກໍ​ສຳເລັດ​ຮຽບຮ້ອຍ​ແລ້ວ​.

========================================================================================================