ງ່າຍໆໃຜກໍ່ເຮັດໄດ້ ຫຼຸດໄຂມັນສະສົມ ໃນຮ່າງກາຍ

 

 ການ​ເຜົາ​ຜານ​ໄຂ­ມັນ​ທີ່​ດີ​ຈະ​ຊ່ວຍ​ໃຫ້​ຮ່າງ­ກາຍ​ບໍ່​ມີ​ໄຂ­ມັນ​ສະ​ສົມ​ຢູ່   ຫຼາຍ​ເກີນ​ໄປ ແລະ​ບໍ່​ເຮັດ​ໃຫ້​ຕຸ້ຍ ຊຶ່ງ​ໃຜ​ຫຼຸດ​ນ້ຳ­ໜັກ ຫຼື ຫຼົງ​ໄປ​ຮັບ​ປະ­ທານ ອາ­ຫານ​ຫຼາຍໆ​ຢູ່​ກໍ​ຕ້ອງ​ເລັ່ງ​ການ​ເຜົາ​ຜານ​ໃຫ້​ຫຼາຍ​ກວ່າ​ປົກ­ກະ­ຕິ​ຈະ​ບໍ່​ໄດ້​ເກີດ​ການ​ສະ​ສົມ​ຂອງ​ໄຂ­ມັນ ຊຶ່ງ​ວິ​ມີ​ການ​ຫຼຸດ​ໄຂ­ມັນ​ສະ​ສົມ​ໃນ​ຮ່າງ­ກາຍ​ນັ້ນ​ກໍ່​ງ່າຍໆ​ໃຜໆ​ກໍ​ສາ­ມາດ​ເຮັດ​ໄດ້​ດັ່ງ­ນີ້:

 

  • ດື່ມ­ນ້ຳ​ສົ້ມ​ຄັ້ນ​ສົດ​ຫຼື​ກິນ​ສົດໆ: ແບບ​ບໍ່​ຕ້ອງ​ຄັ້ນ​ກໍ​ໄດ້ ເພາະ​ໃນ​ນ້ຳ​ສົ້ມ​ມີ​ວິ­ຕາ­ມິນ​ທີ່​ມີ​ຄວາມ​ສາ­ມາດ​ໃນ​ການຊ່ວຍ​ດູດ​ຊຶມ​ສານ​ອາ­ຫານ​ທີ່​ສຳ­ຄັນ​ຕໍ່​ຮ່າງ­ກາຍ ແລະ​ເສັ້ນ​ໃຍ​ສູງ.
  • ກິນ​ທັນ​ຍາ​ພືດ​ໄຂ­ມັນ​ຕ່ຳ: ເປັນ​ອາ­ຫານ​ທີ່​ສາ­ມາດ​ນຳ​ມາ​ກິນ​ຫຼິ້ນ​ໄດ້ ເພາະ​ອຸ­ດົມ​ໄປ​ດ້ວຍ​ສານ​ອາ­ຫານ,ວິ­ຕາ­ມິນ ແລະ​ສານ​ຕ້ານ​ອະ­ນຸ​ມູນ​ອິດ­ສະ­ຫຼະ​ຊ່ວຍ ໃຫ້​ຮູ້­ສຶກ​ອີ່ມ​ທ້ອງ​ບໍ່​ຢາກ​ລະ­ຫວ່າງ​ມື້​ອາ­ຫານ​ໄດ້.
  • ຫຍ້ຳ​ໃຫ້​ຊ້າໆ: ການ​ຫຍ້ຳ​ອາ­ຫານ​ໃຫ້​ຊ້າ​ລົງ​ຈະ​ຊ່ວຍ​ໃຫ້​ຮູ້­ສຶກ​ອີ່ມ​ໄດ້​ດົນ​ຂຶ້ນ​ແລະ​ບໍ່​ຄວນ​ກິນ​ອາ­ຫານ​ຫຼັງ 6 ໂມງ​ຄ່ຳ​ເພາະຈະ​ເຮັດ​ໃຫ້​ພະ­ລັງ­ງານ​ບໍ່​ຖືກ​ໃຊ້​ໄປ​ຈົນ​ເກັບ ສະ​ສົມ​ເປັນ​ໄຂ­ມັນ​ໄດ້.
  • ກິນ​ຜັກ ແລະ​ໝາກ​ໄມ້: ເລືອກ​ທີ່​ມີ​ນ້ຳ­ຕານ​ໜ້ອຍ​ໃຫ້​ພະ­ລັງ­ງານ​ໜ້ອຍ​ແຕ່​ຮູ້­ສຶກ​ອີ່ມ​ເຮັດ​ໃຫ້​ກິນ​ອາ­ຫານ​ມື້​ຫຼັກ​ໜ້ອຍ ລົງ ແລະ​ຍັງ​ໄດ້​ຮັບ​ວິ­ຕາ­ມິນ ແລະ​ສານ​ອາ­ຫານ​ທີ່​ມີ​ໃນ​ຜັກ ແລະ​ໝາກ​ໄມ້​ຢ່າງ​ຄົບ​ຖ້ວນ.
  • ອອກ­ກຳ­ລັງ​ກາຍ: ການ­ເຄື່ອນ­ໄຫວ​ຮ່າງ­ກາຍ​ຈະ​ຊ່ວຍ​ເລັ່ງ​ການ​ເຜົາ​ຜານ​ໄຂ­ມັນ​ໄດ້​ເປັນ​ຢ່າງ​ດີ ໂດຍ​ສະ ເພາະ​ການ​ແລ່ນ​ຢ່າງ​ໜ້ອຍ 30 ນາ­ທີ ພຽງ​ເທົ່າ​ນີ້​ກໍ​ຈະ​ເຜົາ​ຜານ​ໄດ້​ເຖິງ 140 ແຄ​ລໍ​ຣີ.